¹ Jesu yong jep kam fhinih ndih mu sar po vhil yaghal shin bal wu yon nmu deh mu pwat kih riin wubis yaghal mu lat khi shwal khiding. ² Sihm jep kam/shar shiit ndhi mu sar po vhil fe a si. Ndhi nshe, a Siman (ndhi shin mu phi yong nih a Pita/Bitrus), yaghal Andrew emnighin muk; Jamis la Zabadi, khi Yohanna/Jon emnighin muk; ³ Philip, khi Batalomi; Toma, khi Matiu ngu shak shaghal wap; Jamis la Alphaeus, yaghal Tadawus; ⁴ Siman ngu Bakan'ane, yahal Juda Iskariyoti ndhi sehet khi Jesu. ⁵ Jesu lep mu ndhi sar kha/po vhil si. Sat nmu nna, "Tap gu yaa khipeh ndhi Niyen ndhi mu man Naan ma mu phi tong dih, shin zak tap gu del nyil Samariyawa mu ma. ⁶ Gu yaa a khipeh tihm ndhi mu lhighim, jep Isarila; ⁷ Kat gun phi mwan, bhi gu kop bhilhip Naan ndhi sat nna 'Tihngnaan sam kus khi yil.' ⁸ Gu lat khi shwal mhi niyen gok mu, gu yikil khi gurum ndhi mu dwam, gu lat khi shwal lohom, yaghal gu pwat khi riin wubis mu. Bal dhi a shin ngun a khizuhum nphe ndhi a si bhi gu bam gurum mu khinih a khizuhum zak. ⁹ Tap gu npan meh pang naton ndhi a shaghal nlau/ndaam fuk ma. ¹⁰ Tap gu nmang daam-mwan ma, ma bhi meh nkwa leh wu-vhil, ma bhi kohop jwal nkwak, ma bhi dughul (kam), nphe ndhi ngu shiit ret deh nnih kat bih dih khi sih dih. ¹¹ Kot gu rho a meh yil ndhi neh, bhi gu kat gurum sim dhi khi lap gun, bhi gu twaghat nder muk wul bhit ndhi ji gu wak. ¹² Kat gun nphe rho dih nlih fe, bhi gu tal mu. ¹³ Kat mu khi lap mhizep nlih fe bhi yit deh nwuret fuk lhi mu tong shaghap. Dang kat mu khi bhizung lap mhizep ma bhi gu del khi wuret fuk. ¹⁴ Dang bhi nphe niyen ndhi mu lap gun kot mu khiling bhilip fuk ma, kat gu yit lih fe ma bhi nar yil fe, bhi gu nas bwor ndhi nkwak gu shin baa. ¹⁵ A sat zen ngun, ngwam yil Sodom khi Gomorrah par puus tok dyel mhi Naan khi del yil ndhi sih. ¹⁶ Gu naa, an phi lep gun a khi peh tihim mu si nnaar baldwam mu, nphe ndhi a si bhi gu mwan khi sehen khipeh nwo mu si yaghal khi bhizung wu zuhum khipeh buul si. ¹⁷ Gu naa gurum mu! Mu khi kopkah gu ndaskaham jep yil mu, shin mu naas gun nlih Naan khi mu. ¹⁸ Shin mu khi mwan ji khi gun ntihim daskaham wu nan mu khi long mu npeh nih, nphe deh a langtihng nmu khi Niyen ndhi mu man Naan ma. ¹⁹ Kat mu shin kwap ngun, tap gu nyighil khi nadaar ma nphe bih ndhi gun nphe sat ma, nphe ndhi bhilip ndhi khi put nphigu khi ji shi khasat npuus fe. ²⁰ Nphe ndhi a gun nphe kaa khi bhilip fe ma, a Riin mhi Nda fuk khi lap bhilip phikop gu. ²¹ Emnighin khi shin kwalap n'emnighin, ndhi khi wul mu tih nih, shin a si nphe nda khi la. Jep mwo khi shin kulap nda du mu ndhi khi lhi nmu twoh mu. ²² Gurum