¹ Mpe ndǝ pepǝtong kǝtǝngnaan mpe ɗe a kǝbi ngu fǝl ndǝ ndǝ put nɓit mpe ɗe nni ɨr nyen shiit mar fini. ² Kǝdangkong ndǝ mu ben kǝ nyen shiit fe nkaa dinarios kǝme mpe ɓit kǝme, bǝ lepmu shin kam ɗi nmar fini. ³ Bǝ shin pan waji wul n'arka bǝ shin put mpe naa nyen shiit nkwa mu nnon nbi shin mu nlǝtuk. ⁴ Mpe nyen wuni fe my bǝ sǝna, " Gun gu ya ɗi nmar fe duk, a shin bi ndǝ ret ɗe nmu shin ɗi ngun. A nkaa asǝ fe mu mwan shiit fe. ⁵ Bǝ waji wul puus bǝ shin put yaghal shin npuus kǝnaar bǝ bǝn shin bi ndǝ shin. ⁶ Bǝ shin ndǝ puus neep bǝ put kǝbang yaghal kat gurum nkwamu kǝ dyerem nnon nbi shin. Bǝ sat nmu sǝna, "Ame lǝ ɗe gu dyerem nbǝsǝ nnon nbi shin npuus wu shini ɗi e?" ⁷ Mu sat nni sǝna,'mpe ndǝ mu kat gu ndǝ kǝ mang mun mpe shiit ma.' Sat nmu sǝna, 'Gu mwan gu ya ɗi nmar fǝn fe duk.' ⁸ Ndǝ waji wul nkansǝghǝn bǝ ngu fǝl fǝ ngu naa shiit fini, sǝna, Gǝ yong nyen shiit fe mu yaghal gǝ kwat mu nshaghal shiit kǝmu, gǝ she kwat nyen ndǝ mu wul shiit ndangkong ɗangshe gǝ kwat nyen ndǝ ye mu she wul' ⁹ Ndǝ nyen ndǝ mu she mang mpe shiit npuus neep mu ji bǝ mu shin dinarios kǝme kǝme nmu. ¹⁰ Ndǝ nyen ndǝ ye mu she wul shiit mu ji, bǝ mu pe leng kǝbi ndǝ mu mpe shin bi ndǝ met ndinarios kǝme kǝme sǝ, bǝ ba mu shin a dinarios kǝme kǝme duk. ¹¹ Ndǝ mu lap bi kwat mpe shiit ndǝ mu shin ngu fǝl fe, bǝ mu pǝ pan gwan ngu fǝl mpe bi kwat ndǝ mu shin mu. ¹² Mu sǝna, 'Nyen shiit ndǝ mu ji bǝ puus neep gwe mu shin shiit ɓwer ma, kǝ asǝ fe bǝ shin gǝ lǝ ɗe mu lap a bi wukǝme kǝ mun ndǝ mu su jeel kǝ puus ndǝ ɓaan mun.' ¹³ Bǝ ngu fǝl sat nme nɓut mu sǝna, 'shaarnǝ, a shin me wu bis ngǝ ma, ye mu ben kǝ gǝ a nkaa dinarios kǝme ma? ¹⁴ Gǝ lap bi ndǝ a mak mǝ shiit ndǝ mu ben ɗe gǝ yar fǝk. A an a mang bǝn nsan ɗe a kwat gun nshaghal nkǝt kǝ nyen ndǝ a yong kǝdangkong. ¹⁵ A mak ɗe nnan a shin bi ndǝ pǝzung nǝ mang kǝ bi ndǝ a maan ma? Kot gǝ a pǝ tǝlǝk mpe ndǝ an a ngu naa jeel ye? ¹⁶ Mpe wuni bǝ wu lat mu kǝ ɗe wu nshe, yaghal wu nshe mu ɗe wu lat(sǝkǝǝs)." ¹⁷ Ndǝ Jesu pǝ ɗel ya nJerusalem, bǝ mwan awukǝme kǝ sar po vǝl fe, mu kǝ yar bǝ sat nmu sǝna, ¹⁸ "Gu naa, mun