¹ Par bhit ndhi si bhi Jesu put ndighin lih bhi yaa pehtong kus khi peh baga kong. ² Du gurum mu bwer mu ji neer nih den khinar, bhi wu ni min yaghal rhi bin ndighin shii am bhi tong dih nbut fe, yaghal du gurum fe mu khiding mu dhirem phe kong-ess mhi kong fe. ³ A si fe bhi Jesu sat bih mu bwer a diramtis/sihmbhilip. Sat nna "Dih bhi, meh ngumar mwan nphe kop shirem sih nmar. ⁴ Ndhi kop-kop fe bhi pak shirem fe mu pwatdong phikom yarkam, a si bhi yer mu sam dhighin mu. ⁵ Pak wu kwa shirem fe mu pwatdong khidel pang-shim, khipe ndhi yil dih bwer ma. Lala bhi mu doghom be'eh, nphe ndhi yil fe jong peh ma. ⁶ Dang bhi ndhi puus kha det, bhi puus fe lhi nmu fiya nphe ndhi seen fe mu sam sing peh ma, bhi mu duwam. ⁷ Pak shirem wu kwa mu pwatdong khinar tihng irr mu. Irr fe mu tirang mu. ⁸ Pak sherem fe mu pwatdong khidel yil wuret deh mu lala a wuret, pak yakgurum- yakgurum pahat, yakgurum kun, yaghal pak yakgurum khime khi saar. ⁹ Gwo ndhi nih khi kom, bhi yit nnih khiling." ¹⁰ Niyen mwan nder muk mu ji mu tal nder Jesu mu na, "A meh lhi deh ghi phi tat a diramtis/nbihmamaam ndu gurum si sih eh?" ¹¹ Jesu lap nmu nna,"Gun muk ndhi mu shin yarkam mhi man ndhi mbwos mhi peh khitingnaan gun, bhi dang mu mut mu kat ma. ¹² Nphe ndhi gwo ndhi nih khi bih gwe, bhi mu khi shin wu kwa nnih. Dang bhi gwo ndhi khi nih ma, bhi bih ndhi nih khi nih bhi mu khi bham/dwan nsar muk. ¹³ A si fe deh an phi sat bhilip nmu a nbut tat diramtis/mambihmamaam mu dih: a dhak ko mu phi nna peh, bhi mu phi nna fe ma; yaghal a dhak ko mu phi khiling fe, bhi mu phi khiling fe ma, ma bhi mu phi manyit fe ma. ¹⁴ A nphe mu bhi bhilip jagham khi Ishaya gam/warih, ndhi sat nna, 'Nbut khiling fe bhi ghi khiling, dang bhi ghi khi yar nphe man fe ma; kat nphe naa fe bhi ghi naa, dang bhi ghi khi yar nphe dhii taghas fe ma. ¹⁵ Nphe ndhi bhizung niyen si mu dugwarr gwe, yaghal mu lapo nphe khiling, yaghal mu vwagham yit du, yak ba mu khi naa peh khi yit, ma bhi yak du khiling peh khi kom du, ma bhi yak mu man khi bhizung du, deh nmu viling dih nkwa, yaghal bhi a lat khi gok khi mu.' ¹⁶ Dang bhi wuretkhinaan nih nyit gu, nphe ndhi mu phi naa peh; yaghal kom gu, nphe ndhi mu phi khiling peh. ¹⁷ A sat zen ngun ndhi niyen jagham mu bwer khi niyen shiit wuret mu sha yeh du naa bih ndhi gu naa, bhi mu naa ma. Mu sha yeh du khiling bih ndhi gun gu khiling, bhi mu khiling ma. ¹⁸ Gu lhing kom gu deh gu khiling diramtis/nbihmamaam khi ngu mar ndhi mwan kop sherem sih fhin si. ¹⁹ Kat meh gwo khiling bhilip Naan deh man yit fe ma, bhi sharfom khi ji shang bih ndhi mu kop nbhizung muk del khi nih. Ndhisi a