¹ Ndhi Jesu lat sat bhilip njep kam/shar shiit fhinih ndhi mu sar ka/po vhil si, bhi yiit peh wuni feh bhi ya kam njep yil wukwa mu. ² Ndhi Jon/Yohanna nih khiling nlih-kwoo deh khiling shiit ndhi Kristi nih pih shin fe, bhi lep jep kam fhinih mu ³ nphe sat nnih nna "A ghi a gwo ndhi nphe wul fe ah, kot mu tap phi meh wukwa eh?" ⁴ Jesu priring yahal sat nmu nna, "Wak gu ba khi poo nJon/nYohanna bih ndhi gu naa khi yit yahal gu khiling kih kom gu. ⁵ Niyen wu vwagham yit mu app deh mu phi naa-peh, kighil mu mwan-mwan zat zat, sar tihlohom pwat shuleng, komdwaghar shin mu phi khiling peh, niyen ndhi mu dwam mu wak wul khi seen, yaghal niyen piya mu kat baam. ⁶ Wuret kat meh gurum ndhi a tihkok khi bhizung muk ma. ⁷ Ndhi daas si mu khi yar wak, bhi Jesu yaa sat bhilip ndu gurum fe mu khidel Jon/Yohanna, "Gun mwan naa a meh khipe yil puus-shan si eh-a kom-dem ndhi piip phi dung fe ah? ⁸ Dang kan dok gun phi pwat mwan naa a meh det yeh- a meh miss ndhi jwal leh wuret ah? Kat a si, bhi niyen ndhi mu khi jwal leh wuret bhi mu khi kat mu a lih long. ⁹ Dang bhi dok gu pwat nphe naa a meh eh-a ngu jagham ah? A si, a sat ngun, del met ngu jagham. ¹⁰ Gwo si a gurum ndhi mu ran ran khi del muk ndhi sat nna, 'Gu naa, An nphe lep khi ngu lep fhin khi yit gu, ndhi khi tah ntighim nphe dak yarkam dehshe gun dih! ¹¹ A sat zen ngun, khinar gurum mu ndhi shorop mu bak bhi meh gurum khi yon met nJon/Yohanna ngu Baptisma ma. Dang bhi khi wuni fe bhi gwo ndhi nih khi yon bwer ma khitingnaan bhi nih khi yon met nnih. ¹² Yaghal nteer mhi Jon/Yohanna ngu baptisma ji wul khidetsi, bhi tingnaan phi tar sat, bhi niyen tar shik mu phi mang fe a shi bal. ¹³ Nphe ndhi niyen jagham mu khiding khi waar mu phi wet koss bih mu dehshe Jon/Yohanna dih; ¹⁴ yaghal kat gun phi dem lap nih, bhi a nih a Iliya ndhi gyet nih nphe wul. ¹⁵ Gwo ndhi nih khi kom nphe khiling-peh, bhi tep kom nih deh nnih khiling dih. ¹⁶ An nphe kam nkaan gurum ndhi mu dih khidetsi a khi meh? Nih a khipe jep mu ndhi mu phi shap nlihtuk si, ndhi mu khi tong bhi yaghal mu yong nshak si ¹⁷ bhi mu sat nna,'Mu taa beel ngun, bhi gu niyan tamtam. Mu err, bhi gu err pak ma.' ¹⁸ Yohanna wul a nphe sih buredi khi shuu am tihng ma, bhi mu sat mu na 'Nih khi riin wubis/mhikwarkum.' ¹⁹ La Gurum wul phi sih kih shuu bhi mu sat mu na 'Gu naa, nih a tongkuum khi ngu mwos, shin nih a shar niyen shak shaghal wap mu khi niyen shikbis mu!' Dang bhi enn deh shiit-shin/nbuut" ²⁰ Det bhi Jesu yah gwak jighir njep yil ndhi shin bih fii-pwo mu dih, nphe ndhi mu tih wap ma. ²¹ "Yi tap, Korassinu! Yi tap, Bethsaida! Kat yeh shiit bih fii-pwo wu nan nan si ndhi mu shin ngun gyet mu taa a nTaya khi Sidon, bhi mangkat mu khi tihwap khi pehgyet dih, shin mu jwal leh muut/tihwap yaghal mu tighir fwaat nsut. ²² Dang bhi khi deh a bih naa jeel nphe Taya khi Sidon met ngun paar puus diyel. ²³ Yih, Kapanahum, yih phi naa a khipe ndhi mu nphe epp yih shin kaa khitingnaan ah? Dung, mu khi shin yih shin-sam nPeh-niyen shikbis mu. Nphe ndhi kat ye gyet mu shin big wu nan nan si mu a Sidom khipe ndhi mu shin khi yil fhi si, bhi yeh kot kudih khidetsi. ²⁴ Dang bhi an phi sat ngun ndhi tok diyel mhi Sodom nih nphe ret met npar yahal kih yil. ²⁵ Nbhit wuni feh bhi Jesu sat nna, "A saam ghi, Nda , Ngu yon mhi tingNaan khi dighinyil si, nphe ndhi ghi sok bih si mu yak nyit niyen ndhi mu naa du seen yaghal mu khi maan, yaghal ghi epp yit nniyen ndhi mu man meh bih ma, khipe jep wu diyen mu si. ²⁶ Eeh, Nda, nphe ndhi ret-naa nyit ghi. ²⁷ Nda den jep bih mu khiding a khisar nih; nphe ndhi meh gwo man La fe kat a Nda fe ma yaghal meh gwo man Nda fe ma kat a La fe det ma, yaghal gwo ndhi La fe dem deh nnih epp pihshi bih mu nnih dih. ²⁸ Guji nder nih, gun ndhi gun phi tuwo suk khi shiit, bihi a shin no'ok ngun. ²⁹ Gu lap leh tighin nmaan yaghal gu kam nder nih, nphe ndhi an a ngu sam khikha shin a ngu naa jeel, bhi gu kat no'ok nbut seen gu. ³⁰ Nphe ndhi leh nmaan fiyel shin leh nmaan tighin ma.