nɗel ya nJerusalem, yaghal mu mpe shin La Gurum kǝ sar nyen pǝtǝghǝm mwan nder Naan kǝ nyenman mu. Mu mpe daar ɗe mu tang tǝ ni ¹⁹ yaghal mu mpe shin ni kǝ sar nyen ndǝ mu man bǝlǝp Naan ma mpe ɗe nmu mu tet ni, mu nas(ɓwap) ni, yaghal mu pwas ni kǝka shep. Ni nyaghal kǝdangkong teer kun." ²⁰ Bǝ yaghal nǝghǝn jep zebedii mu ji nder Jesu awukǝme kǝ jep dǝmu. Ji wap ntǝghǝm muk yaghal tal bi shi pǝ muk. ²¹ Jesu sat nni sǝna, "Yi pǝ sha ame?" Ni mat sat nni sǝna, Gǝ lǝ ɗe njep nǝ vǝl sǝ mu twaghat, nme nsar sǝ fǝk yaghal nme nsar kul fǝk, mpe pǝ tong fǝk wu ɓang." ²² Bǝ Jesu lap bǝlǝp sat nni sǝna, "Yi man bi ndǝ yi pǝ ɗang nkwat fe ma. Gun nmak shu nɓut jang ndǝ yaksǝ a shua?" Mu sat nni sǝna, E! mun a wu shu fe." ²³ Ni (Jesu) sat nmu sǝna, "Gun mpe mak shu nɓut jang fǝn. Dang bǝ mpe tong nsar sǝ fǝn kǝ sar kul fǝn wuni a an mpe shin fe ma, wuni fe a nyen ndǝ Nda nǝ taghat/ɗen bini." ²⁴ Ndǝ gokshi shaarshiit wu sar fe mu kǝlǝng bǝsǝ, bǝ mu mang tughurnung kǝ emnǝghǝn shak vǝl fe mu. ²⁵ Bǝ Jesu yong mu yaghal sat sǝna, Gu man ndǝ nyen pǝtǝghǝm nyen ndǝ mu man Naan ma mu pǝ shin shik kǝ mu, yaghal nyen sǝm mu pǝ nin ɓal nkaa mu. ²⁶ Ni mpe kot asǝ nnaar gu ma, ɗe mpe wunibǝ, duk gwo ndǝ sha ɗe nni ɗe wu yon naar gu bǝ a tiit ɗe nni ɗe kwerem fuk ɗi. ²⁷ yaghal duk gwo ndǝ sha mpe ɗe nni ɗe a wu nshe nnaar gu bǝ tiit ɗe nni ɗe kwerem fuk. ²⁸ ase fe bǝ La Gurum wul a mpe ɗe mu shin shiit ni ma, a wul a mpe ɗe nnan a shin shiit, yaghal shin seen ni mpe kwat kǝ shikbis kǝ gurummu ɓwer." ²⁹ Ndǝ mu pǝ pwat nJeriko, bǝ baga ɗu gurum mu pǝ mwan awukame kǝ ni. Wu vughummu vǝl mu kǝ twaghat pǝ kom yar. Ndǝ mu kǝlǝng Jesu pǝ ɗel yar, mu fwa or, 'Nda La Devid, gǝ naa jeel nkaa mu" ³¹ Ɗu gurumfe mu ɓyal mu, mu sat mu ɗe nmu nok lap bǝlǝp, duk kǝ ndǝ asǝ bǝwu vwagham fe mu ep dǝghǝl ɓal ɓal, "Nda, La Devid, gǝ naa jeel nkaa mu." ³² Bǝ Jesu ɗar ɗaghat yaghal yongpe nmu sǝna, "Ame ndǝ gu sha ye a shin ngun e?" ³³ Mu sat nni sǝna, "Nda, ye kot yitmu kǝ ep" ³⁴ Bǝ Jesu, mpe naajeel ndǝ ni kǝ ni, bǝm yitmu, ɗi nbǝsǝ kǝ me shimkuur ma bǝ mu naa pe yaghal mu mwan awukǝme kǝ ni.