mu khi niyang gun khi yil khiding nphe sihm nih. Dang bhi gwo ndhi dar bal bal deh nlat fe bhi khi kat seen ndhi tai tai/khi bar. ²³ Kat mu phi nyang gun yil fe, bhi gu sho gu wakyah nmeh la yil nkwah, nphe ndhi a sat zen ngun, gu del phi yil Isarila dehshe La Gurum wul dih. ²⁴ La kam khi met ngu-kam khimuk ma, khipe ndhi kwaram khi met ngulih fih nih ma. ²⁵ Kat la kam kat yon khipe ngu-kam khi muk si bhi kye nih, yaghal zak la tong khi ngulih. Kat mu yong ngulih a Beelzebul, bhi mu khi yong niyen dhighinlih khimuk met a si! ²⁶ Nphe wuni bhi tap gu lughut nsar mu ma, nphe ndhi meh bih ndhi mu oghot kha ndhi khi put npuus ma, shin meh bih dih a wusok ndhi mu khi man ma. ²⁷ Bih ndhi a sat ngun nkwoo, gu sat khi yit puus, yaghal kat meh bih deh ndhi mu bis ngun nkom, bhi gu pwat khisal/khitihleng gu sat dih. ²⁸ Tap gu nlukut gwo ndhi khi t'hi seen gurum det dang bhi khi mak t'hi riin khimuk ma. Gu lughut a gwo ndhi khi t'hi seen khi ghi-shishik gurum nwus mhi tai-tai. ²⁹ Mu phi sarap khi ndadit mu vil nnihnih ma? Dang khi ndhi a si bhi nmeh-meh khi puttah nyil nnot nman khi Nda ma. ³⁰ Dang bhi dohol khi shopka gurum a wu-man nder Naan. ³¹ Tap gu nluwagwat ma. Gun khi phishi gu met ndadit mu bwer. ³² Nphe wuni fe bhi meh gwo ndhi lap an yaa khi phinin, bhi an duk a lap bhilip wuret a shin Nda nhi ndhi nih khitingnaan. ³³ Dang bhi gwo ndhi shii-shik khi del sim nih ntighim gurum mu, bhi an duk a shii-shik ntighim Nda nhi ndhi khitingnaan. ³⁴ Tap ngu diye ndhi a wul a khi tongshaghap ndighinyil si ma. A wul a khi tongshaghap ma, a wul a khi shuk ngwam. ³⁵ A wul a khi nyangshak khinar laa wu-miss khi Nda, yahal larep khi nighin, shin khinar nakhii khi nakhii. ³⁶ Shar fwom khi gurum khi put a bhider paal ndhi a dighinlih. ³⁷ Gwo ndhi dem nda ma bhi nighin met n'an bhi nih khi phishi nder nih ma; yaghal ngwo dem la wu-miss ma bhi larep met n'an bhi nih khi phishi nder nih ma. ³⁸ Gwo ndhi mang shep pwas fhinih yaghal mwan nder nih ma bhi nih khi phishi nder nih ma. ³⁹ Gwo ndhi dem seen nih bhi khi kat ma. Dang bhi gwo ndhi seen muk wen nphe nih bhi khi kat. ⁴⁰ Gwo ndhi shin sar lap gun bhi lap a an, shin gwo ndhi shin sar lap an bhi shin sar lap a gwo ndhi lep an duk. ⁴¹ Gwo ndhi ka'at ngu jagham nphe ndhi nih a ngwu jagham bhi khi lap zughum mhi ngwu jagham, yaghal gwo ndhi ka'at ngu shin wuret nphi ndhi nih a ngu shin wuret bhi khi lap zughum mhi ngu shin wuret. ⁴² Meh gwo ndhi khi shin meh bih njep wu-diyen si mu, kat ye a jang am wu zuhum det nphe shuu, nphe ndhi nih a ngu lep/what shiit, bhi a sat zen ngun, zuhum khimuk khi laham ma.