¹ Bei sommoɗi ba'ashi moɗi Yeso namko Bitrus, Ykubu ki Yahayabe noni, mok nzuni ka ɗili gosho so'oto. ² Subani sabyi tohuskani talku kit hoti, karei ni ke hetre kit yesi. ³ Moishe, woi Musa ki Iliya enik si. ⁴ Bitrus lapkop anik Yeso ta, Bomu a bano, iko zina mu wonɗe. Na ko ndalo, ne ramteku sangaya kunu- moɗi yoko moɗi yo Musa ke moɗi yo Iliya.'' ⁵ Ɗo si kato eni, kaba, kebei hetre urnoa hannsu, moishe ɗolya hetenok tong keɓes 'e, a anita, "Woi lano yo ka tilino, ke ne kuyuk si, kolasi." ⁶ Ɗo majiraku kolang ko ka'anzuni ngata su eli ki bo nzuba. ⁷ Yeso ndino sab zugonsu a ansu ta, hinɗai ngu einzubabu.'' ⁸ Nzuni haftanko idan su moyanko leilo bu kaba Yeso mɗabi. ⁹ Ɗo kato dugzetu ka goshoi, Yeso ansu eni ta, "Nzuni kada ani ki leilo bu kaba na juktanko lah ngo ki mato.'' ¹⁰ Majirakuni dolangko si , ta, "Ki bo miya ana tureshi anshe ta Iliya ndutu ye?" ¹¹ Yeso lpi ta, " An tababa bu Iliya a ndutu ramtiti lei miya. ¹² Me nen anshenku, Iliya ndinni, nzuni me mantanko si bu. ki ka'a, nzuni 'yanko ei nzu ni ndalanko ki si. ka'a ke, lah ngosena maito sarasu.'' ¹³ Majirakuni diɓanko ta si eni ka Yahaya a baptisma. ¹⁴ Ɗo nzuni ndano gya algi, gorzo moɗi ndino gyemeni, a kube domni ani ta, " ¹⁵ Bomu a bano, tu jigyayi lahno, si an golla mu'yur a maitasi yam. Kika a yakta si tong yesi nama ham. ¹⁶ Ne mokno si gya majirakunko, me nzunigitang kodaranta si bu." ¹⁷ Yeso lapko ta, Shida ana yaklu ona jire, ki ana rerei, ne ɗeya bo sommoɗi monoki nguni? Moka ti si wonɗe gyemano." ¹⁸ Yeso gilla ka sinkau, moishe hetenok zugoni lalambai ke darini. ¹⁹ Majiraku ndano gyemani yo'otonsu ta, "lolo mugitangko hoɗa si bu?" ²⁰ Yeso ansu ta, ''kika ona jirenku shim'i. Ne anshenku jire, na ngu an ona jire lei mama'i kit ela sherka, ngu gitik anashe ki gosho woi ta nzaɗitko ki wonɗe ndu wonɗi, ke ka'a a helae to ke an ei a ɗeya yam gyemaku bu. ²¹ Me shida sinkau woi a hete bu kaba ki ɗonshu kikola kizi. ²² Ɗo nzuni tong Galili, Yeso ankok majirakuni, "A onti klah ngo sarak algi. ²³ Nzuni ke dugini mato, ki be sommoɗi kunu a juktini. majirakuni damtansu yam. ²⁴ Ɗo nzuni ndano Kafarnahum goraji yo biska ngalanandano gyaRBitrus anita, "Malumku tuhe kabtu ngalana buɗo? ²⁵ Si ta, "ka'a" me Bitrus runi tong bano, Yeso ini eni ta, "ko dibshe miya Simon? Ma'inshe dunya, nzuni biska ngalana ki gya lo? Ki gyem ana daha bei su ɗo ki gyem ngerhahi?" ²⁶ Ɗo Bitrus anko ta, " ki gyem ngerhahi" Yeso ani ta, ana eli hoɗansuk tonko ana ngalana. ²⁷ Bo kadan zub nzuni tong zunhu bu, nda bo haushi, kas 'yak ngaha kerwo, kerwo yo ndino bo tono. na ko aha bonto, ko wena oyu. Nami ko onik ana biska ngalanas ta woi yono ki nguni."