¹ Paule, orere o Yeso Ukase, a tisa da mə cikə utuma, konzen a zorowe me baka u yisun nlen mǝ Ədəshəri. ² Uyisun nlen magiya se ǝ buki u bura me bata atuma Ədəshəri Se a darsa ənyimi nlen ma saŋsaŋ. ³ Eze aza Vana ome, ogeme se a a yoo ǝsuru abiya David u barsa ripuŋ. ⁴ Baka u yira ǝsụrụ ano uwiju, Ədǝshǝri wa zorowe me da mə cikə Vana agata me baka Uvunu u Saŋsaŋ—Yeso Ukase konzen Aco o hodo. ⁵ Ənyimi a hame woro wa kai ogwene nan u cikǝ a tuma nan u tarse u yiya biruwa ənyimi anon nyaŋa zale, baka riji a reme base. ⁶ Ənyimi anon nyaŋa ma giya zale, konzen ŋŋi a tisa da i cikǝ nan Yeso, Ukase. ⁷ Igiya se ana darsa baka zale ano ageme se ŋa ra Rome, Ədəshəri wa bare, ano ageme se a tisa ŋe da ŋa cikǝ ano a saŋsaŋ. Ogwene cikǝ nan ŋi, nan u cikǝ shammo ǝsuru Ədəshəri Aco o hodo nan Yeso Aco Ono Ukaso do. ⁸ Dinka, Na go nan Ədəshəri kukwan ənyimi Yeso Ukase baka zale u huŋi, bakase u yiya biruwa bi ŋi una sarmo zale ənyimi masano. ⁹ Baka Ədəsheri zi ono u lake o hoŋ, ono ogome se na wuza me re rere ənyimi Uvunu ənyimi u yisun nlen ma Vana o home, nane se In dingara u biyǝ o hoi. ¹⁰ In dinga u saŋara me ənymi be remmo a bon se a kuyyu runa a waŋa u maso me In wushi duli wagiya ngase Ədəshəri gare ra ra iŋi. ¹¹ Baka nze nan barsa uni u huŋi, nee nin nya ŋi ǝnǝwə a Uvunu, baka da əpiyə ŋi, nane ze, ¹² Ra barsa ə tə piyə əpuŋ nan u biyǝ eme geme se ana ni u yiya biruwa ənyimi əhəŋi, ənyimi u yiya biruwa bi kəvi, bi biŋi nan be boŋ. ¹³ Wagiya in dama barsa i cikǝ nan bitə ru ni, reno, nane se kuyuca in barse nta ra iŋi, (konzen a tunaŋ se wagiya), da min mura te koke ənyimi əhəŋi, uga nane se in wa mura ənyimi adaŋara ano əpəŋ. ¹⁴ Min ze nan uduru a ti Greeks nan agen, ano remo nan alakere zale. ¹⁵ Nane ze, a ehoŋ, enze nan biruwa bi u yisu nlen mame konzen iŋi ano ageme se ŋa ra Rome. ¹⁶ Bakase nta kuna mme ma u yisu nlen mame ne, baka se manze agata Ədəshəri a kawa ano ageme se ŋana ka, u bura me nan ti Jews enze bata ti Greeks. ¹⁷ Baka ənyimi eme magaŋgaŋ ma Ədǝshǝri ə pərsi əsuru u yiya biruwa a waŋa u yiya biruwa, uga nane se a darse eme, "ono u wuza gaŋgaŋ mara cikǝ nan u yiya birwa." ¹⁸ Baka u caro biruwa bə Ədəshəri bi ra tunu ǝsuru ədəshəri aza zale ano udira uKuna iwi Ədəshəri nan ano u dira u wuza magaŋgaŋ aza ano, se ənyimi udira u wuza magaŋgaŋ maze ŋana kate magaŋgaŋ. ¹⁹ Igiya se enze egeme s əru aza Ədəshəri inə wuru a ŋe. ²⁰ Baka u dira u nərə isəru eheme se ətə ru ni, se a gusanno agata a suŋ nan riwuza areme se rita ze garere nan iyabo ne, ənə nərə saŋsaŋ, əsuru uca u ruza masano, ənyimi tommo te geme se ma ruza. Ti ta ze nan eme arezekon ne. ²¹ Baka se, Ŋa ru iyabo aza Ədəshəri, ŋa ta yiziza me uga Ədəshəri ni, nee ŋa ŋiza me ti kukwan. Da ŋa ŋuna nane, enze ŋa cikǝ alakere ənyimi adodonzo a haŋe, nan udira ate ahaŋe iruwa eheŋe wǝ cikǝ biti. ²² Ŋa ra nərə uga ŋa ze nan rekese, bata alakere ze. ²³ Ŋa waŋare u yiza uwə Ədəshəri ageme se a ta date wirti ni əcikǝ ri sumu re geme se ono u date a wirti, ri bitidi, binama bi uja bi atau a naze, nan iwu wuŋku ti puru. ²⁴ Baka nane Ədəshəri wa nyaka ŋe a tare ti ano u dira isaŋsaŋ baka isana bishare a beŋe, ŋa nin waŋara ate a haŋe nan ate a haŋe. ²⁵ Ŋanze ano ageme se ŋa cuwala magaŋgaŋ mə Ədǝshǝri mə cikə impore, Konzen ano ageme se ma waŋare biruza bi uware ono bi cikə uga Ədəshəri, ono ogeme se ŋa tuŋare me a waŋa əsuŋ. Amen.(Nane ze). ²⁶ Baka nane, Ədəshəri wa nyaka ŋe da ŋa biza ate a haŋe an mme mu nara awai, awai a haŋe ŋa cuwale nane se a ŋuna da woze nan nane se a ta ŋuna da ŋa woze ne. ²⁷ Nane ze, ano arome konzen ŋa deke nane se a ŋuna da ŋa woze nan awai enze bishare ba ate ahaŋe bi zǝki ŋi. Ano agiya ŋanze ano arome se ŋa biza ate ahaŋe ǝnyimi tegoro ti u dira mme nan ano arome enze ŋa mura ate ahaŋe macara nane se ŋa na giŋərə baka u nara o hoŋe. ²⁹ Zale ŋana binja nan udira ma gaŋgaŋ, nan iburu, nan bishare, nan rikita. Ŋa zenan u binja nan gursa ano, nan u wuza ano, nan magita, nan rikita, nan adodonzo ǝburu. ³⁰ Ŋa ze ano u biizi nlen ma ano, ano u gursa iburu, nan u yiza rete, nan ano utǝkunǝnu. Ŋanze ano ri yate, konzen ŋa ta kuna ano əji a haŋe. ³¹ Dan ano uru iyabo ze ne; dan ano ageme se unin gara nan ŋe ze ne, ano u dira ijai, nan udira u wuza ogwene. ³² Ŋa ru mərəku ma Ədǝshǝri, nane se ano ageme se ŋa wuza isana tegogoro te geme ŋana giŋərə uwənə. Konzen dan u wuza teme base ne ŋa woze teme, ŋa wuza awe woze teme konzen.