¹ An ngoi Farisai yo'oto sunni Nikodimu, Modik tong Koknaku Yahudaku. ² Ngoi woi ndino gem Yeso ki bedi anita, "Malum, mu manangkoti Koi Ko malum yo ndinok gem Ndeyi, kika an ngoi a gita ina shida dobo wonses ko ishei bu kaba dei ngoi Ndeyi dei modik si." ³ Yeso lafni ta, "ini, jiren anshengku, kaba na sauwangko le'ya koi, ko rina tong mene Ndeyi bu." ⁴ Nikodimu lafni ta, "A sauwa le'ya ngo lololo ne jerinni? A gita meshe tong hawok noni nami leitu si, a itinni?" ⁵ Yeso lafni ta, "Jire, jiren anshengku, kabana le'yangko ngok tong ham ki Kelui bu'uno na ka a bui a rina tong ban mene Ndeyi bu ⁶ le'yangkok tong zugoi an zugo, ei le 'yangkok tong Kelui bu unoi, ke kelui bu'uno. ⁷ Ko e monmoni bu kika ne angko ta, "Kabana Sauwangko le'ya koi." ⁸ Hibla boishe a kabshe be is hetengo ɗomana be is a gonnibu. Ka'a ke'e ngoi le'yang ko sik tong Kelui bu'uno." ⁹ Nikodimu lafko anita, "'Ya woi a hele lolo?" ¹⁰ Yeso lafko anita, "Koi ko malum a Urushalima me har kausok gitko manta 'yai mamaye bu? ¹¹ Jire, jiren anshengko, mu anshe ei mu manang-koti, kem tamshe moyangko. Shafki ka'a ko ngu biskangko e. 'mu tamshei bu. ¹² Nan angku eni ka ei tong dunya ngu onshe jirebu, ngo ona jire lolo nam iku eni ka ei tong ɓaɓa ye? ¹³ An ngoi damɓa ɗeshe ɓaɓa bu kaba dei ngoi Urnok ɓaɓa, Lah Ngo. ¹⁴ Kit Shida yo Musa hafta Samma tongko riya, lah ngo ke kabana haftang ko Si baba; ¹⁵ Ki ka ɗo mamayei onangko jire kanniy a we zau so an bonto bu. ¹⁶ Kika ndaltui Ndeyi ikok dunya, sarno Laniy tongkol tong dunya, ta lei ngoi yiyake na ongko jire Kanni a mata bu Kaba dei nue zau so an bonto bu. ¹⁷ Ndeyi sarno Lani tong dunya ta ito sheryabu, mek gemni dunya shafti we wangku ¹⁸ Shafki ngoi ongko jire ka suni a ini sherya bu, ngoi na ongko jire lah dunya ba 'yanitik sherya kiku si ongko jire ka sun La Ndeyi bu. ¹⁹ Woi ei zofko sheryas 'e: talku ndino tong duniya algi me ndalangko tutudu kika rutansu rutai disa. ²⁰ Kika lei lo na a ishe rutai disai nda talku bu ke ndishe be is an talku bu kada rutani hate hili. ²¹ shafki ka'a, ngoi a ishe rutai zinai a ndishe be is an talku ɗo moi rutani zina tami ta si ishe ei suba gem Ndeyi." ²² Ki bei woi, Yeso ki majirakuni hindangso go su elik Yahudiya. Si iko wondi yo sommodi shin Ke a ishe baptisma. ²³ Yahaya Ke a ishe baptisma tong Ainon nem ki Salim kika an ham Shei wondi. Algi ndishe gemni a ishensu Baptisma, ²⁴ A Sommodiy dongo olangko Yahaya rono bu. ²⁵ Shana hinda tintil majirakui ma'ato Ki ngoi Yahudai yo'oto alca Shiela bu'ushi So a ishe. ²⁶ Ndangko gem Yahaya anita, "Malum, ngoi woi a bei modik ko a bo haushik urdun hanko buds Mario ko sheidini, a zuk ina Baptisma, algi shaf a jugonto ndishe gemani." ²⁷ Yahaya lafkota, "An ngoi a gita biska 'yabu lei baina baba. ²⁸ Nguni guda Katku Kung gitik tim dambak anshe ta, 'Ne'ei ne Kiristi bu: mek ka ka'a, Sarano ne'e Kabui Si." ²⁹ Ngoi iko babnoi markos sobi. Zafti bundi a babnoi, a erno genga Kolshe siy, akuya tim Kika ɗahyak a babnoi'e. Woi, Ke, Kuyu no ngamimni. ³⁰ Siy a soma Sauwa, ne e men Soma Siktu ³¹ Ngoi dinok ɓabai a ɓaɓak leilo, ngoi eli Ke ngoi eli a ishe eni Ka ei eli. Ngoi dinok ɓaɓai wallak leilo. ³² A eni Ka ei moiko Kolko, me an ngoi biska enini bu. ³³ Ngoina biska eni ny tamko ta Ndeyi jire. ³⁴ Ngoi Ndeyi Sarno Si a anshe eni Ndeyi. Kika Kabta Kelui bu'uno nane ono bu ³⁵ Boti nda lai onitik lei nimya tong Saranni. ³⁶ Ngoi ongko jire Ica Lai an zau so an bonto bu, me ngoina Ku'uko lai a damba moya zau bu, yabu tili Ndeyi me a Kanni.