¹ Yeso iko 'yanik woi'e, si hatani ki majiraku duko laha haushi so kidrin, a beis andi kori si rukok majirakuni. ² Yahudaku yo gonni oncheni, me manitik be is'e, kika Yeso ladak dishek wonɗik majirakunibu. ³ Yahuda namno an kesi ki ana ruta bang ma'i ki ma'inche malunwaku ki farisaku, dakoni ki achibal, tochi ki karai gesi. ⁴ Yeso, si yo manoti lei eimiya yo goni helek si duko dom a dol nzuni ta, ''Ngu barta lo?'' ⁵ Zuni lahani ta, ''Yeso banazare.'' Yeso ansu ta, ''Ne'e'' yahuda, yo onko si, me ernok a kesi. ⁶ Ɗo si ansuta, ''Ne'e'' zuni mokok bei a ngatasu eli. ⁷ Si dolko zuni jo, ngu barta lo? Har kaiso jo nzuni anita ''Yeso banazare. ⁸ Yeso lafko, na anku ta ne'e. na ngu barta ne'e wusa maye gosu.'' ⁹ Woi a ka turba ɗo ngamte ene yo si anko a kauso ta onoi ko moɗi a bo'yabu. ¹⁰ Simon Bitrus, andi dirɓa, 'yaleno nami da'a kit kumo bida mallum yo na'ako a ɓatik kumani tina. sun bida me malkus. ¹¹ Yeso anko Bitrus ta, "Matitik dirbaɗ a bini no shena buɗo kerwale yo boti ono?'' ¹² Ana kesi ki ma'insu kiana ruta ban may Yahudaku ngahangko Yeso zuni ngarini. ¹³ Zuni mokanko si ki hanana ki tano kika si sarko kayafa, si na'akok malum a sanis'e. ¹⁴ Kayafa suni onko sawar ki yahudaku ta me ina zina ta ɗo ngo moɗi mati a bo algi. ¹⁵ Simon Bitrus ɗafko Yeso majiri yo'oto ke ka'a majiri wom me manteno a gem malum yo na'ako su ruko ki Yeso a hak ban nakok malum; ¹⁶ Me Bitrus erno bodubnoa hena ka'a ke majiri yi yo'oto, yo mantani a gem malum na'ako,hata hena iko enik mandu so deita bodubnos'e si mokni Biyrus a gebe. ¹⁷ Manduso bida, ɗeita bodubnos ankok Bitrus ta, ''kok moɗik tong maijraku ngo woi bu?'' Si anita, ''A'a." ¹⁸ Bidai ki ana ruta banma'i a erno wonɗi zuni me gomtangkok yesi kika sange, zuni me a kolta zugosu. Bitrus ke a wonɗik zuni, a erno a kolta zugoni. ¹⁹ Malum yo na'ako dolko Yeso aka majirakuni ki cutanntuni. ²⁰ Yeso labnita, "Na iko eni a hili ki dunya, kullum me chatanta a tong ban Ndeyi ki moyamiya be'i so shaf ki yahudaku a ɗaha bei moɗi, ne anko ani a tong bukobu. ²¹ Ki kamiya dolche ne? Dola biya yo kalanko ne'e aka eyon anche. moyai, biya maye me manankotik eyon ako." ²² Ɗo Yeso anko wi'e, ana ruta ban ma'i a erno wonɗi gofko Yeso anita, woi shida eyo ko, alum yo na'ako?" ²³ Yeso labni ta, "Iko eni disa ɗo, on shida aka e yon anko name anko ey disa bu kika miya ko gofko ne'e?" ²⁴ Ki bei woi'e hanana tuba si ngarno a gem kayafa malum yo na'ako. ²⁵ Kaiso Simo Bitrus a kolta zugoni. Biya ye anita, ''Kok yo moɗi ki tong majirrakuni bu ɗo?" Si shantik ta, "A'a ne hoto subu.'' ²⁶ Moɗik hak bida yo malum yo na'ako, si yo shida ngo yo Bitrus ɓatko kumani, anko ''ne moino koi a kori ki si bu?" ²⁷ Bitrus me jo shantiko, kaiso gyaja lula. ²⁸ Nami zuni tobe Yeso gem Kayafas ahak ban shryak ana neme kika kada zugonsu yaftinik bukɗo kika zuni a tina tishik latoru. ²⁹ Me Bilatus hata gemansu a ani ta, ngu tosa woi a kamiya?'' ³⁰ Labnita, na ngo woi 'eko leihi bu, kanam mokano si gemankobu.'' ³¹ Ansuta kikaka'a nama si guda katku, "Ngu ini sherya shida yo uheku.'' Yahudaku ani ta. ''Yahudakubu ananita." ³² Zuni ananko woi kika ɗo eni yeso ngami yo si anko shida mao so si a ina. ³³ Bilatus ruko a bang an mene so sherya jo a wonɗe Yeso si anita, ko dok ma'i yahudaku ye?'' ³⁴ Yeso lafnita, ko iko eni yo kako ɗo, moɗianako eni no? ³⁵ Bilatus lafsu ta ne'e yahudakubu ɗo ne'e biya ko ki ma'i malumche mona no koi a gema no. ko iko miya? ³⁶ Yeso lafkota, "Mene no yo dunya won ses ka bidano a ina washi ki kada on ne'ek yahudakubu. me menei ki wonɗe bu.'' ³⁷ Bilatus nami anita, kok ma'i ke nan?'' Yeso lafnita, ko ankota ne'e ma'i kika woi'e me le'yanko ne'e kika woi men dono dunya kika don on saida ka jire. shafki ngo yo gem jire si a kola ɗolyanno." ³⁸ Bitrus anita, "Jire's miya?" Ɗo si anko woi'e si hata hena jo gem yahudaku ansuta, ne'en wa lehi gya ngo woi bu ³⁹ Mey ngu anandi al'ada ta ɗo no wusku ngo moɗi ki tang ana rono a hotik biki telshu. ngu dalangkono wusku ma'i yahudaku?'' ⁴⁰ Zuni wanko jo a anita, "Ngo woi bu, me Barabbas." Barabbas me a kasho.