¹ Sommiɗi wonse, mai Hiridus kolko somok Yeso. ² Si sarko bidani ta, ''Ngo woi Yahaya a baptisma; hindini ki tong ana mato ki ka ka'a geɗo mamaye a ruta hawonni." ³ Ki ka Hiridus ngafko Yahaya ngarini tong rono, ki ka Hirudiya , man benoni Philip. ⁴ Ki bo Yahaya ani ta, "A ka uhe bu ko ke teɗeyi man ko.'' ⁵ Hiridus ndala dugini mato, me a nzubak algi ki bo biyaanshe ta si nabi. ⁶ Me hoti leik Hiridus korno, baɗ Hirudiya iko wona yo zubko kuyu tili Hiridus. ⁷ Ki ka, si tuko ana ta a ontotik shaf ei na te donsha. ⁸ Nonto ella kumato ta, a ''Onto a wonɗe, a hawok shoko woi'e ka Yahaya a baptisma.'' ⁹ Ndonshu woi juktitko kelu mai, me ki ka ana si tuko ki biyaigyemanibei tishi, si onsut ɗo ei ka'a. ¹⁰ Si sari ɓatitik ka Yahaya a baptisma tong rono. ¹¹ Moi she mokano ka Yahaya a baptisma tong shoko onik gumyoste mokiti ki nonto. ¹² Majirakuni ndano namtik guduni go malliti. Ki bei nzuni go anik Yeso. ¹³ Ɗo Yeso kolko ka'a, si deitik wonɗi a runi tong gere go ni beis an biya bu. Ɗo algi kolong ko, nzuni ɗaf sik sheke ki gyabani. ¹⁴ Yeso ndutu domsu moiko algi shei. Si tuko jigyayisu a davantente su ana gollai hawosu. ¹⁵ Ki bo zoni, majirakunni n dano gyamani aani ta, ''Bei wonsei riya, ke beɗi ito. Wus algi nzuni go tong gyabani mamaye'e keje wo'oto toi." ¹⁶ Yeso me ansu ta, "Suba ansu go su bu. Nguni onasu tishi.'' ¹⁷ Nzuni ani ta, ''Munia wonɗe mu anandi sinakir bad ki kerwo bolo.'' ¹⁸ Yeso ansu ta,''Mokati gyemano.'' ¹⁹ Yeso anik algi ta nzuni ɗeyi su ka santa. Si namko sinakir bad ki kerwo bolos hafta idani ɓaɓa, zobto di barka datha sinakir onik majirakuni nzuni oni algi. ²⁰ shaf ki algi tanko bo kewensu. Nzuni dahetu kineni yo, nzuni haɗan koi ngamta n ko daur dir bolo. ²¹ Shaf ki algi tanko wonɗe goraji bimmad bi bad wara monde ki milla. ²² Moishe zob ko majiraku ro tong gere a ghosu lahai oto, situba algi nami gosu. ²³ ki bei tuba algi si ɗenni ka gosho bo ɗonshu. kibo zoni, si moɗabi. ²⁴ Gerei me n duto gyerahawok haushi, kato sena maitak hibla ki ka hiblas geɗo a maita nzuni ²⁵ A tintil baɗi Yeso kabno gyemansu, si marshe ka ham haushi. ²⁶ Ɗo mjiraku moyanko si marshe ka ham, nzuba ngahisuani ta, woi maska'yanko lulula bo nzuba. ²⁷ Yeso me iko enik ta, '''Ya geɗok tili ne'e! ngu 'e nzubabu.'' ²⁸ Bitrus lapni ta, ''Bomu a Bano na koi eshi ne e ndutu gyamako ka ham.'' ²⁹ Yeso lafni ta, ''Nditi'' Bitrus hata ki tong gere hante marshe ka ham a kabshe gyem Yeso. ³⁰ Me ɗo Bitrus moiko hibla, nzuba ngahini. Ɗo zalk ɗikanitong ham, si lula ta, ''Bomu a bano hod ne'e!'' ³¹ Moishi Yeso ɗipko sarani ni ngafko Bitrus ani ta kok ngoi a onajireshim, bo miya ko ho'oko tili?'' ³² Yeso ki Bitrus rusutong gere, hiblaeirinni. ³³ Moi majiraku tong gerei namanko ka Yeso ta, ''An tababa bu koklaNdeyi." ³⁴ Ɗo tanshankok haushi, nzuni ɗa su laha elik garasinawa. ³⁵ Moishe gorajes wonɗe moyanko Yeso, nzuni mokani shaf kiana golla. ³⁶ Nzuni ɗonsha si ta ɗo nzuni sob lei bo suɓani, ke shaf biyei damɓan ko daran su.