¹ Kada tilinku yabtebu ona jirek gyem Ndeyi ke ona jire gyemano . ² Ki ka a tong ban Bono andi bi tim. Na ka'a bu ka nen amkuti . Ne gon ramtenkubei. ³ Na ni nduko ramteku beis. ne mato namin biske nguni guda knno, bei sonhawo nguni ke ɗeya wonɗi. ⁴ Nguni me ngu managkobeis ne gobu ɗo ma billani. ⁵ Toma ankoYeso, Bomu a bano mu manko beis ko go ko ndishe bu? mu mana billei lolo? ⁶ Yeso anita, ne'en billa, ne jire ne zau. An ngo yo Ndina gyem Boti bu kabak gyemeno. ⁷ Na ko manono ke ko montik bono ko ka'a mano ni ke moyini. ⁸ Filibus anko Yeso ta, Bomo a Bano, tommu Boti, woi a mana mu. " ⁹ Yeso ani ta, neɗeinok nguni sommoɗi tim, me har kauso ko man ne bu Filibus? Lei lon na moyino ke moiko Boti. Me lolok anshe ta tommu boti? ¹⁰ Ko anko jire bu tanen hak Boti Boti ke hawonno? Eni yong ankuk geɗon no bu me yo deinohawono a ishe rutani. ¹¹ On jire kano ki ka Boti hawono na ka'a bu me on jire ki ka ruta yon ishe guda ka su. ¹² Ne anshe ku jire : ngo yo ongko jire hawonno a itik ruta yong ishe, si me a ina ruta yo geɗe woi'eki ka ni gono disenno gyem Boti . ¹³ Shaf ki 'e yo ngu ɗonshangko a tong suno, ne iti. ki kani gono diswhenno gyem Boti ɗo Boti a 'ye nama ka'a tong lah. ¹⁴ Na ngu ɗonshanko Boti lei miya a tong suno a iku ti. ¹⁵ Na ngu ndalanongu ɗeititik uhe no. ¹⁶ Ne ɗonsha boti si a onku ti onom ,ke jo a sarku di a ahata ngu sike ɗeyak nguni ɗeinok an boto bu. ¹⁷ Si kelui bu'uno yon anshe jire ka Ndeyi. Ana mure ona jire me a biska si bu. Nzuni ke mano ni bu, me nguni manoni ki si ɗeino gyemanku ke hawonku. ¹⁸ Ne wusa nguni moɗaku bu; ne matu gyemaku. ¹⁹ A nasa bu dunya moya ne'e bu, me nguni moishe no kika si ɗeinok nguni. ²⁰ A hoti wonsis ngu mantiti tanen hawok Bono, ngunin hawono ne ken hawon ku. ²² Ngo yo an uhe no ke ngafko sina nda ne'e, si yo nda nebu , Boti ke a ndalta si; ne'e kenndalta si ken tomni kano. ²¹ Yahuda ( Iskariyoti, me yo'otom majiriyo sunsu moɗi) ankok Yeso ta, Bomu a Bano kotoma katko gyemamu lolome a dunya shafto bu 'ye? ²³ Yeso lapni ta, "woi billai ko an ngoi dano: ko nzu ishe ei ne anshensu. ²⁴ Biya yo ndalanko wonse'e , bono ndata nzuni. Biyai ndalanko ne'e bu, nzuni ngahaei ne ansu so ei bu.Ei ni ansui yong ne dibko kano bu ; kabadai yo Boti sarneno anku. ²⁵ Ne anku eniwoi'eɗon ɗeinik nguni. ²⁶ Ashata , ngoi ndutu ɗeya gyemkui Boti sar to si tong suno . si ke diɓaku leimiya yon anku. ²⁷ Ne wusngunik hetrek tili,hetre tili no nedeinshe ku. Ne onku shida hetre tili yo an ngoi an te ɗoma dunya. Ngu jukte tilinku bu ; ken 'e nzubabu. ²⁸ Ngu kolang ko ne anshen ku ta, ne gonno;, nen metu gyemanku , na ngu dolang ko , ngu ina zei ki hawo ki ka ne gonno gyem Boti ki ka Boti na'ako wallino ²⁹ Ne ani kuti kabui ei hele , ki ka na hala ngu sauwino di ona jire. ³⁰ Ne gita sauwi di eni shei ki ngunibu ki ka mai dunya isno. Shaf ki ka si wala ne geɗo bu, ne ina ei boti zufko ne'e. ³¹ Ɗeyi ka'a ɗo dnuya mante ti ta ne nda Boti. Ndatim gomuk wonde.''