¹ Ndino ɗo Yeso takatko eni, si, dei di eli Galili, ke nduni hena Yahudaku yo dom haushik Urdum. ² Algi shei ɗaha si, ke si daranta nzuni wonɗi. ²⁹ Leilo na deino bano, benonti, mi nonti, boti, milla nama elikasuno, si biska ka dalma ki zau yo an bo ernoto bu. ³⁰ Me shei ki biyei bo tono mesu bei, yo bei mesuyo tono. ⁵ Si yo iko nzuni ta, " Ki ka ka'a gorzo a wusitik bobi ki noni ɗeyinik man'i, nzuni bolo deyansu zugo moɗi? ⁶ ki ka kauso nzuni bolo bu,me zugo moɗi. Ki ka ka'a ei yo Ndeyi gomta, ngo tike bu." ⁷ Nzuni ani ta, Ki bo miya Musa amu ta mu oni tureshi duga babno ke jo mu wuste'e marshe to ye?" ⁸ Si ansu ta "Ki ka gedok tilinku Musa deiko nguningu wus manku, ki ka ki bo tono ka'a bu. ⁹ Nen anshenku, leilo na wusko man'i kaba na ka aza, naka so'oto, si deino azak te. ke jo gorzo yo kah mandus wusanto a ishe azak te." ¹⁰ Majiraku anik Yeso ta, "Na woi ei yohelekngo ki man'i, iko zina ngo ke e keshi bu." ¹¹ Yeso me ansu ta, "An biya yo biskanko shutantu wonse bu, me kaba biyai onansu geɗok biska. ¹² Kaba biya yo leishe bu yo matansu ka'a ke an ma le'yanko nzuni ka'a. Kejo andi ma'ato yo matanko kasu ka'a bu ɗo nzuni ro tong mene Ndeyi. Ngoi yo gitko biska shutu wonse si biska." ¹³ Moi mokani milla ɗosi ze su sarakasu isu ɗonshu, me majirakuni ngesuti. ¹⁴ Yeso me ani ta, "wusa milla, ndutu gyemano, ki bo mene Ndeyi yo shida millamaye'e." ¹⁵ Si ze sarani ka milli ke dei tik wonɗi. ¹⁶ Moi, gorzo yo'oto ndino gya Yeso ani ta, "Malum, ne ina ei zinai yiya ne we zau yo an bo erno to bu? ¹⁷ Yeso ani ta, "Ki bo miya ko dolshe ne'e a ka 'yei zina ye? Moɗi ne si zina, me na ko nda rina tong zau ɗahi uhe.'' ¹⁸ Ngoye ani ta, "uhe yi ya?" Yeso ta, "Ko dug zaubu, ko 'e aza bu ko 'e shiri bu, ko'e ngadar ka ngo bu, ¹⁹ nam ka boko ki nonko, ko ndalte yagyenako kit katko." ²⁰ Ngoi jo anita, "mamaye shaf ne dafko. Kina miya kauso? " ²¹ Yeso ani ta, "Na ko ndalo ko ɗeyi zina, ndui boititik shafki ei ko andi, ko onti oyui ki an a mure, ko wena dara shei ɓaɓa, ko ndutu ko ɗaf ne'e." ²² Me ɗo bugai kolko'e Yeso anko, si ndunni ki yabta tili, ki bo si an dara shei. ²³ Yeso anik majirakuni, Nen anshenku jire a ɗeya yam kit miya a dara ro tong ban ɓaɓa. ²⁴ Har kauso ne anshen ku, a ɗeya kahuru ndigmo ro wunti libra ki bo a dara ro tong mene Ndeyi." ²⁵ Ɗo majiraku kolang ko ka'a, shafsu 'ye monmoni ani ta, "A wena wangui lo?" ²⁶ Yeso moi nzuni anshensu ta, "A gyem ngo a ina bu, me gya Ndeyi lei miya a ito." ²⁷ Bitrus lahi ani ta, "moi muni mu wusinko lei miya mukatok ɗahakoi. Muni mu wena miya?" ²⁸ Yeso ansu ta, "Nen anshe ku jire, a sommoɗi Lah Ngo a ɗeya ka njakɗanni yo nama kani yo ɗahanko ne'engu ɗeya ka meneIsraila dir boloi 'ye, ngu ina sheryaki shida Isra'ila dir bolo. ²⁹ Leilo na deino bano, benonti, mi nonti, boti, milla nama elikasuno, si biska ka dalma ki zau yo an bo ernoto bu. ³⁰ Me shei ki biyei bo tono mesu bei, yo bei mesuyo tono.