¹ Jire, jire anshengku, ngoina ruko birik aukak bo duɓano bui, na ɗafko billai to'oto, ngoi wom a shiri a kashsha bille. ² Ngoi na rukok bo duɓanoi a ɗeyik aukai 'e. ³ A deita boduɓanos a eheni. Temkai manangkotik dolyani, a wunda temkai ki sunsu a mokshe zuni bei deyi. ⁴ Na si ho'okok ma'i shafsui, a geɗeni domsu, a ɗafsi, zuni manangkotik ɗolyani. ⁵ Nzuni ɗafshe ngerhobu kaba dei e' jijonni, kika manangko ɗolya ngerho bu," ⁶ Yeso ansu sere bo gudi wonse'e, me mantanko 'ya mayei si anshei bu. ⁷ Yeso ansudi jota, "jire,jiren anshenku. boduɓanok aukai 'e.Ne 'e. ⁸ Shaf biyai ndano tononnoi ana shiri ki ana kashsha bille, temkai me a kolshe zuni bu. ⁹ Bodumbɓiy ne'e leilo na rukok gemno, a wanggini, a rina hete we bei deyi. ¹⁰ A shri ndishe bu kaba na a gonni shiri, dukti ke laktiti. Ne ndino ɗo nzuni we zau wati dingim. ¹¹ Nen a deyis zina. A deyi zina onshe zauni ka temka. ¹² A sarni deyibu ke temkai ma'ibu. Na moiko jammuldei gunenni wusdik temkai 'e jammuldei a ngafti nami laktinsu. ¹³ A gunanni kika ruta dogdo ke an 'ei damta sik temkai bu. ¹⁴ Nen a deyis zina, ken manotik mano, mano ke manangkono. ¹⁵ Botiy manono, ken manotik Botiy 'e, ken onshe zauno ka temkakui 'e. ¹⁶ Ne an temkai a hawok mayebu, ngafko mokinsu ke'e, a kola dolyani ɗeyik biri moɗi a ɗeyi ke moɗi. ¹⁷ Woi ei zofko Botiy nde ne'e, ne ongko zauno kika ne sauwedi weshe. ¹⁸ An ngoi a gita namshek gemano bu, nen ongkok tilino. Ne an geɗon zati, ken an geɗo namti jo. Ne biska geɗo wonses ki gem Boti. ¹⁹ Shana jo hinɗikgo tintil yahudaku ka eni mamaye e. ²⁰ Sheisu anangkota, "An maska ke a takur. Kika miya ngu kolshe si ye?" ²¹ Ma'ato ta, "Eni woi yo ngoi an maska bu. Ngoi an maska gitik ehe ida makum ɗo?" ²² Sommoɗi geleshi so bu'ushi urshalima ndinto. ²³ A tong huzo, Yeso marshe tong ban ɗonshu yo urshalima. ²⁴ Yahudaku kokrantani nami anita, "Har tomiyak 'soma wusa munu tong monmoni? Nako kristi, amu bo moɗi." ²⁵ Yeso lafsu, "Ne angkuti,men ongkok jire bu. Rutai ne ishe tong sun Botiy, woi a tamshengku nen lo. ²⁶ Har kausong onangko jire bu kika ngu temkanu bu. ²⁷ Temkano kolshe ɗolyano, nzuni ke ɗafshe ne'e. ²⁸ Ne onshensu zau so an bo ernoto bu, ke an ngoi a gita gora zunik saranno bu. ²⁹ Bono, yo ono nzuni, wallak beilo, ke an ngoi a gora nzunik sarak Botiy bu. ³⁰ Ne 'ek Botiy mu moɗi." ³¹ Yahudakui jo wor gosho ndalanko ogla si. ³² Yeso lafsu, "Ne tamkutik ruta shei ki gem Boti ma zignen. Ki hawok rutai ne ikoi yo yiya zofkong ogla ne'e ye?" ³³ Yahudakui lahani, "mu ogla ka rutai yo zinnen ye bu, mek ka kabta katkok Ndeyi." ³⁴ Yeso lafsu, "tureno tong sheryatku, 'Nenta, "Nguning goraku?" ³⁵ Nn wunda nzuni goraku, eni Ndeyi ɗeno gem lo (eni Ndeyi yabta bu), ³⁶ Ngu anshek woi yo Ndeyi bu 'uko sarno tong dunya, "Ngu yabta sun Ndeyi, 'kika ne angkota, "Nen lah Ndeyi'? ³⁷ Nan ishe ruta bono bui, ngu on jire kanno bu. ³⁸ Me nan ishei, lei ngu onangko jire kanno bu, ona jire ka rutai ne ishe zohing mante ta Boti hawonno ne'e ken hawonni." ³⁹ 'yangko ɗo ngahini jo, me iko marsheni hatannik sarasu. ⁴⁰ Hata gonni har bei haushik urdun be is Yahaya ikgo Baptismanni so tono, nduko ɗeyinni wonɗi. ⁴¹ Algi shei ndano gemni a anshe taru," jire Yahaya iko 'yak dobo bu, me shaf ei Yahaya angko ka ngoi woi jire." ⁴² Algi shei onangko jire kanni be is 'e.