¹ Farisiyawa khi Sadukiyawa mu ji nphe kam nih naa mu na gwar nin meh bih ndhi khiting ndun. ² Bhi lap sat mu nna, "Kat kansighin taa, gu lhi, 'Peh saar kwet-kwet nbhi khi ret, nphe ndhi khiting a naat.' ³ Kat bhit bang, gu lhi, 'Peh shinih nphe bis, nphe ndhi khiting a naat shin lang lhighim.' Gu man peh sat bih ndhi gu naa khiting, dang bhi gu mak nphe sat meh bih khi kha bih ndhi man put npuus ma. ⁴ Nkaan gurum niyen shikbis khi shiit tihleet mu phi dem naa meh bih app-poo, dang bhi meh gwo nphe nin meh bih app-poo nmu met mhi Jona ma." Bhi Jesu yit mu dih del bihnih. ⁵ Ndhi shar shiit khimuk mu tihk-kha nkwang ndhi pwon si, bhi mu mhin dersut khi bredi/ghil-ass. ⁶ Jesu sat nmu, "Gu tap khi yiis mhi Farisiyawa mu khi Sudukiyawa mu." ⁷ Shar shiit/ jep kam khimuk mu shin leng khinar-sut bhi mu sat nna, "A nphe ndhi mu pan meh bredi/ghil ass ma." ⁸ Jesu man bhisi bhi yaghal sat nna, "Gun niyen ndhi shinzen fuk kat, a meh lhi deh gun phi shin leng kihnar suk bhi gu lhi a nphe ndhi gu pan meh bredi/ghil ass ma dih eh? ⁹ Laham gun ah kot gu mhin dersuk khi ghil ass/bredi pahat nphe gurum mu dihbu pahat woo, khi khishak a dang ndhi gu kok eh? ¹⁰ Ma bhi ghil ass/bredi pokovhil nphe gurum dihbu feer, yaghal gokshii khishak a dang ndhi gu kok eh? ¹¹ A meh lhi deh gu man ndhi an phi lap bhilip a khi gun khika bredi/ghil ass ma eh? Gu tap suk khi yiis mhi Farisiyawa khi Sadukiyawa mu." ¹² Bhi mu man ndhi nih phi lap bhilip a khikha yiisti nbut bredi ma, dang bhi a nphe deh mu tap a khi kam-kam khi Farisiyawa khi Sadukiyawa mu dih. ¹³ Khidetsi ndhi Jesu ji wul kus khi yil Kasiriya Filipi, bhi phi jep kam/shar shiit fhinih mu, nna, "Gurum mu phi si na La Gurum a weh?" ¹⁴ Mu nna, "Pak mu mu nna a Jon ngu Baptisma; pak, a Iliya; yaghal wukwa mu, a Irmiya, ma bhi a meh-meh nbut niyen jagham/niyen naa-peh shi kha mu." ¹⁵ Nih yaghal sat nmu, "Dang bhi gun muk gu yong an a weh yeh?" ¹⁶ Siman Pita/Bitrus lap sat nnih, "Ghi a Jesu Kristi, La khi Naan ndhi khi seen." ¹⁷ Jesu lap sat nnih nna, "Nanlhiwuret nghi, Siman Bar Jona, nphe ndhi nan khi tighim khi mak nphe nin bih ndhisi nghi ma, dang bhi a Nda nih ndhi khitingnaan. ¹⁸ Shin a sat nghi a lhi sihm ghi a Pita/Bitrus, a khikha zukpang si ndhi an nphe dhik lihnaan fhinih. Phi lih wuus mhi tai-tai khi makha muk ma. ¹⁹ A nphe shin pass/bih ep philih yil khitingnan nghi. Duk-duk bih ndhi ghi bwaghat ndhighinyil si bhi a wu bwaghat khitingnan, yaghal meh bih ndhi kat ghi fuwon ndhighinyil si zak bhi a wu fu-fuwon khitingnan." ²⁰ Bhi Jesu sat bhilip njep kam/shar shiit fe mu bal-bal deh nmu nok sat nmeh gwo a jin a Jesu fe ma dih. ²¹ Yah dih par bhit fe bhi Jesu doghom sat njep kam/shar shiit fhinih mu nna a tiit deh jin ji delya ji Urishalima dih, ji shuu-jel khi bih mu bwer nsar khi daskaham mu, niyen shiitnaan wu nan mu khi niyen ran mu, mu khi tih jin, bhi khi yaghal khi seen khidangkong teer kun. ²² Pita/Bitrus mang nih wayah khi nih shi eskohop peh kwang bhi gwakshik nnih, nna, "Mangye mhisi sham shin ma, Nda; mangye bhisi khi taa khi ghi ma." ²³ Dang bhi Jesu shighir naa-peh bhi sat Pita/Bitrus, "Ghi ba ndangkong nih, Sharfom/Shetan! Ghi a pang gap kwak fhinih, nphe ndhi ghi man phishi bih mhi Naan ma, a mhi gurum mu det." ²⁴ Bhi Jesu sat njep kam/shar shiit fhinih mu nna, "Kat meh gwo nphe mwan nder nih, bhi a tiit deh nnih niyang kha-shinih, mang shep muut, bhi nwan nder nih. ²⁵ Nphe ndhi meh gwo ndhi nih phi dem bhirip/bar khi kha-shinih bhi kih kat seen ma, yaghal gwo ndhi shin kha-shinih nphe nih bhi khi kat seen. ²⁶ Nphe ndhi phishii fe a meh ndhi gurum kat bihlong khiyil si dukduk bhi kat seen ma ye? Gurum khi shin a meh khikop seen nih ye? ²⁷ Nphe ndhi La Gurum nphe sam khi ram/yon mhi Nda nih a wukhime khi jep lep khi Naan mu. Bhi khi shin phishii shiit nkhit khi bih ndhi duk meh gurum shin. ²⁸ A sat a zen zen ngun, khi naar gu ndhi gu dyam si, pak mu nphe duwam ma, mu nphe naa La Gurum khi sam nbut yon fhinih."