¹ Nami, Yeso iko enik algi ki majirakuni. ² Si ta "ana tureshik malumshei onzi ki yahudaku namanko kasu kit Musa. ³ Kika ka a 'ya ko emiya nzuni ananku, 'ya ngu moi nzuni me ngu e shidaei nzuni ishebu, kika nzuni a anshenti me a ishe bu. ⁴ Nzuni a ngarshe karei yo juktasi yam ki ka daɗonni, nami haftesi a bei biya, me nzuni ki kasu a zobshe ko kolansu bu sauwa biya jukta karei'e. ⁵ Nzuni ishe shaf emiya ɗo biya moyi, kika nzuni garshe gurusu a hili, subanshesu kit a takma eli. ⁶ Nzuni ndalanko beik zei a ban Ndeyi, ⁷ Ki lakɗu zina a goma, ke biya eshe nzuni malumshe. ⁸ Me a eshe nguni 'malumshe bu' kika ngu anandi malum moɗi hiy , kika shafku yaganaku. ⁹ A dunya ke ngu eshe ngo boku bu, kika ngu anandi Boti moɗi, si ke tong ɓaɓa. ¹⁰ Ke a eshe nguni malum bu, ki ka ngu anandi malum moɗi hir, si Kiristi. ¹¹ Me ngoi na na'ako hototku a ɗeyinni bidanku. ¹² Na ngo namko kanni a matiti si mama'i, ke na ngo mata kanni mama'i a namni kanni. ¹³ Me tititku nguni malumshei, onzi ki Farisaku, biyai zina bu!/ ana duka be'i! ngu hankok biya boduɓanok geɗe ban Ndeyi. kika nguni ki katku gaɗanko bu ke ngu wusanko mamaye geɗe, gede bu. ¹⁴ Ulanku, malumshei onzi ki farisaku, ana duka be'i! ki ka ngu worshenti karei monde yo gorajinsu matansu, ngu ishe ɗonshuk Ndeyi yo gera ki eni ɗo ngu bo'ote bille. kika ka,a ngu biska horo subas so nako. ¹⁵ Titititku, malumanshei onzi ki Farisaku, ana duka be'i! ki ka ngu dishenku ko eli yiya ki haushi a barta ngoi biska jire moɗi. na ngu wanko jo, ngu matani lah yesiyo geɗanku. ¹⁶ Titittku, nguni ana geɗe dom, nguni yo anceta ko ngoi yi ya na tiko ana ki bi Ndeyi an iya bu. me na ko ngoi yi ya na tuko ana ki dinai bi Ndeyi, ana ni a ngahinni. ¹⁷ Nguni makumshei yaknaku, geɗai dinai ɗo bi Ndeyi yo bu'unshenti dinar? ¹⁸ Ta ke, 'Lei ngo yi ya tuko ana ki bakdi an 'yabu. me lei ngoi yi ya tuko ana ki ieyo zanko kanni, ngahini.' ¹⁹ Nguni makumshei biya, yi ya geɗe kuti, onom, ɗo bakdi yo onshe onom ki Ndeyi? ²⁰ Ka,a, lei ngo yi ya tuko ana ki bakdi a tuko ana ki lei miya tong hawo to. ²¹ Jo lei ngo yi ya tuko ana ki bi Ndeyi tuko ana ki si yo ɗeino hawonni. ²² Na ke lei ngo yi ya tuko ana ki ɓaɓa tuko ana ki bei ɗeinok Ndeyi yo si ɗeino kanni. ²³ Titititku, malumshei onzi ki Farisaku, ana duga be'i kika ngu wusanko inobu eiyo sharya dah angunik e-jire, ki ina zina ki tili moɗi mamaye ne suba ngu e, ke ngu wus moɗi bu. ²⁴ Nguni anin tama bille, ngu dubentik titok mama'i me ngu dolshenti kndikmo! ²⁵ Titikut ku, ana tureshi ki Farisaku, ana eta! ki ka ngu bu'ushe bei shoko me hawonni an bukɗo. ²⁶ Nguni makum shei Farisa, buɗatik tong shoko tono, jo ku buɗi beini ɗeyi zina. ²⁷ Titikut, ku ana tureshi ki farisaku, ana eta kika ngu kit burare, yo a hena zina, me hawosu shaf oso biya ki ko emiya yo andi bukɗo. ²⁸ Kit ka,a ke'e nguni ke ngu ɗeyanku kit ana jire a ga biya a tong hena me a gebe ngu ana eta ki bugɗo. ²⁹ Titikut, ku ana tureshi ki Farisaku, ana eta! ki ka ngu salshenti bure nabaku ke ngu jendanti burek ana jire. ³⁰ Ngu ansheta, namu ɗeyanko a sommoɗik bobemu, ka mu gomta kammu ki nzuni bu a bei kasa domni nabaku. ³¹ Kika ka,a ngu an ako ho'ototku ta ngunik milla mamaye yo dukanko nabaku. ³² Ngu ngamtek bobenku eiyo ke yo su. ³³ Nguni milla samma lolo ngu Walla kibo sharya so ban ye si? ³⁴ Na ka,a moya ne sarkuti nabaku, ana wayo ki ana tureshi madɗinsu ngu dugti ke ngu lonke madɗinsu me'e ngu isu jibo a ban donshungku, ngu ngaf nzuni ki tong bano bano. ³⁵ Ki ka bei maye, e a katku dom biya jire ma kasa eli, tin ki dom Habila ngoi jire ki dom Zakariya lah Barashiya, yo ngu dukanko gebek bidonshuki bagdi. ³⁶ Ki jire nen ankuti, shaf ei mamaye a ndutu aka biyai kauso. ³⁷ Urushelima, Urushelima, ana duga nabaku nami okle mamaye sarnako gemanku ka mono nendalo ne dahe millanshi geman shi kit yabiso zobshe milla to her manto, me shi ndabu. ³⁸ Moyi wusankoti banotko. ³⁹ Me ne nankuti, ngu moidi ne e bu kika kauso, kaba na ngu ananko, "ngoi barka siyyo ndutu a tong sun bomu abano.'"