¹ Khi dangkong teer peme bhi Jesu mang Pita/Bitrus, Jamis, khi Jon emnighin muk, mu kha khidel zuk pang wu yon a mu det. ² Shi-shik muk viling ntighim mu, yitmuk piya sak-sak khipe puus si, shin leh lep khi muk milap nang ghilhi a peh bang. ³ Mu tong bhi mu naa Musa khi Iliya phi lap bhilip khi nih. ⁴ Pita/Bitrus lap sat nJesu nna, "Nda, ret ndhi mun nbhisi. Kat ghi kat ret, bhi a dak biit mu kun- khime nghi, khimel nphe Musa, yaghal khime nphe Iliya." ⁵ Ndhi kudi phi lap bhilip, bhi dih, bhi meh libhin shi ndhi miliap-miliap oghot mu, bhi, meh dhighil tong phut nbut fe, phi sat nna, "Ndhisi a La nih wu dhiplik, ndhi an phi khiling shang khi nih. Gu khiling nnih." ⁶ Ndhi jep kam/shar shiit mu khiling dhighil fe, bhi mu zhim kha du nphe ndhi mu luwaghat. ⁷ Bhi Jesu ji bhim mu bhi sat nna, "Gu yighil khiting gu nok luwaghat si." ⁸ Bhi mu ap yit du khiting bhi mu naa a Jesu det. ⁹ Ndhi mu yighil khidel zuk pang mu phi waksam, bhi Jesu sat bhilip bal-bal, nna, "Tap bhi gu sat nmeh gurum bih ndhi gu naa kat ba La Gurum yaghal khi tuhun muut khinar niyen ndhi mu dwam ma." ¹⁰ Jep kam/shar shiit khimuk mu tal phimuk, mu na, "A meh lhi deh niyen ran mu sat sina a Iliya khi she wul dih ye?" ¹¹ Jesu lap sat nna, "A Iliya khi she wul nphe wajih khi bih mu duk-duk khishak. ¹² Dang bhi a sat ngun, Iliya fe wul gwe, dang bhi mu naa nih mu man ma. Khi kop wuni, bhi mu shin bih ndhi dun phi dem nnih. A nyar wuni duk, bhi La Gurum khi shu jeel nsar mu." ¹³ Khi dangkong bhilip wuni bhi jep kam/shar shiit khimuk mu man ndhi kan yeh nih phi lap bhilip a khikha Jon ngu Baptisma. ¹⁴ Ndhi mu ji wul khi peh ndhi du/nvir gurum mu dih, bhi meh gurum ji nder muk, kurum ntighim muk, bhi sat nna, ¹⁵ "Nda, ghi naa jeel la nih, nphe ndhi nih phi shu jeel khi shwal ku-kwui. Nphe ndhi tong khi put-taa nbut wus ma bhi am. ¹⁶ A she ji khi ni nder jep kam/shar shiit fhik mu, bhi mu brihb khi nih ma." ¹⁷ Jesu lap sat nmu nna, "Gun ndhi gun khi shinzen ma shin a nkaan gurum wubis mu, an nphe tong nder gu a nphe teer dang eh? An nphe moghor khi gun a nang wai ye? Gu ji khi nih nnder nih." ¹⁸ Jesu gwakjighir nriin wubis fe, bhi riin wubis fe put nbut muk bhi la fe bar/kat kaham. ¹⁹ Bhi jep kam/shar shiit mu lep ji nder Jesu nnabiya yaghal mu tal phi muk, "A meh lhi deh mun mu shen riin wubis shin put ma dih ye?" ²⁰ Jesu sat nmu, "A nphe shinzen fuk ndhi nlani. Nphe ndhi a sat zen-zen ngun, kat gun khi shinzen nla-nih khipe iih-mastard si, gu mak nphe sat nzuk pang si, "Yi ter yi ba nbhisi,' bhi khi ter yaghal meh bih dih ndhi khi mahkaa gu ma. ²¹ Dang bhi nkaan mhikwarkum ndhisi nbhi khi la-poh nphe put kat ba a khi dangphinaan khi tong khi nen mhi Naan ma." ²² Ndhi mu kudi phi tong nGalili, bhi Jesu sat njep kam/nshar shiit fhinih mu nna, "Mu nphe shin La Gurum nsar khi gurum mu, ²³ bhi mu khi tih nih, yaghal khidangkong teer kun bhi khi yaghal khitughum." Jep kam/shar shiit khimuk mu khiling khi tughurnung. ²⁴ Ndhi mu ji me rho/wul nKapanahum (Capernaum), bhi niyen ndhi mu lap gohot shaghal wap mu ji nder Pita/Bitrus bhi mu tal, "Gu kam-kam fuk khi kwat pak gohot shaghal wap fe ma ah?" ²⁵ Sat mu nna, "Eh." Dang bhi ndhi Pita/Bitrus mwan ya ndighin-lih fe, bhi Jesu lap bhilip khi nih dangsi bhi tal shi phimuk, "Leng fhik a meh eh, Siman? Long mhi dhighinyil mu, ndhi mu phi lap shaghal wap ma bhi shaghal put a nder weh eh? A nder nniyen yil khi mu ah kot a nder mhizep mu ye?" ²⁶ Ndhi Pita/Bitrus sat nna, "A nder mhizep mu," bhi Jesu sat nnih, "Kat a si bi mu bwak khi niyen kwat shaghal wap fe mu. ²⁷ Dang bhi yak mu nok lhi nniyen lap shaghal wap mu shin shikbis si, bhi ghi mwan ghi yah nkong am wuyon, ghi kon jwan, bhi ghi dhil, yaghal ghi mang sherep ndhi put nshe. Kat ghi ep phimuk, bhi ghi kat shekel (shaghal). Ghi mang ghi mwan khi nih nniyen lap shaghal wap mu npeh-nih khi ghi. "