¹ Baka nane ŋo damen imu buku ni, ŋŋo ono, ono u wija nlen ma ano, nan isana nlen ma geme se ŋo weje ano me, nane ze ara wiya o hoi me. Ŋo ono u biyǝ u wiya tegogoro garere. ² Woro konzen i ru se u biyǝ nlen mǝ Ədəshəri maze aza gaŋgaŋ ngase i tarse uruna aza ano ageme se ŋa wuza tegoro te geme. ³ Wuza adodonzo igiya, ŋŋo ono, ono u biyǝ nlen ma ano u wuza tegogoro tegeme konzen ŋo ra wuzuza me. Ŋo nin wursa u wiyan nlen mǝ Ədəshəri? ⁴ Nee ŋo ra yizi ijai iwuma umura o home, madoro mu nyaka kpai a ma me, nan ishauwo e heme? Ŋo ta ru se iwuma eheme ezen ŋo da i waŋ nan ŋo ukuŋku macara mai ne? ⁵ Konzen izini i ka deŋen igbau nan udira u kuŋku macara a biruwa be a ŋo ru se u ra yisa rete are u cara əpuru a waŋa ətiyə a ucara əpuru, uga, ətiyə u binja tero tə Ədəshəri ə biyən nlen ma gaŋgaŋ. ⁶ Ma ra nuzi kəvi emegeme se ma yisa baka riwuza areme ənyimi masano: ⁷ Ano ageme se ŋa na mutana, riwuza ri wuma se rina ra nan utuŋara, isəru, nan udira bishare, ara nyo home ruma ri suŋ. ⁸ Konzen ano unara ibiruwa beŋe, ŋana nyamene utarse gaŋgaŋ enze ŋa tarse ma udira gaŋgaŋ, ikpai nan ucara biruwa ra ra aza a haŋe. ⁹ Ədəshəri ra ra nan makpai nan u burkǝlu iruwa a ruma ri kəvi se ma wuza iburu, ti Jews yəi, bata ti Greeks konzen. ¹⁰ Bituŋara, isəru, nan ishammo ira ra aza kəvi ono ogeme se ma wuzuza iwuma, a ti Jews yəi, bata konzen a ti Greeks. ¹¹ Baka Ədəshəri ta ze nan riyau ne. ¹² Nane se ano cebete ŋa ze nan macara konzen dan nan makiri ni ŋa ra pete ura dan se nan makiri ni, konzen nane se ano cebete ŋa na wuza macara a tarse makiri ara biyə ohoŋe nlen nan makiri. ¹³ Dan baka u kunuza makiri ze ano ze saŋsaŋ a bida bə Ədəshəri ni, konzen u tarse makiri ma me manze ma nin zuzi. ¹⁴ Ngase ano əpəŋ, se ma damen makiri ma mi ni, adodonzo a haŋe wa nyaŋe ŋa tarse makiri isana ma maŋe, makiri manze ma maŋe, Baka se ŋa ta ze nan makiri ni. ¹⁵ Nan igiya ŋa beze nane se riwuza reme ra barsa a darse makiri ma me ənyimi iruwa. Mənyə maŋe konzen mǝ cikǝ aza haŋe, konzen adodonzo a haŋe a unara nee a u kate o hoŋe a ŋe ate nan konzen a Ədəshəri. ¹⁶ Egeme ara wuza me ətiyə ageme se Ədəshəri ra biyən zale nlen ma ano ma geme se ma ze nan upate, nlen ma geme se na yisu, əsuru a Yeso Ukase. ¹⁷ Konzen ngase u tisa rete are u Jew enze u nikana a makiri enze u yiza rete a re ənyimi Ədəshəri, ¹⁸ enze u ruu emegeme se ma ra barsa me enze u gare nan emegeme se eze iwuma bakase əbuki ənyimi makiri; ¹⁹ ngase biruwa bina ka se ŋŋo nan rete a re ono u tarse nan aruu zi, masaŋsaŋ manze ano ageme se ŋa rə məri, ²⁰ ono u mammara ubənu u alakere, ono obezezze abiya a ceke ceke, egeme se aze nanno a makiri uruna u giŋərə u ru nan magaŋgaŋ, enze anin wuna in nizi i dupa ucikə u riwuza re? ²¹ Ŋi ano obezezze adaŋara, ŋi ta bezezze ate ǝhǝŋi ni? Ŋo ono u gusa tago a wuza rikəri ni, ŋo wuza rikəri? ²² Ŋo ono u gusa tago a woze rijama ne, ŋo woze rijama? Ŋo ono u nyamene asumu, ŋi zəsi tommo ti ugura? ²³ Ŋo se ŋo ru unarka nan uruntu biruwa ənyimi makiri, ŋo na yizi Ədəshəri ənyimi ri wuza ri makiri a mai? ²⁴ Uga nane se a darse "bakaŋ ŋi zi ano əpən na nyamene riji rə Ədəshəri," ²⁵ Utuzu o shoro onze nan ituma ngase u tarse makiri ma me, konzen ngase epore makiri ma mi, utuzu oshoro na kuru udira utuzu oshoro. ²⁶ Nga nane ze, ono oshoro mənti mərəku ma makiri, itan ŋuna udira utuzu oshoro ohome u cikǝ uga utuzu oshoro ne? ²⁷ Konzen itan ŋuna ono ogeme se a dan tuzi mi oshoro ma yizii bakase ma ra məntə makiri ni? Igiya enze bakase ŋo ze nan ere se a darse i makiri nan utuzu oshoro, taken nane epore makiri ma mi! ²⁸ Ono ogeme se ma ze u Jew dan u nərə əkəi zi ni; dan utuzu o shoro se enze iwə kəi a ripuŋ ni. ²⁹ Konzen u Jew onze ono ogeme se a tuzi mi o shoro u biruwa be me, utuzu o shoro onze uwə ənyimi biruwa, ənyimi uvunu, dan u darsa u takarda ne. Bi tuŋara bi isana ono ogeme bi ta ra əsuru ono ne se əsuru Ədəshəri.