¹ Farisaku ki ana Tureshindanok Urshalimagya Yeso. Nzuni ta, ² ''ki bo miya majirakukoa dabshe uhe koknakum mu 'ye? Ki bo nzuni bu'ushe sarasu kabu tishi bu" ³ Yeso lapsu ta ne anshenku, ki bo miya ngu daha uhe adatku geɗatik yo Ndeyi 'ye? ⁴ Ki bo Ndeyi anko ta 'ona kawa ki9 boko ki nonko,' harkauso 'lei lo anko disa ki bobi na noni, a matinni" ⁵ Me nguni ta, "lei lo anko bobi nama noni " shafki onom yo ngu biskaki gyemano woi itinni onom ki Ndeyi." ⁶ ngoi woi suba onna'a ko ki bobi bu. wonde ngu wusankok eni Ndeyi ki ka adatku. ⁷ Nguni ana ngadar! nabi Ishayaankoi jire a katku ɗo si anko ta, ⁸ Biya maye a ɗafshe ne ki ɗishik bo, Tili su me gyerak ne'. ⁹ Ishe no ɗonshu yo rerei kika nzuni shuta adasu uhe ngo.' ¹⁰ Si eshe algi gemani a anshe su ta, ''Gosa kumaku ngu we manei. ¹¹ An ei a rishe tong bo ngo yabta si bu. kaba dai ei hetenok bo, woi ei a yabta ngo.'' ¹² Majiaraku ndano ani Yeso, ''Ko man bu mafarisawa ku yabtangko tili ɗo kolong ko eninko woi'e?" ¹³ Yeso lapsu ta, "Lei roi yiya yo bono yo ɓaɓa kapko bu a shaptinto. ¹⁴ Wus nzuni, makumshe ana tama bille. Na mukum zorko mukum, shaf su bolo a ngete tong tonko." ¹⁵ Bitrusn lapkok Yeso ta, ''Ehe mu hawok sere bo ngamos 'e.'' ¹⁶ Yeso ansu ta, "Nguni har kauso ngu an mantu bu ɗo? ¹⁷ Ngu moyanko bu ɗo ta lei miya rukobo arishinni hawo ki wonɗi ɗeyi ni mona 'ye? ¹⁸ Me 'ei hetenok tong tili. Mamaye 'ya yo yabtitik ngo ¹⁹ . Ki bo tong tili disa hete kit, duga zau, aza, shiri, ngadar ki rerei. ²⁰ Mamaye 'yei a yabta ngo. me tishi ki yaklu buɗa sara a yabta ngo bu.'' ²¹ Yeso hindinni ki wonɗi gonni laha lardigyabani Taya ki Sidom. ²² A wonɗi, mandu ankon ana hetenok tong lardi. Te gilla ta, ''Moijigyayinno, bomu a bano, lah Dauda, Ba'ano seshe maito yam gyem sinkau.'' ²³ Yeso me lapto bu. Majirakuni ndano ɗonsha si, na a nzaɗ, o ki wonɗe, ki bo te katogilla kamu.'' ²⁴ si me lapsu ta, ''sar no ne'e gya temkai Israilayo bo 'yansu.'' ²⁵ Te me ndino kubato domni ahan anshe ta, "Bomu a bano erikanno" ²⁶ Si lapto ta, "Iko zinabu a on wo'oto milla ki milla ada." ²⁷ Te me ani ta, "Ka'a Bomu a bano, me milla adinshi tishe , ei ngetenok sara milla Bosu a bano. ²⁸ Yeso lapto ta, "Mandu , ona jireshi an geɗo.A helek shi kit yo shi ndalo.'' Ke 'yak ba'ato darito. ²⁹ Yeso nzaɗinik ki wonɗi a gonni nem ki haushi Galili, Ɗinni ka gosho a ɗeyini ni wonɗl. ³⁰ Algi shei ndano gyemani. Mokano kudau, mukushe, ɓumɓang,ki ana golla ma'ato shei mokano nzuni dom Yeso, si ke darantinsu. ³¹ Algi monmoni ɗo moyanko ɓunɓang eni, kudau a marshe,darini, mukumshe a moishe, nzuni namanko ka Ndeyi yo Isra'ila. ³² Yeso esha majirakuni be'i moɗi a ansu ta, Ni tukok jigyayi algi woi, ki ka nzuni gyemano bo sommoɗi kunu ke an wo'oto bu. Nan wusko nzuni go wari tishi a ɓarmisu ka bille." ³³ maMajirakuni ani ta, mu wena sinakir ki tiya mu oni algi woi 'e, woi si wonɗe tong riya? ³⁴ Yeso ansu ta, ngu andi sinakir mono? Nzuni ta, babilo, kikerwo shim.'' ³⁵ Yeso anik algi ta nzuni ɗeyi su ka eli. ³⁶ Si namko sinakirbabilos ki kerwoi, si kunna Ndeyi, si datha sinakir ye'e a onik majirakuni . Majiraku susheki algi. ³⁷ Algi shaf tankobo kewensu. Nzuni dahitik ei kina a ngamtitik dabur babilo. ³⁸ Biyai tankom goraji dalma bi hoɗo, wara monde ki milla. ³⁹ Yeso wusko algi gosu si ke runitong gere a gonni laha elik Magadan