¹ Mena ɓaɓa ɗeya ikt ngoi a mara yo hatak shandal wora ana dogonji korini ² 'Yangko eni dogonji ta onsu dinar momedi goli, si sar nzuni tong ko rini. ³ Si hetedik babaɗi, moiko ana gyala dogonji 'yerno sarai a bo goma ⁴ Si ansuta,'' nguni, datikonino, ne onkou 'yai yo ina zina .''nzuni ke go bei ruta. ⁵ hetenok hoti ki bo zoni, sar nzuni. ⁶ Ɗo hoti gunato si hata boltu ma'ato ɗeino sarai bo goma. si ansuta, 'Ki bo miya ngu 'yerno wara nutaye?' ⁷ Nzuni anita, ''an ngoi esha munibu''Ngunke nda tong korino. ⁸ Ɗo hotik gyenato, a kani ɗeino a eshe bidani ani, ta eshetiana dogonji ko tuhe sutiko yunsu, ko zal onshe kika biyai nda no ki be'i. ⁹ Ɗo nzuni ndano, leilo biska dinar moɗi, ¹⁰ Do mamaye ndanok shandal ndano, zangko tili aka a biska 'yai gyeɗak sule moɗi ¹¹ Ɗo nzuni biskangko sule moɗi, a some ngurngurantaka a kori ¹² nzuni ta mamaye ndano ki bei moishe iyanko ruta shim, muni me a omu moɗikinzuni, muni shaf 'yangko ruta shaf ki goli.' ¹³ Akori lafni anfa, ngono nen iko 'yai disabu. mu 'yonto ina oyus ne tuhe nguni buɗe dinar moɗi ye? ¹⁴ Nama 'yai yoku a ngugot ku ne'e onak ma adano ki bei kit yo ku ma ndano tono. ¹⁵ Nen gita ina 'yaimiyake ki 'yai yono buɗo?' ¹⁶ yo tek teke a metu yo bo tono yo botono meti yo tekteke.'' ¹⁷ Ɗo yeso isko Urushalima, esha dir bolo gyemani, tun a bila si ansu ta. ¹⁸ ''Moyai gomu urushalima, a ontik la ngo moishe malunshe ki ana tureshi, nzuni ɓatni sheryak mato ¹⁹ Aoninik ki biyai yahudakubu a boksi a ini jibo, a longkini. Bei sommoɗi kunu a hinɗini.'' ²⁰ woi nonti mila Zabadi dinogya yeso ki millanto. te tuba domni a dolsi 'iya moɗi gyemani ²¹ Yeso anto ta ''shi da miya? te ani ta, ''Onik milla no bolo moɗi ndeyi sarak tina modi mene ko.'' ²² Yeso lafto taru ''Ngu manangko 'yai ngu do/shebu. Ngugtik se she gitik ki tong gyerwale yone sena ɗo?" nzuni anita, ''Mu giti.'' ²³ Si ansuta, "Ngu giti sena tong gyerwaleno. me ngoi a deya sarak linanno ɗo geɗenno a onai ne'e bu, me yo biyai 'yangko bo nzuni." ²⁴ Ɗo kine maajiraku bimmaɗ ko langko 'eani woiye'e a yabtitik tili ki 'ya gyena boloi'e. ²⁵ Yeso esha nzui gemani a ansuta ngu manangkoti ana mene beyai yahudakubu a njashe zuni, manekshinsu tamshensu geɗo. ²⁶ Me aɗeya ka'a hotok kubu. ki bo ka'a ngoi na ndalo ɗeyi na'ako a hototku si ɗeyi bida leilo. ²⁷ Ke leilo hotoku ndalo ɗeyi yo tono hototku si nɗeyi bidangku. ²⁸ Kit yo la ngo ndino bona biya ɗeyi bidanibu, me si ɗeyi bida biya a on zauni bo 'yak wangu ki biyai shei.'' ²⁹ Ɗo hatanok jariko, ɗahi algi ɗaha si. ³⁰ Andi makumshe bolo ɗeino bo bille, ɗon nzuni kolangko Yeso geɗe ki wongɗi, nzuni gille, ''Bomu a Bano, La Dauda, kol jigyayimmu.'' ³¹ Gilla kasu, anita ye'etai me nzuni juktidi dolyasu ɓaɓa, "Bomu a Bano, La Ɗauda, kol jigyanmu.'' ³² Yeso eri a dol nzunita ''Ngu ndalangko ne'iku miya?'' ³³ Nzuni anita ''Bonu a Bano, ɗo ko ehemu idamu mu'e moino." ³⁴ Yeso ki jigyayi, sabko idansu. kato moɗi nzuni zal moino a ɗahe si.