¹ Bhi pak Farisiyawa mu khi niyen man ran mu yighil nUrishalima mu ji nder Jesu. Mu na, ² "A meh lhi deh shar shiit fhik mu phi del khidel bih phut kat wu-gyet mhi nagya mu ye? Nphe ndhi mu phi vwang sar deshe mu sih-sih dih ma." ³ Lap mu yaghal sat nna, "Bhi a meh lhi deh gun phi del khidel waar mhi Naan nphe mai/bhi phut kat fuk eh?" ⁴ Nphe ndhi Nda Naan nna, 'Ghi shin yon nda ghi yaghal nhighin ghi,' yaghal 'Gwo ndhi sat bhilip wubis nda nih ma bhi nhighin nih, bhi khi muut a tiit.' ⁵ Dang bhi gu si na, 'Meh gwo ndhi sat ndah nih, kot a nhighin nih nna "Meh baam ndhi ghi nphe kat fe nder nih bhi khidetsi a baam ndhi nphe shin Nda Naan,'" ⁶ bhi gwo fe ret ndhi khi shin yon nda nih ma. Nbut ran wuni fe bhi gu tihkok khi bhilip khi Nda Naan nphe bhilip fiar fuk. ⁷ Gun niyen tahnaan mu! Oh gyet Ishaya ngu jagham sat a ngun ndhi nna, ⁸ 'Niyen si mu shin yon n'an a khi phi-du det, dang bhi bhizung mu deh a sing-sing khi an. ⁹ Mu phi tihwap n'an a baan det, nphe ndhi tong mu kam peh-dar fut a nwaar gurum mu.'" ¹⁰ Bhi yong nvir/du gurum fe mu shin ji nder shin yaghal sat nmu nna, "Gu khiling shin gu man- ¹¹ Meh bih ndhi rhi npoo khi tihkok khi gurum ma. Dang bhi, bih ndhi phut npoo, a nih khi tihkok khi gurum." ¹² Bhi shar shiit/jep kam mu ji yaghal mu sat Jesu mu na, "Deh ghi man ndhi bih fe tihkok khi bhizung Farisiyawa mu ndhi mu khiling bhilip si ah?" ¹³ Jesu lap nmu yaghal sat nna, "Meh tihng ndhi Nda nih ndhi khitingnaan kop ma bhi mu khi taghat mu. ¹⁴ Yit mu dih daghat, mu a wu-vughum mhi kam yar mu. Kat gurum ndhi vughum nin yar wu-vughum nkwa, bhi duk-duk khimu vhil, mu khi phidhik/philip ntughul." ¹⁵ Pita/Bitrus lap yaghal sat nJesu, "Ghi sat phishi nbih-mamaam fe nmun." ¹⁶ Jesu nna, "Kan gun duk gu kudi nnot man fe duk mhi? ¹⁷ Gu khi man ndhi meh bih ndhi taa npoo bhi sam waya nbut yaghal tong phut a ees nmar ma ah? ¹⁸ Dang bhi bih ndhi tong phut npoo bhi phut a nbhizung. A mu a bih ndhi mu khi tihkok khi gurum. ¹⁹ Nphe ndhi a bih ndhi tong phut nbhizung ndhi khi leng wubis, khi tihkha, tihleet, ghaa, wat, duwang dhung, khi tihkok khi sihm. ²⁰ Ndhi si a bih ndhi mu khi tihkok khi gurum. Dang bhi sih-sih nnot nvwang sar bhi khi tihkok khi gurum ma." ²¹ Bhi Jesu del kam si nphe lagham nkwang yil Taya khi Sidon. ²² Dih bhi, meh mat Canaan tong phut nkwang peh fe. Fwa orr yaghal nna, "Ghi naa jeel nhi, Nda Naan, La Davit/Dauda! Mhikwarkum phi treng larep nih bis-bis." ²³ Dang bhi Jesu lap meh bhilip nnih ma. Shar shiit/jep kam khimuk mu ji yaghal mu dang nih, mu na, "Ghi shen nih shin del, nphe ndhi nih phi fwa orr khidangkong mu." ²⁴ Dang bhi Jesu lap yaghal nna, "Mu lep an a nphe meh gwo ma kat a nphe tihm ndhi mu lighim lih Israila ma." ²⁵ Dang bhi mat fe ji ghim ntighim muk, nna, "Nda Naan, ghi baam an." ²⁶ Lap yaghal nna, "A bih wuret deh mu mang bredi jep mu yaghal mu kon jep aas mu ma." ²⁷ Mat fe nna, "A si wai, Nda, dang bhi jep aas fe mu khi sih thiduk ndhi pwatdong khidel pehtong sih mhi ngu lih fut mu." ²⁸ Bhi Jesu lap yaghal sat nnih nna,"Mat si, shinzen fi si yon; yit mu shin bih ndhi yih phi dem fe nyih." Bhi det wai bhi shuwal larep khi muk lat. ²⁹ Jesu yit peh fe yaghal del kam kus khi baga Kong Galili. Bhi del khaa npang/peh khaa yahal tong dih. ³⁰ Nvir du gurum mu ji nder muk. Mu pan nder sut kihil mu, wu vughum mu, phibam mu, khi kunkuut mu, khi niyen wukwa mu bwer ndhi mu a wu gok. Mu nin mu ntighim Jesu, yaghal lat khi shuwal fe nmu. ³¹ A si bhi du/khi vir gurum fe mu aap-poo ndhi mu naa phibam mu phi lap bhilip, kunkuut mu kat kahaam, khibhil mu mwan shi mwan a wuret, yaghal wu vuhuum mu naa-peh. Mu saam Nda Naan khi Israila. ³² Jesu yong jep kam fhin mu shin ji ndershin yahal sat mu nna, "An phe naa jeel khi du/nvir gurum si mu, nphe ndhi mu tong nder nih nphe teer kun gwe bhi mu sih meh bih ma. An phi dem shenmu shin wak nnot nsih meh bih ma, yak ba mu khi duwam khikhui khi yarkam." ³³ Jep kam/shar shiit khimuk mu sat nnih mu na, "Deh mun nphe kat bredi mu bwer a neh khi dangko-peh si ndhi nih nkiye du/nvir gurum si mu dih eh?" ³⁴ Jesu sat nmu nna, "Gun a khi ghil bredi mu dhang eh?" Mu na, "Pohovhil, yaghal sherep nlani." ³⁵ Bhi Jesu lhi ndu/ nvir gurum fe mu tong nyil. ³⁶ Iir ghil bredi wu pohovhil fe mu yaghal sherep fe, bhi khidangkong ndhi shin plang, bhi tihrap ghil bredi fe yaghal shin shar shiit/jep kam fhin mu. Jep kam/shar shiit fe mu shin ndu/nkhivir gurum fe mu. ³⁷ Gurum fe mu duk-duk mu sih bah kyee mu. Bhi mu shak tihduk fe ndhi deh ghiring kishak mu pohovhil. ³⁸ Niyen ndhi mu sih-sih fe a gurum yakgurum sar yit sar yit vhil ndhi a daas mu, dheshe shorop mu khi jep mu dih. ³⁹ Bhi Jesu shen nvir/du gurum fe mu shin wak yaghal rhi nshii waya nkwang Magadan.