¹ Deka a ko-uviwuza ituma nan Tegomo tiaza, Bakase te-tegomo ti dima nune babab tuyjasyra a Ədǝshǝrine. Tegomose tiranu Ədeshǝrize na wunaŋe anu. ² Bakananeze ono oge-gemese ma nyamene tegomo mana nyame Makiri ma Ədǝshǝrizi; konzen ono ogemese ma nyarna nanno ŋara gurna nan utaza u Ədǝshǝri nan reta reŋe. ³ Bakase ogomo dan Ukerkene aza riwuza riwuma zene, ŋoranara se ŋota cikǝ nan udiri iwi nan te gomo? wuza emegeme se eze i wuma, konzen ŋora mura uware ohome. Bakase imme orere u ǝdǝshǝri ze baka ⁴ ucikǝ ohoŋi uwuma. ŋgase ŋi wuza imi iburu konzen, kona iwi, ŋadan manti uiura a udira imiuwuzane. ⁵ Bakase imme orere u ǝdǝshǝrize, ano zutu a cara biruwa bi Ədǝshǝri aza ano uburu. Bakananeze ŋira tarseme tek, dan baka ucara biruwa basene, takennane baka egose atai konzen. ⁶ Bakanane ŋi nyaze irunyaɲa konzen, Bakase tegomo arere a ǝdǝshǝri ze, ano ugaŋanauwuza yame. ⁷ Nyani ano zale emegemese eze echeye. Iru ŋyaŋa a ano kasa iru ŋyaŋame; iru ituma a ano kasa iru intumame; ubara a ano ubareme, uyiza a ono bare uyizame. ⁸ Tago a tarseŋi oi udueuni, se u ubarsa ano wanan, Bakase ano barsa ano laken nan me mana binja makiri. ⁹ Makirii maze: "Tago u wuza rijamane tago u wunane, tago uwuza rikarini, tago yiya aji aza tomo ti oyene," ngase mai makiri maranu konzen enze, ana gura a nyimi makari maja: Barsa ano lake name ŋo uga retearai" ¹⁰ Tebarsa te diminan uwuna ono lake imi iburune; Bakananeze, Tebarsa tenze ubinja Makiri. ¹¹ Bakaija, ŋi ru ucame, uca na wuna se ŋita zima a nro. Bakase aja usopo ahodo ukira voto nana uca ogemese iwa bura ugarame. ¹² Atitiye na yo', ara na ra vota sana konzen. Bakanane ze, a woro kunki riwuza riatitiye a rekero, konzen a woro uza utasu u sansan. ¹³ A woro uza tano te kima, uga nana oŋwe, dan a nyimi relake-re nan bukuwane, tago iwuza tano a rijamane ne a nyime udi ra me-rete, konzen a nyarna an Jealousy ne. ¹⁴ Yita ni tano ti Aco Jesu Ano kasa, tago i ara baka ripunne, da ri mura uyiza emegeme se rira kunane.