¹ Mafarisiyaku ki masadukuyaku nɗeino kabtasi dolangko sita si isu 'yakk monmoni tong keɓe. ² Si me lafko ansuta, "Na bo zoni ito, nguni ansheta, 'Be'i zei bo keɓe dei.' ³ Ki babaɗi nguni anshe ta, keɓe dei bei ina zeibu keta. ngu manangkoti hawok keɓe, me ngu manangko hawok somboɗibu. ⁴ Zaman disa ki ana aza a gyala 'yei a tomsu, me a tansu 'ya bu kaba tamsu 'yak yunana.'' Yeso deinsu a goni. ⁵ Ɗo majirakum tanshansu lahai yo'oto, montangkok nama sinakir. ⁶ yeso ansu ta, "'ya donam ki yesti yo mafarisaku ki masaadikiyaku.'' ⁷ majiraku diɓangkok zehe ta, ''Ɗo ki bomu nama no sinakirbu.'' ⁸ yeso manoti dibnasu sita,nguni ana jire, ki bo miya ngu dibna ta kika ngu namano sinakirbu? ⁹ Har kauso ngu tanangko sinakir a bad kawata algi dolmak baɗye sinakir yo, kina ɗai'ur mono? yo me ɗo sinakir babilo yo algi dalmakbi hodo, worangko ɗaur mono ngu worong ko yo kina? ¹¹ 'Yanko lolo ngu wanko hawoto buye ne eshenku eni sinakirbu? 'ya damam ngu matetu hankal ka yesti yo mafarisiyaku ki ma sadukiyaku. ¹² Kaba nzuni diɓangko tasi ishe n su eni ka yisti yo sinkirbu, me nzuni mate hangkali ki shutantu mafarisiyaku ki masadukiyaku ¹³ Kauso ɗo yeso ndino laha elik kaisariya filibi, si dolko majirakuni ta '' algi anshe ta lo ngoi la?" ¹⁴ Nzuni ta, "Ma'oto ta yahaya a baftisma, ma'ato, Iliya ma'ato Irmiya ɗoma moɗik hotok nabaku." ¹⁵ Si ansuta, ''Ngunu me ngu ansheta ne'en lo?" ¹⁶ Simon bitrus lafni ta kok Kiristi, La Ndeyi bok zau''. ¹⁷ Yeso lafni a hanansheni ta, ko an barka, simon la yunana, ki bo Zugo ki domehe ko woibu me bono ɓaɓa, ¹⁸ har kauso ne anshenkuta kok Bitrus, ke ka gosho woiye'e ne sala ban nɗonshuno geɗok ban yesi a tina geɗotobu. ¹⁹ Ne ongkotik 'yak ehe bodumɓi mene yo ɓaɓa lei ei miya ngu ngarangko wonɗe a ɗeya ngarno ɓaɓa, ke lei 'ya miya ngu biɗangko a ɗeyai biɗeno a ɓaɓa.'' ²⁰ Yeso hante nzena hankalinsu ta kada nzuni aknek biya tasi Kristi. ²¹ Ting ki sommoɗi mamaye Yeso soma anshekk majiraku ta ngafko si go Urushalima, a sena maitu yam ki sarak koknaku ki ma'i mlumshe ki ana tureshi, a dugini, a juktiniki zau ki be'i smmoɗi kuna. ²² Bitrus nzasi gyenga gillekanni,ta woi a hele gera ki koi, bomu a bano 'yai woi a hele ki kobu ²³ Yeso me wngla anik bitrus ta, nzaɗiki be'ino, sinkau; kok 'yak zobsheno batomo kika ko nda 'yai yo Ndeyibu, me kaba yo biya.'' ²⁴ Yeso anik majirakuni, ta na lei ngoiyiya na nda daha ne'ekabanasi ku'uko, Kanni anan sho long kuni, aɗaf ne'e ²⁵ kika leilo na nda dasa zauni ayaktinto, ke leilo na yakta zauni bo ne'e a wanto. ²⁶ Ki bo lei na ngo wutkok dunya shafto me a ɗeya miya na yaktitkok zauni? ²⁷ Me la ngo a ditu ki nama ka boti kimi malekaku. ²⁸ Ki onom ki lei ngoi yiya ka rutai iko. jiren anshenku, andi maitokyerno wonde, a damba matobu Kabana moyan Ko La ngo isho tong meneni.''