¹ Khidangkong ndhi Jesu yit pang dih bhi sam nyil, du gurum mu bwer mu mwan nder muk. ² Bhi yaghal, ngu thilokhom ji nder muk, bhi yakkal zhim kha nih, nna, "Nda, khat khi dem fhik, bhi ghi vwang lokhom fe shin put nshi-san deh n'an a bang dih. ³ Jesu yakkal shang sar nih bhim nih khinih, yakkal sat nnih, " khi dem fihn. Ghi bang." La-la bhi vwang lokhom fe put nshishik muk. ⁴ Jesu yakkal sat nnih, "Tap bhi ghi sat mhisi meh gurum ma. Ghi mwan yar fhik, ghi nin khahsak ngu shiit Naan yakkal ghi shin zughum khipe ndhi Musa shin khi den, deh nih tong abih langthing dih. ⁵ Khidangkong ndhi Jesu rhi n' Kafarnahum, meh ngu shiit liyak ji khat ni bhi tal phi muk, ⁶ nna, "Nda, ngu shiit fhin khi teer si ndhigin-lih a wu yakkal khiting ma shin nih nbut shuwal bwer". ⁷ Jesu yakkal sat nnih, "An peh wul yakkal a shang shuwal fe n'shishik muk". ⁸ Nih soja/jarumi yakkal lap nih a sih, "Nda, a mak ma/kiye ndhi ghi rhi ndhighin lih fhin ma, ghi sat bhilip det bhi kwaram shiit fhin khi khat kakham. ⁹ Nphe ndhi an duk a gwo ndhi khi yon, yakkal an khi sojoji mu ndhi an khi bal nkha mu. A sat meh, 'Ghi mwan,' bhi khi mwan, yakkal nkwa, 'Ghi ji si', bhi khi ji, yakkal kwaram shiit fhin, 'Ghi shin mhisi', bhi khi shin". ¹⁰ Ndhi Jesu khiling mhisi, bhi bih fe fii-poo nnih, bhi yakkal sat niyen ndhi mu phi mwan nder muk, "Zen , a sat ngun, a sham kat meh gwo khi nkaan shinzen mhisi khi yill Israila ma. ¹¹ A sat ngun, bwer mu nphe pwat khi sar kansighin, khi sar arkha, mu wul, bhi yakkal mu nphe tong tebur a wukhime khi Ibrahim, khi Ishaku, khi Yakubu nbut khitingnaan. ¹² Dang bhi jep yil fe, mu nphe shar mu shin put npeh wu kwooh, khi peh ndhi mu khi wal khi ess akkass. ¹³ Jesu yakkal sat nsoja/n' Jarumi fe nna, "Ghi mwan bhik! Khipe ndhi ghi shinzen si, mangye kot dih a si nghi". Yaghaal kwaram khat khaham lala wai. ¹⁴ Khidangkong ndhi Jesu rhi nlih Bitrus/Pita, bhi khat nhikhin mat Bitrus khi teer khi gok kut. ¹⁵ Jesu yaghal bhim sar muk, bhi gok kut fe yit nih. Bhi yaghal khi dangkong ndhi khat kakham, bhi yaa shin sih nnih. ¹⁶ Ndhi kansighin taa, bhi gurum mu wul khi gurum mu bwer ndhi mu mhikwarkum mu yak mu. Jesu shen mhikwarkum fe khi bhilip phi nin yaghal shin kakham ngokshi gurum mu ndhi mu khi shwal nshi- sut. ¹⁷ Bih ndhi si a nphe gam bih ndhi ngu jagham Ishaku sat, "Nih shikhashin kok ghok fun yaghal lap shuwal fun yaa". ¹⁸ Dih bhi ndhi Jesu naa du gurum ndhi mu ne'er jin, bhi sat nphe deh ndun wak yaa nkwang khitighin mhi am kong Galili. ¹⁹ Yaghal meh ngu man ran (magatakarda) jih khat ni bhi sat nih, "Ngu kam-kam, an nphe mwan nder ghi duk khi peh ndhi ghi pet dih. ²⁰ Jesu yaghal sat nnih nna, "Baldwam mu khi fung fut, yaghal yerr mu khi lhi fuut, dang bhi La gGurum nih khi meh peh nphe den khaa nih ma". ²¹ Meh nkwa khi jep kam khi muk sat nih nna, "Nda, ghi yit n'an a mwan a wum Nda nih dang si." ²² Dang bhi Jesu sat nnih, "Ghi mwan nder nih, ghi yit niyen ndhi mu a kum mu wam kum mu". ²³ Ndhi Jesu del nbut shii/jirgi am, bhi jep kam khimuk mu mwan nder muk. ²⁴ Dih nbhisi, bhi yaghal kokhom wubis yaghal di nteku fe, ndhi lhi npiip am gam kha shii/jirgi am feeh. Dang bhi nih Jesu phi sa'am fhinih. ²⁵ Shar shiit khimuk mu ji nder muk yaghal mu miih nih nsaam fe, yaghal mu sat nih, "Nda, ghi baam mun; mun nphe dwam." ²⁶ Nda Jesu sat nmu, "A meh lhi deh gu lwakkat dih ye, gun ndhi shinzen fuk a leeh det?" Bhi nih yaghal bhi biyal kohom fe khi am teku fe. Bhi kohom fe sam teer. ²⁷ Gurum fe mu ap-poo bhi yaghal mu sat Mu na, "A meh gurum peh-taah dhi neh a si eh, ndhi kohom mu khi teku mwo khilling nnih eh?" ²⁸ Ndhi Jesu kam nkwang ndhi si, khi yil Garasinawa mu, gurum mu vhil ndhi mu khi mhikwarkum mu kat nih. Mu tong-pwat khisheer shin mu biyal, ndhi niyen del-mwan mu mak nphe pet yarkam dih ma. ²⁹ Niyen mhikwarkum fe yaghal mu pwat khi orr mu na, "Ghi nphe shin a nang khi mun eh, La Naan? Ghi wul a nphe thikok khi mun deh she bhit fe wul dih ah? ³⁰ Dih bhi khisherr aledu mu phi sih-sih khi phe fe, ndhi jong khi mwo ma. ³¹ Mhikwarkum fe mu wet phi dang phi Jesu, mu phi sat si na, "Kat ghi pwat khi mun, bhi ghi yit nmun mu rho nshishik sher khi alede sih mu". ³² Jesu sat mu, "Gu mwan!". Mhikwarkum fe mu pwat bhi mu mwan mu rho nshishik aledu fe mu; bhi yaghal, aledu fe mu duk duk mu shoo mu samthik khi del pang fe mu wakya nteku fe yaghal mu dwam duk-duk khi mu nbut am fe. ³³ Niyen ndhi dok mu phi tap phi alede fe mu shoo-na-shisho mu wakyah ngarri bhi mu sat duk bih ndhi taah, khi bih ndhi taah khi niyen mhikwarkum fe mu. ³⁴ Bhi, niyen garri fe mu pwat duk-duk mu khaat phi Jesu. Ndhi mu naa nih, bhi mu dang phi muk deh nih yit yil fut dih.