¹ Sommoɗi wommi'i Yeso nduko hoti sbdu ruko tong kori. Majirakuni me kolshe kizi ke soma gora ka hai a ha'ashe. ² Me ɗo mafarisaku moyanko, nzuni anik Yeso ta, ''Moi majirakunko ishe ei suba eibu hoti subdu.'' ³ Yeso me ansu ta, Ngu damɓanko karanta ei Dauda iko bu, ɗo si kolshe kizi, ki goraji gyemani 'ye? ⁴ Si ruko tong ban Ndeyi a ha'atik sinakir yo zen, woi a ka bille buki algi yo a gyemanisuba haɗi bu, aka malumshe ne ana ha'ashe. ⁵ Ke jo nngu karatan ko uhei bu, ta a hoti subdu malumshe tong ban Ndeti yab tang ko subdu ke ta 'yanko leihi bu? ⁶ Me ne anshen kuan ngoi geɗa hoti subdu wonɗe. ⁷ Ka nang t'man angkoti ei woi 'e, ''Nenda kola jigyayi baya onombu,'' Ka ngu kuɗan ko ana lelhi bu. ⁸ Ki ka lah ngo boti a bano hoti subdu'' ⁹ Yeso hinɗak wonɗi nami runni tong ban ɗonshunsu. ¹⁰ Kaba an ngoi sarani surato. Mafarisaku dolang ko Yeso ta, ''Iko zina ɗo a darante ngoi woi hoti subdu?" Dolanko si ka a bo ngaha lelhini. ¹¹ Yeso ansu ta, ''Ngoi yiya hototku, yo, na an temshi moɗi, na ngatato tong wuyo gene hoti subdu, a rina ho'itu te bu 'ye? ¹² Ngo me ai gyadatkok temshi, zina a dom Ndeyi! Ki ka ka'a ito zina 'e ei zignen hoti subdu.'' Yeso snik ngoye'e ta ''Ho'hti saranko'' Ɗo si ho'oko, sarani woi te darito, kit sarannis so'otos 'e. Memafarisaku hatansuk wonɗengara ngadar kanni! Nzuni kala leihinni bo na a duginimato." ¹³ Yeso anikngoye ta, ''ho'oti saratko'' Ɗo si ho'oko sarani wai te darinto, kit sarannis so'otos ;e. ¹⁴ Me mafarisaku hatansu a ngara ngadar kanni , Nzuni lala leihini bo na dugini a mato. ¹⁵ Ɗo Yesomoi ko ka'a, si deitik wonɗi, algi shei dafsi, si ke darentisu shafsu. ¹⁶ Si ngesu tik anshek ma'ato. ¹⁷ A hele ka'a, ei ananko kibo nabi Ishaya ta, ¹⁸ Ta moi, bidano yon zaɓa, Yo ka tilino, tilino kolshe zei ni. Ne ne zobnitik keluno kani, si ansu sheryaso ina ki biya yoya yo yahudakubu. ¹⁹ A ina shana ke jukta ɗolya n ni bu Ke biya kola ɗolyoni ka halta bu. ²⁰ A yabta zug ngo bu, Si duga yesi ngo bu, kaba na sarkosherya walta ka. ²¹ Biyei yahudakubu a zatik tili ka suno.'' ²² Ngoi moɗi bunbang ke mukum, woi sinkau maitasi, moka no gyem Yeso. Si darantiti ngoye, iko eni ke moishe. ²³ Algi shaf monmoni a hante anshe ta, Ngo woilah Dauda men iba?" ²⁴ Ɗo Mafarisaku kolangko 'yak dobos, nzuni ani ta, ''Ngo woi a ho'oshe sinkau bu kaba ki gyeɗok mai sinkau.'' ²⁵ Yeso me manotik dibnasu a ansu ta, Menei tikito ka gaha, ke jo lei bana na tikitoi a era bu. ²⁶ Na mai sinkau a ho'oshe sinkua, si