sherem ndhi phitah phikom yarkam. ²⁰ Sherem ndhi mu kop khidel pang-shim a gurum ndhi khiling bhilip Naan bhi lap lala khi retyit, ²¹ dang bhi nih khi kuk/bhizing ndhi khi yah bhilip fe waiwai ma. Kat meh jel ma bhi wula mu taa nphe sihm bhilip Naan fe, bhi lala bhi khi phitah khi yar. ²² Sherem ndhi mu kop khipe tihng irr, a gurum ndhi khiling bhilip Naan, dang bhi dem bih dhighinyil khi bihlong ndhi gwam nih mang bhilip Naan fe shinba, ndhi lhi nnih kat put phishi ma. ²³ Sherem ndhi mu kop nmar wuret, bhi ndhisi a gwo ndhi khiling bhilip Naan yaghal man kha fe. Nih yaghal lala, kha yakgurum yit pahat bwer met nsherem ndhi mu kop, pak mu yakgurum yit kun, yaghal pak mu wul yagurum khime khi sar." ²⁴ Nda Jesu shin tat diramtis/mbihmamaam wu kwa nmu. Sat nna, "Pehtong khitingnaan a khipe meh gurum ndhi kop sherem sih wuret nmar fhin. ²⁵ Dang bhi gurum mu mwan saam, bhi sharfom khimuk ji kha bur/dem nbut kapa fe yaghal wah bin. ²⁶ Ndhi kom sih fe mu bhee yaghal mu ghiring pwat kha, bhi bur/dem fe mu nhin kha duk. ²⁷ Kwerem khi ngumbi mar fe yaghal mu ji mu sat nnih mu na 'Nda, nang gulhi dok ghi kop a sherem sih wuret nmar fhik ma ah? A nang deh ba a bur nih dih eh?' ²⁸ Sat nmu nna 'A meh sharfom shin ndhisi.' Kwerem fe yaghal mu tal phimuk, 'Ghi phi dem deh nmun mu mwan mu taghat mu shin pwat ah?' ²⁹ Ngu mar fe yaghal nna, 'Hai. Nphe ndhi kat gu mwan gun phi taghat bur fe bhi nnot bhi gu taghat kapa duk a wu khime khi mu. ³⁰ Yit mu khaa a wu khime wul par nung nphe diip. Kat wa wul ntar diip bhi a sat niyen diip fe mu, "Gu she taghat bur fe bhi yaghal gu bwaghat mu nphe shaan, dang bhi gu kur kapa ndhi gu leeh bhi lhi nnan meeh."" ³¹ Bhi Jesu tat diramtis wukwa nmu. Sat nna "Yil khitingnaan a khipe iih-lem ndhi gurum mang fwa nmar fhin si. ³² Iih lem musta khinar iih sherem sih wu kwa mu a nih a wu leh fe. Dang bhi deh kat khaa gwe, bhi mu nan met tihng wu kwa mu nmar fe. Bhi khi bor tihng, ndhi yer mu lihng dyak lih fut dih." ³³ Bhi Jesu shin tat diramtis wukwa nmu. "Yil khitingnaan a khipe yisti/len ndhi meh mat mang deh riyep khi aas kuyenge kun ndhi fwak." ³⁴ Duk-duk bhilip si mu bhi Jesu sat a ndiramtis ndu gurum fe mu; dem sat meh bih nmu nnot ntat diramtis ma. ³⁵ Ndhi si a nphe gam bhilip ndhi gyet ngu jagham khi Naan sat warih a zen-zen, ndhi mu sat nna, "An nphe ep phi nih a khi diramtis. A nphe sat bih mu ndhi gyet a si-sok ndhi yaghal sheshe khi dhighinyil." ³⁶ Bhi Jesu yit du gurum fe mu bhi waya nlih. Jep kam/shar shiit khimuk mu ji nder muk bhi mu nna, "Ghi sat phishi diramtis mhi bur/dem nmar fe nmun." ³⁷ Jesu lap nmu nna, "Gwo ndhi kop