¹ Hoti woi'i Yeso hataktong bano a deyini bo haushi. ² Algi shei dahansu gyamani, si hinɗa runi tong gere ɗeyini, algi erno bo haushi. ³ Yeso ansu'ya shei hawo sere bo ngamo, si ta, An a mara nduko kahi. ⁴ Ɗo iko kahi, shidai ma'ato ngata ka bille, ke rayinshe ndano tuti. ⁵ Ma'ato ngete ka gosho, beiso an eli bu. Ɗohetenoi, ki bo an eli bu. ⁶ Meɗo hoti hetenoi, gofko nzuni kibo nzuni an shori bu, nami ho'isu. ⁷ Ma'ato ngatang ko tong hara. Harai ngarinsu . ⁸ Ma'ato ngatangko ka elis zina, mamaye 'yanko lei, ma'ato bimmaɗ bi bimmaɗ, ma'ato ma'ato bi ba'ashi moɗi ma'atobi kunu. ⁹ Ngoi an kumo koli.'' ¹⁰ Majirakuni ndano anik Yeso ta, ''Ki bo miya ko ishen su eni ki sere bo mgamo 'ye? ¹¹ Yeso lapus ta, Nguni onankuti ngu mante lei ei bunkenotong mene ɓaɓa, nzuni me ka'a bu. ¹² Leilo na an 'ya, a sauwienidi. Ngo me na a mure, a biskeniti lei ei si andi. ¹³ Ki ka'a ne ishen su eni tong sere bo ngamo, ki bo nzuni ta moyanko, a moshi bu.Ta nzuni kolshe, nzuni ke kolshe bu, ke an mantu bu. ¹⁴ A gyemansu eni nabi Ishaya ngamito, yo si anko ta, ''A bei kolya ngu kolhe me ke ngu gyana bua bei'i moino ngu moyai; me ngu manta bu. ¹⁵ Ki bo ka'a tili biya kumansukolshe bu, ke hankok idansu, Ɗo nzuni kada moiyik idansu ɗo ma kolik kumansu, nami we tong en'i tilinsu wangletu, ne darintinsu.' ¹⁶ Me idanku an barka, ki bo a moishe, ke kumanku, nzuk kolshe ¹⁷ Ne'en anshenku jire Naba ku ki ana jire shei zanko tili moyi ei ngu moishe, me moyangko bu. Zanko tili kola ei ngu kolshe ke kolang ko bu. ¹⁸ Kola hawok sere bo ngamo a kahi. ¹⁹ leilo na kolko eni mene me wa hawoto bu, sinkau dino namkokitong tilini ei si kolko. woi shidau yo kahanko bo billa. ²⁰ Shida yo kahang ko ka goshosi ne ngoi kolko eni Ndeyi ke biskitko ki hetrek tili. ²¹ Ki bo si an shori bu nasko bu. Maito na majukta kelu wa si ka eni Ndeyi kauso-kauso a wusti Ndeyi. ²² Shidai kahanko tong harai, woi ngo yo kola eni, me kolazei dunya ki 'yak dara dunya ngarkok eni'e si ɗeyini korol. ²³ Ei hahanko ka eli zina, woi ngoi yo kolko eni biskitko si onko milla aka si ro zina, a onshemilla bimmad bi bimmad, ma'ato bi ba'ashimoɗi, ma'ato bi kunu.'' ²⁴ Yeso har kausosauwidig sere bo ngamo moɗi. Si ta, ''Mene ɓaɓa a kabta te ki ngo ikafko shida zina tong korini. ²⁵ Me ɗo biya momsom, a gahani ndino kafnidi santa tong korini. ²⁶ Ɗo shidai heteno santai ke hete nok te. ²⁷ Bidanshe bok kori ana ni ta, a ban mu, mu kahanko shida zina budutong kori'e? lolo kauso andi santa?' ²⁸ Si ansu ta, 'A gaha iko rutawoi'e. Bidani me dolsi ta, ko ndala mu shaftiti santai ɗo?' ²⁹ A boti kori ta, 'A'a. ki bo na ngu ndanko shafta santai 'e, kadan shaftetik haiye'e. ³⁰ De'ya nzunio a hinɗe zug zehe kaba hoti