¹ Kani zale ona ogomese ma yii nan uyiya-biruwa, dan se nan e-nlen aza magitane. ² Oye zinan uyiya-biruwa bi uwushi ko-iyamo, oye ono yii ma wushi tinaŋo base. ³ Ono ogemese ma wushizi ko-iyamo tago ma kini ono ogemese matan datene. Bakase ǝdǝshǝri na kame. ⁴ ŋoze avi, nŋze avi, nŋo ono umeshe orere u'oye nan nleŋ? Otore ohome ne urizi ohome ura Aco akura ahameze. Takennane Ara wuna ohome ma tore, Bakase Aco zinan udate wuna ohome ma tore. ⁵ Oye kira a yiza oi atiye a wake te titiyeteme, oye mana yiziza ko-iya tiye gareren. Deke a ko-avi tarse ogose ohome. ⁶ Imme ono iya onwe, mana iya baka Aco ze; imme ono wusu konzen, mara wusumi baka Aco ze, Bakase ma kusan ǝdǝshǝri kukwaŋ. Imme ono ogeme se mata wusuni, mana deke uwusumi baka Aco ze imme konzen ma kusan ǝdǝshǝri kukwaŋ ⁷ Bakase oye ohodo dama cikǝ baka retaremene, konzen oye dama wanǝ baka retaremene. ⁸ Bakasa ngase woro zinan ruma, woro ra cikǝ baka Aco ze, ngase woro wǝnǝ konzen, ina wǝnǝ baka Aco ze. Bakananeze ne woro cikǝ ne woro wǝnǝ, woro o Acoze. ⁹ Baka ija meze onokasa wa wǝnǝ ma yere konzen, da ma cika Aco u zale ano uwǝnǝ nan ano ruma konzen. ¹⁰ Takennane nŋo, bake iyaze ŋora wiya uwanamahai nlen? nŋo konzen, baka iyaze ŋana kini uwanama ahai? Bakase zale ohodo ra tore a ridaran ri uwiya nlen ma ǝdǝshǝri. ¹¹ Bakase ezenan udarsa, "Nanese nzinan ruma," Aco na buku" Imi ko-iya luŋ u urwanǝ, konzen ko-iya nlen mara tuŋara ǝdǝshǝri." ¹² Bakanan naneze, ko-avi sa buka nan rete areme emegemese mana wuza a ǝdǝshǝri. ¹³ Bakanan naneze, tago i wiya apun nlen kon-zenne, anane yita ya, se tago oye wuna rizuwa ri pikaru ne agero baka uwanomo ohome ne. ¹⁴ Mina ru konzen ina peton a yimi Aco Yesu, se e-iyabo dima nui icaron tentemene. Ban ono ogemese maze nan uyita ko-iyamo ica-ronze basene, ame uicaronze. ¹⁵ Ngase baka imuwusu ono-hoi mana carabiruwa, ŋi dama tano a yimi ubarsa konzenne. Tago ŋo cara nan imuwusu ono ogemese onokasa wa wǝwǝ baka ennmene. ¹⁶ Bakanane tago ŋo deke emegemese ŋora nǝrise ezekima a buku uga imi iburune. ¹⁷ Bakase tegomo ti ǝdǝshǝri danaza imuwusu nan imushiezene,aza riwuza-riwuma, shammo, nan izanla a yimi uvumu-usansanze. ¹⁸ Bakase one ogemese gurwana a uruna uja mana mura uka a ǝdǝshǝri nan ugara unano konzen. ¹⁹ Bakanannane, deke a wo-ro tarse emegemese eze i shammo nan egemese eze i upige apun. ²⁰ Tago ŋi caara ituma ǝdǝshǝri baka imuwusuni tegogoro zale tizi sansan ganka, tekennane eze iucaron ono ogeme se ngase ma wushi i wuname a pikaru. ²¹ Eze kima ngase ŋo ta wusu binamane, ne ushie maŋima imiririn, ne e-emegemese ono wanama ohoi kuna carome. ²² Uyiya-biruwa se ŋo zinanno, deke aŋo nan ǝdǝshǝri. Taye ti ra aza ono ogemese madan taretareme reden aza emegemese mana gara anume. ²³ Ono na ta retareme reden ngase mawushi, bakase dan nan uyiya-biruwa zene.Konzen zale emegemese dama rusu a ujiya-biruwazene macaraze.