¹ Ne angku mayei kika kada ngu ngete. ² A hokɗingkuk tong ban ɗonshu; jire, sommoɗi isno ana dugya nguni a anata a ishe rutak Ndeyi. ³ Nzuni a ina ei woi kika manangko ne'e ɗo mana Boti bu. ⁴ Ne angkutik ei mayei sommoɗi na gonni hele, ngu gitik diɓshek nzuni kit shida yon ikudi rete kasu. Ne angku 'ei maye bu tingki tonoi kika mu be moɗi. ⁵ Me kauson gonno gemani si yo sarno ne'e me a hotokku an goi yo dolko ne'ebu, ta goyko tiya? ⁶ Ki kanno 'yangku woi'e yabtanok tili ngamtitkok tilinku. ⁷ Ne anshenku jire 'ya zina ne gonno. kika na nen dukobu a shatu andutu gemangku bu, me nen ndunnoko ne sartu si geman ku. ⁸ Na si ndino, a suntanta tili a tutik geɗok zunhu tong dunya, a ka tili moɗi, kika sherya - ⁹ A ka zunhu kika nzuni onanko jire, a hawonno bu. ¹⁰ A ka tili moɗi kika na gono gem Bono me bolok sauwedi moya ne'e bu. ¹¹ Aka sherya, kika ma'i dunya initik sherya. ¹² Ne andi 'ya tim yon angku,me ngu gana kauso bu. ¹³ Ɗo si kelui yo jirei dino a tamku shafki bilei yo jire, kika si a ina eni yo kanni bu me si ana eiyo si kolno ke si a angku eiyo isno. ¹⁴ Si a nama kanno, kika si a namak tong yono si me angkuti. ¹⁵ Shafki eiyo Boti andi yono. kika ka'a ne anshengku ta kelu Ndeyi a namak tong yono si angkuti. ¹⁶ A tong sommoɗi shim, ngu moidi ne'e bu; ki bei sommoɗi shim, jo ngu moya ne'e. ¹⁷ Nami majirakuni madi a annik zehe ta woi miya si a anshemuiye sommoɗi shim ngu moya ne'ebu me ki bei sommoɗi shim ngu moya ne'e,' kika ne gonno gem Boti. ¹⁸ Kika ka'a nzuni ananko ta woi si ancheta sommoɗi shim? muni manangko ei si anshe bu. ¹⁹ Yeso moiko kit nzuni ndalko dolsi, si Si ansu ta, woi eiyo ngu dolshe zehe, a ka eiyo angko ta, 'a sommoɗi shim, ngu moya ne'e bu, me jo sommoɗi shim moya ne'e? ²⁰ jire, jire, ne anshegku, ngu ina bele ki monsom, me dunya ina kuyu; nguni me ngu ina yabtanak tili, me yabtanak tilimui a waglito kuyu. ²¹ Me na mandu a ka burunto a deishek unuk tili kika sommoɗinto ndinni nem; me na te le'iko lanto, a dibdi maitos te sabu me kaba hetrek tili kika ngoi te le'ko tong dunya. ²² Kauso ngu tong unuk tili ne moya nguni jo tilinku ɗeya hetrek hawaskuk ki gemanku bu. ²³ A hotis wonses ngu ɗonsha ne'ek 'yabu. jire, jire nen anshengku ngu ɗosha lei ei miya ki gem Bono, a tong suno si ongkuti. ²⁴ Har kauso ngu ɗosha lei miya bu a tong suno. Ɗoshai me ngu biska kika zeiki hawotku ngami. ²⁵ Ne anshegku woi a ka sommoɗi isno yo sauwa eni, hak eni bu, me kika ka'a nen iku eni a hili aka Bono. ²⁶ Aka hosi wonsis ngu ɗonsha a tong suno me angku bu ta ɗonsheku Bono. ²⁷ Boti ngudakani nda nguni kika nguni ke ndalanko ne'e kika ngu onagko jire ta nen ndino ki gem Boti ye. ²⁸ Nen ndino gem Boti, nen ndino tong dunya ;Me jo, ne wustik dunya ne gono gem Boti." ²⁹ Majirakuni anagko ta, "moyai, kauso ko eni hili ko ishe eni yo tong bugko bu. ³⁰ Kauso managkoti tako manotok lei ei miya, me ko nda lei ngoi yiya doldiko bu, kika woi, mu onako jire ta ko ndinok gem Ndeyi. ³¹ Yeso lafsu, ngu onagkok jire kauso?" ³² Moyai, sommoɗi isno, me ndintoko, ɗo hashnagku, lei ngoi yiya ke a banonni, ngu wusa ne'e moɗa no. shafki ki ka'a me ne'e moɗano bu kika Boti a gemano. ³³ Nen angku 'ya woiye kika ɗo ngu ɗeyi ki hetrek tili a hawonno, a tong dunya ngu anandi damto, me 'ya geɗok tili tongko geɗo dunya.