zunko. Hoti zunkone anak anaruta ta, "Bo tono shaftatik santai ngu ngarin su bei moɗi bo na bokin ki yesi, hai me ngu galati tong dogoji.''" ³¹ Yeso jo ansu di sre bo ngamo moɗi ta,Mene ɓabaa kabta bte ki ela shere yo ngo kafko tong korini. ³² Shida woimama'i yam aka sha'yi me na heteno a geɗentik ro yo tongko kori shafto. A ayanto bo ro har mi rayinshe ndishe ramta binsu kato.'' ³³ Yeso ansu di cere bo ngamo moɗi. "Mene ɓaɓa kit yeast yo madus kasko ka atti duwaro gyerwale kunu me ke haftinto." ³⁴ Shaf 'ya woi Yeso ankok algi tong sere bo ngamo. An ei si ansu bu kaba a tong sere bo ngamo. ³⁵ 'Yanko ka'a ɗo eni nabaku ananko a ɗeyi jire, ɗo si anko ta, ''Ne ehe bono ki sere bo ngamo. Ni ana ei bunkino Ki ka zena dunya.'' ³⁶ Yeso wustik algi nami runi tong bano. Majirakuni ndano gyemani an ta, ehe mu hawo sere bo ngamo santai tong kori. ³⁷ Yeso lafko ansu ta,Ngoi kafko shidai zignen si lah ngo. ³⁸ Kori dunya, shida zinamamaye millla mene, santai me milla disa. ³⁹ A gaha yo kafko santai sinkau. Hoti zunkoibotekteke dunya, ana zunkoi malekaku. ⁴⁰ Ki bo ka'a, kit yo ngarankosanta nami zub su di yesi, bo ernok dunya ke a ina ka'a. ⁴¹ Lah ngo sara malekakuni, a go dahes ana zunuhu. ⁴² Nami olinsu tongko yesi, a wonɗi nzuni ina bele yam ki ata udo. ⁴³ Byai zina a talku kit hoti tong mene bosu. Ngo na an kumo a koli. ⁴⁴ Mene ɓaɓaa kabta te ki dara bunkeno tong kori. Ngoi yo wate a bunkati. A tong kuyu ndunni boititik shaf ki karei ni go keje koris'e. ⁴⁵ Har kauso mene ɓaɓa a kabta te ki gorzo a goma a gyala dinar. ⁴⁶ Ɗo wa moɗi so oyui shei a go boititi shaf ki kareni nami go kajanto. ⁴⁷ Har kayso mene ɓaɓa ɗeya kit 'yak ngaha kerwo yo kasangko tong hausjhi, ngafno lei ei miyake. ⁴⁸ Ɗo ngamin to, ana ngaha kerwos nzano nzuni bo haushi. Nzuni ɗeyanko a dahitik yo zina bei moɗi, yo zinabu me yarɓinsu. ⁴⁹ Ke a ɗeya ka'a bo tekteke dunya. malekaku n dutu waritikbiyai zina ki biyai disa. ⁵⁰ A yarɓitik ma disa tong yesi, bei an bele ki ataudo. ⁵¹ Ngu wanko tong 'ya woi 'e shaf su ? ''Majiraku ani ta, ''ka'a'' ⁵² Yeso ansu di ta, lei a tureshi yiya na ɗeyini majiri menei ɓaɓasi kit ngo yo an bano, ho'oko karai santikiyo hoyo tong darani. ⁵³ Ɗeyi ko ɗo Yesotakatko eni ka sere bo ngamos, si nzadinnik wonɗi. ⁵⁴ Yesso mani banansu a soma shutanta ki biya tong ban ɗonshu. Biya monmoni ka enini anshe ta, ''Ngo woi weno mantuni ki ruta dobos kitiya? ⁵⁵ Woi lah a ramta njakɗa budu? Noni Maryamu budu? Minoni,mi Yakubu,Yusufu, Saminu ki Yahuda? ⁵⁶ Ma monde, a hoton mu budu? Ngo woi weno shaf ki 'ya woi ki tiya?" ⁵⁷ Nzuni kolang ko zei ni bu. Yeso me ansu ta, ''Nabi a weshe namaka banonni ki banansu bu. ⁵⁸ Si iko ruta dobo wonɗi bu ki bo yaklu ona jirensu.