¹ Tono an eni, eniy a ɗeinok Ndeyi eniy ke Ndeyi ² Eni woi a be'i modik Ndeyi tingki tono. ³ Yangko lei miyak gemani, an ei 'yangko lei miyak gemani an ei 'yangko wara si bu. ⁴ An zau gemani, zau wonses talku algi. ⁵ Talkus a talkante hawok tutudu, tutudui, uce a gishe hena te bu. ⁶ An ngoi yo'ot yo Ndeyi sarno, suni Yahaya. ⁷ Ndino 'e eni ka talkus 'e, Kika algi shaf en zinak gemni. ⁸ Yahayai talkui bu, me ndino 'e eni ka talkui 'e. ⁹ Talku wonses so 'jire, so a tallkanta algi shaf, is no tong dunya. ¹⁰ Si a tong dunya, 'yangko dunyas ki gemni, dunyas me mansi bu. ¹¹ Ndino gem ma'i, ma'i me biska iko sibu. ¹² Me shafki ma'inshei biskaniy, ona jire ka Suni, si onsutik gedo deyansu Milla Ndeyi. ¹³ Le 'iyanko zunik dom bu, domana ki ruta zugo, domana ruta ngo, Kabok gene Ndeyi. ¹⁴ Eniy deyinni zugo a deno hotonmue Mu moyangkok nama Kanni, nama Ka Shida so La Ndeyi; ngoi dino mo ɗiktili ki jire. ¹⁵ Yahaya iko eni Kannik gedo, a ansheta, "Woi ngoi ne ishengku eni Kanniy 'e," Nenta ngo isnok beinoi wallino na'ako, Ki Ka Siy a wonde Kaboui ne'e." ¹⁶ Ki Ka Siy ngoi ngamnok biskarkiko moɗik tilik sara bolo. ¹⁷ Onangko lihei Ki Musa. Moɗik tili Ki jires Ki gem Yeso Kiristi. ¹⁸ An ngo damba moya Ndeyi bu lei Ka modi. Kaba si guda Kanni Ndeyi, yo a deino lahei tinak Boti, iko eni Kanniy Si. ¹⁹ Woi eni Yahaya jajum yo Yahudaku Sarano Malumshe ruta ban Ndeyi Ki Lebiyaku nditu gyemni Urushelima ɗo nditu dol si, "Kok lo?" ²⁰ Wara ngete bo geba isu eni, ke iko shane bu, me lafsu, "Nen Kiristi bu." ²¹ Nami dol si, "Koi mek milo?" Kok liya ɗo? "Sita," Nen si bu." Nzuni ta, "Kodok Nabi ye?" Lafsuta, "Ne'ebu." ²² Nami nzuni jo ani ta, "Koi Ko lo, Ki Ka mu we ei mu go anak biyai Sarano Muni? Ko guda Katkoi Ko lo?" ²³ Si ta, "Ne'ei ne dola. So a wundi tong riya. Ramtu billa Bomu a bano ɗimi zina Kit Shida yo Nabi Ishaya angko." ²⁴ Mayei Sarano nzuni Sarnoi Farisaku. ²⁵ Nzuni dolang Ko Si anita, "Kika miya Ko ishe Baptisma nako Kiristi koko Iliya koko nabi bu yo?" ²⁶ Yahaya lafsu, a ansheta, "Ne is baptis-mak ham. Me hototku ana erno wonde an ngoi ngu mamangko Si bu. ²⁷ Siy ngoi isnok beino, lei zorik nagara tahonni ne gita bide bu." ²⁸ 'Ya mamaye 'yangko Nzuni Beltanya Ki lha bokhaushik Urdium. Be is Yahaya ushe Baptisma. ²⁹ Dakarak badi Yohaya moiko yeso isno gemni nami anita, "Moyai, Womla Gyam Ndeyi yo namkok zunhus dunya! ³⁰ Woisi yon eni Kanai yo isnokk beino wallino, 'Ki Ka Siy a wonde Kaboi ne'e.' ³¹ Nen man sibu, me ɗo ɗeyi Ka'a a tam Kannik Israilaku nendinon Baptismak ham." ³² Yahaya tamko ansheta,"Ne moiko Kelui bu'uno u'rnak suba Kit 'yak KorKodi Ki baba, nami deyi Kanni. ³³ Ne gitko moya subani bu, me ngoi woi Sarno ne'en 'e baptismak ham ye anota, Ngoi ko moi Kelui bu'unoo urno deiko Kanniy, ngoi a ishe baptismak Kelui Bu'uno. ³⁴ Ne moiko Ken mantitko ta woi Lah Ndeyi." ³⁵ Ka'a jo, dakarak badi, do Yahaya ernok majira Kuni bolo, ³⁶ moyang Ko Yeso tong marshe, nami Yahaya ta, "Moyai, woi Lah gyam Ndeyi!" ³⁷ Majira Kuniy bolo ɗo Kolangko Yahaya angko eni woi, an eni bu dahaugkok Yeso. ³⁸ Yeso wangla moiko nzuni a dafshe siy anita, "Ngu ndalangko miya?" Nzuni lahita, "Malum (a shutan tu), Ko deino tiya? ³⁹ Si ansuta, "Ndating mayi." Nami nzuni nditu moi bei deinonni; hotiywom go langkok Si bei modi, a jagimni Kit, yakbim-mad so badi. ⁴⁰ Modik tong kiyai Kolangko eniy Yahaya nanni daf Yesoi Andaramus yagena bitnus. ⁴¹ Yo tono wunda yagenani Simon anita, "Mu wangkok Masihu" (Kiristi) ⁴² Moknosi gem Yeso. Yeso moikosi anita, "Koi Ko Simon la Yahaya, a wundako Kefas" (Bitnus). ⁴³ Dakarak badi, Yeso ɗo gonni Galili, bolko Filibus anita, "Dafti ne'e." ⁴⁴ Filibus yo ngoi Betsaida, bana ni Anda-rauus Ki Bitnus. ⁴⁵ Filibus bolko Natarayilu anita, "Mu wangkok ngoi woi yo Musa tura tong lalaunak uhe, Ki nabakui'e: Yeso lah Yusufu, ngoo Nazarat." ⁴⁶ Natanayihu anita, "A ei zinai a hete tuk Nazarat?" Nditik moi si." ⁴⁷ Yeso moiko Natanayilu isno gemani nami anita, "Moyai, ngoi Israilai anjire Ki modik kili, an ngadar hawonni bu!" ⁴⁸ Natanayilu anta," Ko manta ne'ek tiya?" Yeso lafko anita, "Kabui Filibus mundetu Koi, ɗok her ro morni ne moyingko." ⁴⁹ Natanayilu laf ni ta." Malum, Koi Ko La Ndeyi! Ko ma'iy Israila!" ⁵⁰ Yeso lafni ta, "Kika ne angko," ne moiko Kok her ro mormi, Ko ongkok jire? Ko moyai ei nakshiy wal-lak mama ye'e." ⁵¹ Nami anita, "Nen anshengko jire, Ko moya baba eheno, kaktaka Ndeyi ɗeshe urshe Ka la Ngo."