tikini.Meneni me era lolo? ²⁷ Ke na ne ho'oshe sinkau ki geɗo mai sinkau 'ye, ana ɗaha nguni a ho'oshe nzuni lolo? ki ka ka'a, nzuni ɗeya ana sharyat ku. ²⁸ Me na ne ho'oshe sinkau ki kelu Ndeyi, mene Ndeyi ndinto gyam ku. ²⁹ Ngo rina tong ban ngo a gyeɗo lolo a ini shiri kaba na ngarko a banos bo tono? A shirini tik karaini . ³⁰ Ngo na gyama no bu a gahak ne'e, ngo ke na a dahak ne bu a lakta karai. ³¹ Ki ka ka'an anshenku, zunhu kuɗa ngo a yahento, me zunhu kuɗa kelu bu'uno a yaha te bu. ³² Ke lei lo na iko eni disa ka lah ngo, a yaheniti. Me leilo na anko disa ka kelui bu'uno a yaheni bu, a wonɗe dunya, ɗo ma a dunya isno. ³³ Ramti ro zina leito ke zina na ra mtenozina bu leito ke ɗeya inabu, ki bo biya moishe ro ki zuk leito. ³⁴ Nguni milla samma, ngu disa, ngu ana ei zina lolo? ki bo eni shei yo tong tili a hetetu kori bo ke anshe. ³⁵ Ngoi zina ke ki tong ei zina shei yo tong tilini a ho'osheei zina, ngoi disa ke ki tongdisa shei yo tong tilini a ho'oshe disa. ³⁶ Nen anshen ku ta hoti sherya algi ana eni disa nzuni ananko. ³⁷ Ki bo aka eninko a iko sharya, na ko hete na ko hete bu. ³⁸ Kaba ana tureshi ma'ato ki Mafarisawaku lapankok Yeso ta, ''Malum, mu ndalanko moiya 'yak dobo ki gyama n ko" ³⁹ Yeso me lafsu ta, Shida ana aza ki ana ruta disa ndalanko moya 'yak dobo. Me a tamsu bu kaba 'yaknabi Yunana. ⁴⁰ Kit yo Yunanaiko sommoɗi kunu a hawo kerwos na'ako, ka'a ke lah ngo a deya tong eli bo sommoɗi kunu. ¹ Yeso esha majirakuniy dirbole be i modi nami onsu gedo ka kelui disa, ta rokinsu hena, ta darante lei shida gollai yiya ke. ⁴² Madiya so bo haushi a hinɗa sharyak hotok goraji yo zaman wenses 'e. ke kuɗin su ndino ki bo ernok dunya bo kola mantik Solomon ta moi woi ngoi gyeɗa Solomon a wonɗe. ⁴³ Na kelui disa wusko ngo, te geɗe ki beis so an ham bu bo hoti, me na wabu. ⁴⁴ Te ana ta, nen manno bannon no son heteno. 'Na meno, na bolno banoi demeno ke ramteno. ⁴⁵ Te mena namtu kelui disa ma'ato babilo yon gyaɗan to disa shafsu rasu a wonɗi . Ernok ngoi woi'e a ina disa a wallitik zalsheni disa. ka'a ke shida wonse'e.'' ⁴⁶ Ɗo Yeso zuk enik algi, moishe, noni ki minoni erno kori . Ndalang ko moya si ɗo'e eniksi. ⁴⁷ Ngoi yo'oto ani ta Moi, nonko ki minonkoerno kori, ndala enik koi. ⁴⁸ Yeso me lapi ani ta ankom lo, Nonoi lo?Minonoi mi lo?'' ⁴⁹ Moishe Yeso tomko sar a gyem algi ki majirakuni ta, ''Moi wonɗi nono ki minono! ⁵⁰ Ki bo shaf ki ngoi yo ishe ei bono ɓaɓandalo, si ne bainsheno dareno ki nono.''