¹ A nteer wuni fe, bhi Hiridus khiling zel wu she khikha Jesu. ² Sat kwaram fhin mu nna, "Ndhi si a Jon/Yohanna ngu Baptisma; a nih wawul khi naar niyen ndhi mu duwam. Nphe ndhi a si bhi bal khi muk kudi phi shiit nbut muk." ³ Nphe ndhi gyet Hiridus yah Jon/Yohanna bwaghat, den nih nlihkwoo nphe Herodia, mat emnighin muk Fillip. ⁴ Nphe ndhi Yohanna sat nnih nna, "Waar dem deh nghi lap nih nmat ma." ⁵ Hiridus yeh khi tih nih, dang bhi lughut gurum fe mu, nphe ndhi mu mang nih a ngu jagham. ⁶ Dang bhi bhit leng lala khi Hiridus wul, bhi larep Herodia ji tamtam khinar mu yaghal retyit Hiridus. ⁷ Nphe wuni, bhi tuwarshin nlarep fe nphe shin duk meh bih ndhi kat tal. ⁸ Khi dangkong ndhi nhighin muk kar nih, bhi larep fe sat nna, "Gu shin kha Jon/Yohanna ngu Baptisma khikha khilang." ⁹ Bhizung long fe tihkok khi bih ndhi larep fe dang, dang bhi nphe ndhi yeh tuwarshin gwe yaghal nphe ndhi gurum ndhi mu khi peh sih-peh fe mu dih dukduk nder muk, det bhi lhi deh nmu shin bih ndhi larep fe sat dih. ¹⁰ Lang lep deh nmu tih Jon/Yohanna dih nlihkwoo. ¹¹ Bhi yaghal mu wakji khi kha muk khidel khilang deh mu shin nlarep fe bhi yaghal mang mwan shin nhighin dih. ¹² Bhi jep kam/shar shiit khimuk mu ji, mu mang kum fe, yaghal mu wum. Khi dangkong wuni, bhi mu mwan mu sat Jesu. ¹³ Ndhi Jesu khiling a bhisi, bhi yit peh fe dih nbut shii-am waya khi peh ndhi gurum mu dih ma. Ndhi du gurum fe mu khiling, bhi mu tong shipe-shipe mu mwan nder muk nkwak. ¹⁴ Yaghal Jesu put dar ntighim mu bhi naa khi vir gurum fe mu. Naa jeel khi mu yaghal lat khi gok nniyen gok khi mu. ¹⁵ Ndhi kansighin taa, jep kam/shar shiit khimuk mu mwan kat nih mu na, "Peh si a peh ndhi gurum mu wen dih, bhi shin kansighin taa gwe. Ghi shen du gurum si mu, nphe deh nmu wak rho njep yil deh nmu seet sih dih shi khasut." ¹⁶ Dang bhi Jesu sat nmu nna, "Mu khi wal wak ma. Gun gu meh bih nmu sih." ¹⁷ Bhi mu sat nnih mu na, "Mun a khi bredi mu pahat det yaghal sherep mu vhil npeh si." ¹⁸ Bhi Jesu sat nmu nna, "Gu shin n'an." ¹⁹ Bhi Jesu lhi deh ndu gurum fe mu yak pehtong nyil khidel dem dih. Irr bredi wu pahat fe yaghal sherep mu vhil fe. Naa-peh khitingnaan, bhi lhi wuret khidel fe yaghal trep bredi fe bhi shin nder jep kam/nshar shiit fhin mu, yaghal mu mwan koo ndu gurum fe mu. ²⁰ Mu duk-duk mu sih bah mu ighil. Bhi yaghal mu kok gokotshi thiduk mhi sih fe - ghiring khishak sar po vhil. ²¹ Niyen ndhi mu sih-sih fe mu wakrhi yakgurum-yakgurum pahat khi pahat, deshe shorop mu khi jep mu dih. ²² Bhir-bhir bhi lhi nshar shiit/njep kam fin mu rho nbut shii yaghal mu del deshe nih dih mu ya nkwang peh wukwa, yaghal wuni min shen du gurum fe mu shin wak. ²³ Khidangkong ndhi shen du gurum fe mu, bhi yaghal kha bin npang nmehshin nphe dang Naan dih. Ndhi kansighin taa, bhi nih deh mbhishin. ²⁴ Dang bhi shii fe sihng peh khi phikong, nphe ndhi vivit khi kokohom iir mu del khi nih. ²⁵ Waji wul kansihikin lhipar bhi Jesu ji kus khi mu, phi mwan khikha am nhighin nkong fe. ²⁶ Ndhi shar shiit/jep kam khimuk mu naa nih phi mwan nkha am nkong fe, bhi mu luwaghat mu na, "Ndhi si a mhimhiling," yaghal nbut lughut bhi mu err khi dhighil bal-bal. ²⁷ Dang bhi Jesu lap bhilip lala yaghal sat nna, "Gu fwaan! A an! Gu nok luwaghat si." ²⁸ Pita/Bitrus lap phimuk nna, "Nda Naan, kat a ghi, bhi ghi lhi n'an ji nder ghi khidel am fe." ²⁹ Jesu sat nnih nna, "Ghi ji." A si bhi Pita/Bitrus phut nbut shii-am fe yaghal mwan khidel am kam nder Jesu. ³⁰ Dang bhi ndhi Pita/Bitrus naa kohom, bhi lughut. Ndhi doghom rhi n'am, bhi wal khi bal nna, "Nda Naan, ghi baam an!" ³¹ Jesu la-la bhi shin sar nnih, yah Pita/Bitrus, yaghal sat nnih nna, "Ghi gwo ndhi khi shinzen nlah-nih, a meh lhi deh ghi tanko dih ye?" ³² Bhi ndhi Jesu mu khi Pita mu wakya shii-am fe, bhi kohom fe dar. ³³ Bhi shar shiit/jep kam ndhi mu ndhighin shii-am fe mu dhikyil nJesu yaghal munna, "A zen-zen ghi a La Naan." ³⁴ Ndhi mu dhik tik/kha, bhi mu yaa khi yil Gennesaret. ³⁵ Ndhi gurum khipeh fe mu man Jesu, mu lhing-lep shipeh-shipeh jep lwak peh mu, yaghal mu wul khi niyen gok mu nnih. ³⁶ Mu dang phi muk deh nnih yit dun bhim phikom leh khimuk det, yaghal mu bwer ndhi mu bhim bhi shuwal khi mu lat.