1 Ki bei Sonmodi Kunu ai babno a Kana so Galili, nonti Yeso ye a wondi. 2 Yeso Ki majirakuni anansu babnos'e. 3 Ham inabinsuy wuyanni, noti Yeso ani ta, "Nzuni anan ham ina bi bu." 4 Yeso anto ta, "Mandu, Kika miya Shi dino gemnno ye? Sonmodino dong ngo ndino bu." 5 Noni anik ngera hahi Kuy 'e," Lei miya nasi angkuy ngu 'e." 6 Be is an Kayas Salangkok yendi ba'ashimodi so Yahudaku rutak nzuni so buda leihi, lei siya a namshen-tik woka bolo domana Kunu. 7 Yeso ansi ta, "Ngamtatik Kayas shafsuk ham." Nzuni ngamtiti har gi'yansu. 8 Moishe angkok ngarakui, Shikai ngu mokik a babnoi'e." Nzuni ke 'yangko Kit yo ansu. 9 Ababnoi damba ham ye ɗeyinni ham inabi, sime man be is hetengo bu (ngarakui ellano hamye me manangkoti). Moishe wunda a babnoi 'e. 10 Anita, "Lei ngoi yiya a onshe ham inabi yo zob kabui yo zei buiki algi na Kawansu. bunkito naf Kok yo lei ye Kaba Kauso." 11 'Yak dobo yo Yeso iko yo iko tono so Galili, nami tam nama kanni, majira kuni onangko jire kanni. 12 Ki bei woi Yeso, anok, yagenakuni, ki majirakuni dansu Kafarnahum deyang ko wondi yo somnodi bolo. 13 Tinawo'oto talshu Yahudaku me inni nem, nami Yeso gonni Urushalima 14 Si bolko ana boita komshine, temka ki barunce, ki ana safya dogdo deino wondi. 15 Moishe namko merwe rokinsuk tong bam donsha Ndeyi shafsu, shafki komshinei'e ki temkakui shaf. Laktak ana sabya dogdo yarbitakok dogdoi a eli shafki tebursu. 16 Angkok ana boita barunce ta, "Hodatik 'yai mamayek wonde. Ngu mate ban bono goma bu." 17 majirakuni dibangko ta turenoKanni ta, "Zoha tilimuka banotkoi maitonno." 18 Moishe koknaku Yahudaku lahangko anita, "Shida 'ei maye?" 19 Yeso lafko ta, rugsatik bi donshu woi ye 'e, ne'e men sal ti tong som-modi kunu." 20 Nami koknaku Yahudaku anita, "Ban ɗonshu woi salangko tong Sani bihodok ba'ashimodi, Mek Salti tong Sommodi Kunu?" 21 Shafki ka'a, siy a eni ka sik kanni. 22 Juktangko sik mato, majirakuni dibang ko jire ka eni Ndeyi ki shida retei Yeso akna. 23 Do a Urushalima bei tishik talshu, andi is algi Shei onang ko jire kanni kika 'yak aloboi nzuni mo yangko si iko. 24 Yeso me ongko jire Kasu bu Kika si manonsu Shaf, 25 kika si nda yo'oto ini rete ka ngo bu, kika si manotik ei a tili ngo.