sherem sih wuret fe mu a La Gurum. ³⁸ Mar fe a dhighinyil; yaghal sherem sih wuret fe, a jep yil khi Naan mu. Bur/dem fe mu a jep sharfom mu, ³⁹ yaghal sharfom ndhi kop/ fuu bur fe a gurum wubis. Di-ip fe a yaghal lat khi yil, yaghal niyen diip fe mu a jep lep khi Naan mu. ⁴⁰ Nphe ndhi a si, khiphe ndhi mu shak bur fe mu shaan nwus si, bhi par khikot a si nlat/nyaghal khi yil duk. ⁴¹ La Gurum nih nphe lep khi jep lep fhin mu, a mu khi taghat bih mu khiding ndhi mu phi lhi shikbis nyil khimuk, khi niyen ndhi mu shin shikbis. ⁴² Mu khi shar mu shinkam nwus wu wubaan, npeh ndhi mu khi wal yaghal erep aghas. ⁴³ Bhi niyen shin wuret mu khi deh a bang-bang khipeh puus si khi yil mhi Nda du Naan si. Gwo ndhi khi kom, bhi yit nnih khiling. ⁴⁴ Yil khitingnaan a khipe bih wuret ndhi mu sok nnar mar si. Meh gurum kat bhi yaghal mang sok. Nbut retyit khimuk bhi err bhi fin mu, serep khi mu duk-duk, yaghal seet mar fe. ⁴⁵ Shinn a si, yil khi khitingnaan a khipe gurum ndhi a gu serep khi bih mu ndhi nih phi tang pang mhiwong mu wuret. ⁴⁶ Ndhi kat pang wuret khime ndhi khi shaghal bwer, bhi mwan serep khi bih fin mu duk-duk deh seet pang fe dih. ⁴⁷ A si wukwa, yil khitingnaan a khiphe teng sherep ndhi mu kon nkong am nhighin si, ndhi yak bih mu dhik-dhik si. ⁴⁸ Ndhi gam, bhi niyen yak sherep fe mu dhil shinkha phi ess-kong fe. Bhi mu tong yaghal mu bun wuret fe mu lhi nbwut meh bih, yaghal wu bis fe bhi mu shar shinkam si. ⁴⁹ Nih nphe kot a si nyaghal/nlat khi yil. Jep lep khi Naan mu nphe wul bun niyen butdehet shinba nnar niyen shin wuret mu. ⁵⁰ Mu nphe shar mu shinkam nwus ndhi ban-ban, khipeh ndhi mu khi err yaghal mu errep aghas. ⁵¹ Gu man bih si mu duk-duk ah?" Shar shiit/jep kam khimuk mu sat nnih mu na, "Eh." ⁵² Bhi Jesu sat nmu, "Nphe ndhi a si meh ngu ran ndhi biring a shar shiit khi Naan khi yil khitingnaan bhi deh khipe meh ngulih, ndhi taghat bih wu sighir khi wu pwo mu nbut bih wuret fhin mu." ⁵³ Bhi wa ji wul ndhi Jesu lat tat diramtis si mu, bhi yit peh fe dih. ⁵⁴ Bhi Jesu waya nkwang yil fin yaghal kam kam gurum mu nlihnaan khimu. Khaa fe a ndhi bih fe fii-poo nniyen nmu ndhi lhi nmu sat mu na, "Kan gwo si kat nbihman khi bih fii-poo si mu a ne yeh? ⁵⁵ Gwo si a la kapinta si ma ah? A nighin muk mu ndhi mu khi yong a Mary ma ah? A emnighin muk mu a Jamis, Josef, Siman, yaghal Judas ma ah? ⁵⁶ A emnighin muk mu wu shorrop mu nder mu ma ah? Deh kat bih ndhi si mu wa a neh eh?" ⁵⁷ Bhizung mu tihkok khi nih. Dang bhi Jesu sat nmu nna, "Ngu jagham nih khi ram/yon khi yil yahal khi pang lih nih ma." ⁵⁸ Shin bih fii-poo mu bwer dih ma nphe niyang shinzen khi mu.