¹ Nteer wu ni fe bhi jep kam/shar shiit fe mu ji nder Jesu khi tal, "A weh khinarmu a wuyon khitingnaan ye? ² Jesu yong meh la-wuleh, den nih dar khinar mu, ³ bhi sat nna, "A sat zen-zen ngun, kat ba gu sam khikha gu khibih jep wu diyen mu ma, bhi gun khi meh yarkam dhel khitingnan ma. ⁴ Nphe ndhi a si, meh gwo ndhi sam khikha nih khibih la wu-le ndhi si bhi nih a baga wuyon khi yil khitingnaan. ⁵ Meh gwo ndhi lap la wu-le khipe ndhisi ndighin sihm nih bhi gwo fe lap a an. ⁶ Dang bhi kat me gurum lhi nmeh khime nnaar jep si mu ndhi mu shinzen n'an deh nmu shin shikbis dih, bhi nwak ye mu bwaghat baga pang ess fin ntohok muk, yaghal mu kon nih shin sam ndhighin am kong wuyon. ⁷ Rap ndhighinyil si nphe bhit gap kwak ba biring! Nphe ndhi ret deh nbhit wuni mu wul dih, dang bhi rap ngwo ndhi nbhit wuni fe mu wul a nsar muk! ⁸ Kat sar ghi ma bhi kwak ghi khi lhi deh ghi shin shikbis dih, bhi ghi gap ghi kon si. Wak gurum kat sen khitingnan khi bot sar ma bhi khi kwak khighil met ndhi khi del nlih wuus mhi tai-tai khi sar vhil khi kwak vhil. ⁹ Kat dang a yit ghi khi lhi nghi gji pal, ghi gohol iih-yit fe ghi kon si. Wak ghi kat sen ndhi tai-tai khi yit mu vhil deh ndhi ghi mu khi kon ghi nbut wuus mhi tai-tai khi yit vhil. ¹⁰ Gu tap yak ngu biyas jep wu diyen si mu ma. Nphe ndhi a sat ngun ndhi khitingnaan bhi jep lep mhi Naan khimu mu phi wet a phi naa yit Nda nih ndhi khitingnaan. ¹¹ Nphe La Gurum gyet wul a nphe bar/bhirip bih ndhi mu lhighim. ¹² Leng fuk a nang eh? kat gurum khi tihm yakgurum pahat/dali, bhi wu khime lagham, bhi khi yit gokshi wu yakgurum fer khi sar po pohofar khipe tap deh mwan bong wukhime ndhi lagham fe ma ah? ¹³ Kat kat, a sat zen-zen ngun, nih khi shin ret nyit khidel wukhime fe met gokshi mwo yakgurum fer khi sar po pohofar fe ndhi mu lhighim ma. ¹⁴ Shin a si zak, a khi dem khi Nda gu ndhi khitingnan deh nme-meh khinaar jep wu diyen si mu lagham dih ma. ¹⁵ Kat emnighin ghi shin bih wubis nghi, ghi mwan deh ghi sat wubis khimuk nnih dih, khinaar ghi khi nih det. Kat khiling nghi, bhi gun nder shak khi emnighin ghi. ¹⁶ Dang bhi kat niyang khiling nghi, ghi bong gurum khime ma bhi vhil nder sak, nphe deh nphi gurum mu vhil ma bhi kun ndhi mu shin langtihng nkha bhilip fe khiding bhi mu khi manyit fe. ¹⁷ Bhi kat niyang khiling nmu, bhi ghi mwan khi bhilip fe nder nniyen Naan mu/Ekkilisiya. Kat shin niyang khiling nniyen Naan mu/Ekkilisiya, bhi ghi mang nih a khipe Gwo ndhi man Naan ma si khi ngu lap shaghal wap si. ¹⁸ A sat zen zen ngun, meh bih ndhi gu bwaghat ndhighinyil si bhi a wu bwaghat khitingnan; yaghal meh bih ndhi gu fwon khi dhighinyil bhi khi fwon khitingnaan. ¹⁹ Shin a sat ngun zak, kat gun vhil ndhighinyil si gu lap ehh khikha meh bih ndhi mu dang, bhi Nda nih ndhi khitingnaan khi shin nmu. ²⁰ Nphe ndhi peh ndhi gurum mu vhil ma bhi mu kun mu ka'at kha ndighin sihm nih, bhi an dih a wu khime khi mu." ²¹ Bhi Pita/Bitrus ji bhi sat nJesu, "Nda, emnighin nih khi shin shikbis n'an a yit dang deshe a kon khi nih nnih dih ye? A yit pokhovil ah?" ²² Jesu sat nnih nna, "A sat ghi a lhi a pokhovil ma, dang bhi a yakgurum kun khi sar yit pokovhil." ²³ Nphe ndhi a si bhi mu khi kam yil ndhi khitingnaan a khibih meh miskaham ndhi nih phi dem kun bihlong fhinih khi kwaram fhin mu. ²⁴ Ndhi yaa kun fe, bhi mu ji khi meh kwaram ndhi nih khi ka-at ndhi wul dihbu sar. ²⁵ Dang bhi nphe ndhi nih khi meh bih nphe kwat fe ma, bhi ngu lih khimuk sat bhilip bal-bal deh nmu seet khi nih, khishak khi mat muk khi jep muk mu yaghal bih ndhi nih khi nih duk-duk, deh nmu kwat ka-at khimuk dih. ²⁶ Kwaram si pal nyil, kurum ntighim muk, yaghal sat nna, "Ngu lih, ghi shin moghor khi an, an pe kwat ka-at fe duk-duk." ²⁷ A si bhi ngu lih khi kwaram si, ndhi naa jeel nbihzung nih, bhi fwon nih yaghal kon kih ka-at fe nnih. ²⁸ Ndhi kwaram fe put bhi kat nmeh wukwa kwaram duk, ndhi dok lap ka-at shaghal dinari yakgurum pahat/dali. Bhi yaa nih, duwar tok muk, bhi sat nna, "Ghi kwat an nka-at fhin ndhi ghi khi nih." ²⁹ Bhi kwaram fe sam kurum yaghal dwak nih, nna, 'Ghi moghor khi an, bhi an nphe kwat ghi.' ³⁰ Dang bhi kwaram ndhi nshe fe niyang. Wak bhi, yaa nih oghot nlih-kwoo deh nnih kwat ka-at fhin njin dih. ³¹ Ndhi kwaram wukwa mu naa bih ndhi taa, bhi tughurnung yaa mu. Bhi mu mwan mu sat ngu lih fut duk-duk bih ndhi taa. ³² Bhi ngu lih khi kwaram si yong nih, bhi sat nnih, 'Ghi a kwaram wubis, a kon khi kaat fhik duk-duk nphe ndhi ghi dang an. ³³ Bhi ye ghi naa jeel wukwa kwaram khipe ghi si ma, khipe ndhi a naa jeel ghi ma ah?' ³⁴ Tughurnung yaa ngu lih khimuk bhi shin nih nsar nniyen shin jeel mu deh nih kwat ka'at fhi nih duk-duk zak dih. ³⁵ A si duk bhi Nda nih ndhi khitiingnan khi shin khi gun a si, kat gun duk-duk gu kon khi nih emnighin gu mu nbhizung gu ma."