¹ Ki bei yo eso ansu ' si habta idani ɓaɓa a ani ta, boti, sommodi dinniko, nam ka lanko ke lah a nam katko. ² Kit yo oni geɗo aka lei miya ta do si on zau so an bo ernoto buu kiko ngoi yiya yok oni ³ Wonse zau so an bo ernoto bu, ta nzuni mante koi, Ndeyi moɗi a jire, si yo sarno, Yeso kristi. ⁴ Ne namshe katko tong dunya, ne takatkok rut yong ono 'e ⁵ Kauso, Boti, nam kanno ki soko ki nama ka son andi kafui dunya ⁶ Ne tamkok sunko ki biya yok ono ki dunya. nzuni mako, ko ono nzuni, nzuni me ngahankok enin ko. ⁷ Kauso nzuni manakoti ta lei iemiy yok ono dinok gemko. ⁸ Ne men onsu tishaf ki eni yong ono nzuni biskanko me jire mana koti ta dinok gema ko nzuni ona kok jire ta ko serno ne'e. ⁹ Ne ishensu ɗonshu, ne ɗonshak ma dunya bu me no ɗonshak yaye yok ono kika nzuni mako. ¹⁰ shafki eiyono ke yoko, yokom ke yono ne'e me namako kanno a hawosu. ¹¹ Ne'e men tong dunya jo bu, me biya mamaye a tong dunya, ne esno geman ko Boti bomu, zinsu a tong sunko yok ono kika nzuni ɗeyi moɗi kit yomu moɗi ¹² Ɗon gemansu, ne zansu ko moɗi hawosu yaftabu, ne gosinsu, ke ko moɗik hawosu yabta bu (boiko bu) kika do eni Ndeyi ngami. ¹³ Kauso isno gemku, men onshe 'ya woi'e a hak dunya kika do nzuni deyik heterek hawonno ngami hawosu. ¹⁴ Ne onsutik eniko, dunya me kuɗisu kika nzuni yo dunya, kit yo ne'e yo dunya bu. ¹⁵ Ne ɗonsha koi kika ɗo ko naminsuk hak dunya bu, me ɗo ko deite zunik gem ngo yo disa'e. ¹⁶ Nzuni yo dunya bu, kit yo nen yo dunya bu. ¹⁷ Dahinsu ngenga kika jire, eninko jire. ¹⁸ Kit yo sarko ne'e tong dunya, ke ka,an sarko nzuni a tong dunya. ¹⁹ Ki kat ku ne anko kanno, kika nzuni ke on kasu a tong jire. ²⁰ Ne ɗonsha kika mamaye moɗasu bu, me shaf mamaye yo ona jire a hak suno a tong enisu. ²¹ Don ɗo nzuni shafsu deyi moɗi kit koi Boti a hawonno ne'e ke no hawotko. na ɗonsha ta nzuni deyi hawonmu, kika dunya on jire ta ko sarno ne'e. ²² Nama ka sok ono, no onsuti kika do nzuni ɗeyi moɗi kit yo mu moɗi. ²³ Ne'e hawosu me koi ko hawonno, a moktu nzuni gemto ka, kika dunya mantiti ta ko sarno ne'e, me ke kada nzuni kit yok da ne'e. ²⁴ Boti ne ɗa nzuni yok ono a ɗeyi ki ne'e lei tiya kika ɗo nzuni moi nama ka yo ko ono . kika ko ndalta ne'e ka bui e dunya ²⁵ Botii zina, dunya manan ko bu, ne en manonko, maye manakoti ko sarno ne'e. ²⁶ Nan anko sui ko mantini gensu, no zoha mantinni kika ndaltu yok ino a ɗeya gen su, me ken gensu.