¹ Ne en roi zina bono me a mara. ² Namkok lei are may yiya ki hawonno yo a leibu, me si wosa mayo onshe lei ɗo si on le'i tim ³ Ngu kayanko bu'uno kika zunhu yo anku. ⁴ Deya ne'e ne keki ngu ni. kit mah a ina le'i guda kanni bu, ka bana deiko zuk ro, ka,a ngu ni ke'e kaba na ngu gano. ⁵ Ne en roh ngunin mah ni, ngoi na andi ne,e ne kenn ansi, a ina le'i tim, kika na an ne,e bu ngu ina le'i miya bu. ⁶ Na ngoi deino hawonno bu, a sottini hena kit yo mah me ho inni zuni daha mah a yafriti nami olni di yesi. ⁷ Na ngu deino hawonno, na me eni no deino hawokku, dola le'i miya yon ndalanko a ikuti. ⁸ A nam she ka bono a tong woi ta ngu ona le'i tim me ne ona jire ta ngu majirakuno, ⁹ Kit yo boti ndalta ne'e ne ken ndalta nguni, deya tong ndaltuno. ¹⁰ Na ngu ngahaankouheno, ngu deya tong ndaltuno, kit yo ngafko uhe bono me deino hawok ndaltini. ¹¹ Ne an shenku ka,a ki nguni kika kuyunku ngaminni. ¹² Woi uheno, ngu ndalte zehe kit yo ndalta nguni. ¹³ An ngoi andi ndaltu nakko kit woi bu, on ko zauni kika sha eni bon je. Ngu sha eno bunji na ngu ishe ei ne anku. ¹⁵ Ne damɓa esha nguni ngaru bu, kika ngaru man ei bobi abano ishe bu. ne esha nguni sha eno bunji, kika lei miya yon kolkok ga bono mantenoni gemku. ¹⁶ Ngu zaɓanko ne'e bu, me ne zaɓa ngunɗo ngu gong on le'i me leikku a ɗeyi. woi ka,a ley miya na ngu dolankok ga boti a tong suno si a onkuti. ¹⁷ Kika ie maye ne ella kumanku ɗo ngu ndalte zehe ¹⁸ Na dunya kuɗinku, manonni kukko ne'e botono nami kuk nguni. ¹⁹ Na ngu tong dunya, dunya ndalta nguni kit yoto. me kika ngu tong dunya bu ne zaɓa nguni ki tong dunya, kika ka,a dunya kuɗinku ²⁰ Ribna ki dunya kit yo anku, ngaru a deyi nakkok bobi abano bu, na nzuni ona no bone, nzuni ke a onku, na ngahankok enino, nzuni ke a ngabtik yo ku. ²¹ A ina karei woi shafni ki nguni kika suno, kika mananko si bu yo sarneno n'e. ²² Nan dino ne isu eni bu nzuni ina zunhu bu, kauso an bille yo a tabi dibu aka zunhu su. ²³ Ngoi yo kuɗino ke kukok bono. ²⁴ Na ne iko ruta yo andi ngoi damɓa eshe bu, me kauso nzuni moyan ko me kuɗano ki bono. ²⁵ Me woi aka billai do ngamte eni yo tureno a tong uhensu zuni kuɗano ka 'yabu. ²⁶ Dona ashatu yon saritku ki gem bono wato kelui buno yo jire yo heteno gem bono dino a ana sumanno. ²⁷ Nguni ke onshe sumanno ki ngu ɗeyangko ne'e tun ki botono.