¹ Yeso ɗo a zug geɗe, moiko ngoi yo'oto makum tingki le inni. ² Majirakuni dolanko si, "Malum, iko zunhun lo ngoi woiɗo ana le inni, zofko le yangko makum ye?" ³ Yeso lafko, "Iko zunhun ngoi woi bu ke ana le'ini bu, kaba dei ndalangko eni Ndeyi ngamik gemani ⁴ Kabam e ruta ngoi sarno ne'e ting hoti anto. Beɗi isno an ngoi a gita ruta bu. ⁵ Tingki tong dunya, talku dunya ne e." ⁶ Ki bei Yeso ɗo aka eni mamayei,tufko lei eli, dogɓa elis ki lei, gomi ka idani. ⁷ Ani ta, "Ndui, buɗ idangko tong halik silom (eniy a ka sarni)." Ngoye hinɗa nduko, bu'uko idani darinni. ⁸ Kaba moishe mabo wuronni ki biyai a moishe si ting ki marei a ɗonshu ye? some anshe ta, ngoi woi budu a ɗonshu ye? ⁹ Ma'ato, ta "Yaye si." Ma'ato ta "Ka'abu, me subansu moɗi." sime ta, "Ne e." ¹⁰ Nzuni anita, "Io lolo idangko a hanni ye?" ¹¹ Si lafko, "Ngoi a wonda si Yeso dogɓa yendi ki lei gomnoka idano anota, 'Ndu silom ko buɗ idangko.' Naming go buɗi moishe idano ahanni." ¹² Nzuni ani ta si? "Si lafko, ne manbu." ¹³ Mokano ngoi woi ka makum ye gem farisaku. ¹⁴ Eheni idos me hoti subdu. ¹⁵ Farisakui jo dolsi wadgo idani a hanni si ansu ta, "Si gomno yardi ka idano naming buɗi, idano ke ahanni." ¹⁶ Farisakui ma'ato anita, ngoi woi ki gem Ndeyi bu kika a deitunta subdu bu" ma'ato ta" lolo ngoi an zunhu bo bolo. ¹⁷ Nami jo dol ngoi woi ka makum ye'e. "kok angko miya kanni" tinda si ehekotik idangko ye?" makum ye ta, si nabi. ¹⁸ Shaf ka a yahudakun onangko jireta si ka makum kauso moishentik be'i bu har zohangko wundetu ana le ile woi yo wa moinoi'e ¹⁹ Dolangko ana le'ini, woiɗo langku yong ansheta le'yangko makum ye? iko lolo kauso me a moino? ²⁰ Ana le ini lahansu ta, " mu manangkoti laiwoi lamu yo le' yangko si makum,. ²¹ Ei kauso zofko moinoi, mu mananko bu, ngoi eheni idaniy, mu manangko bu. dola si, lalamba bu. A gitik enik boni". ²² Ana le ini anangka 'ya mayei, ki ka'a zubak yahudaku. anangko ta ngoi na anagko ta si kristi a s sottinik tong bi ɗonshu. ²³ Kika woi ana le'ini ta, "si lalamba bu, dola si." ²⁴ Yo ka bolo, wundangko ngoi woi ka makum ye anita, :" nam ka Ndeyi mu manangkoti ngoi woi a zunhu" ²⁵ Ngoi wom moishe lafko," nen manbu na si a zunhu. ei ne mano, ka ne makum, kauson moino." ²⁶ Nzuni jo ani, " si iko ei miya? eheko idangkoi lololo?" ²⁷ Si lafko, nen angku ti ting kauso bu, meng kolangko bu. kika miya ngu ndalangko kolshendi ye? ngu ndalangkong ɗeyi majirakuni bu ɗo, ngudalangko bu? ²⁸ Haranko si nami anita, "koi ko majirini muni mem majiranku Musa. ²⁹ Mu manang koti Ndeyi iko enik Musa, muni mem manangko be'is woi hetengo bu." ³⁰ Ngoye lafko ansu ta, :" woi 'yak dabo, tim dang mananko be'is si hetengo bu, me shaf ki ka'a ehenotik idano. ³¹ Mu manang koti Ndeyi kolshe ana zunhu bu, me ngoina a dafshe si ke a isheni ie tilini ndalo, a kolsheni. ³² Tingki kena dunya damɓangko kolshe an ngoi aha ida ngoi le 'yangko si makum bu. ³³ Ngoi woi kana ki gem Ndeyi bui, a gita 'yabu." ³⁴ Nzuni lahangko anita" le'yangko ko tong zunhu, mek shutantamu?" moishe sottani hena. ³⁵ Yeso ɗo kolko ta sottani henak tong ban ɗonshu. bolko si anita,"ko ongkok ka la ngo"? ³⁶ Si lafko anita, "si lo, bono abano, kika ne on jire kanni?" ³⁷ Yeso ani, "ko moyini, ke ngoi woi a zug enik koi ye'e." ³⁸ Ngoye ta "bono abano, ne ongkok jire" Nami ini kubeshi. ³⁹ Yeso ta'ye,"ne ndino dunya ka shsrya mamaye a moino bum moyi mamayei a moinoi makmisu." ⁴⁰ Farisakui, ma'ato ma gemani kolangko 'ya mayei nami dolsi, muni kem makumshe ɗo"? ⁴¹ Yeso ansu tami, " kane ngu makumshe ka ngu deyak zunhu bu kauso me ngu anshe ta, mu moino zunhutku deyito.