¹ Yesu ka kya ugha a yen ka zi ena uten mbo. ² Teite e bun eyen fu igyi dow hwe azwi uswe. azwi a de bangaskiya mbe ma. Yesu "imba cha'ukpin to ambi zwi-zwi keru." ³ Teite ebe ba ufka bagyen yon regye " eye wen ra vo idegha" ⁴ Yesu gyi re ambi era tku ma, a she yonna " ambi ke eni ra tku utsu zwi-zwi ma ekon? ⁵ Ena ni yen etkan na era yon, 'e to ambi izwi keru,' fen 'yun attan ku kyun-ikyun'? ⁶ Ahwe ino wen ke ene gyi aken imbanyehwe hwere kie na ara to edan a ke eyenhwe,..." a she eyen uma wen yonna " yun attan u fe mbe uswe mbo e ku ka so idi mbu." ⁷ Azwikan eyen wen yun attan aka so idi. ⁸ Azwi eba te fum de ambi vo ma, e kpu etkan e vun eben mbe Ukachan, na kei eyenhwe uswi kefighyi wen ma, ⁹ Yesu yun tkizi ara so, aka de eyen ugyen eben mbo yonna Matiyo ambe ichi hwe afku mbe ba kpe gandu. A sha yon "bwe a ne." a bga yun a bwe-are. ¹⁰ Azwi Yesu ka hwe nken idi ara ji ambi, teite, eba kpe gandu ififki ne, re eba vo ambi zwizwi ka bo ebira hwe e ji udidi re Yesu Re eba ra kpe ambi nhwan. ¹¹ Azwi farisawa bi dei ma, e ka eba kpe ambinhwan mbo ten yonna" ekon ke eyen ra hwan ene ambi ra ji udidi re eba kpe gandu, re eba ambi izwi?" ¹² wi Yesu fkan aken wen ma, a yonna, " eyen ba te re ukei era dgo ambi era do'an eyen da uma, eba ra dgo uma ma mba. ¹³ Ene so ka hwan ini aken na yon 'nna don eningyi shishi,vo'a hadaya' mbo ma ena nna tan eba kikye yon eri to ambi izwi, nbo etki eba ambi zwi-zwi." ¹⁴ Eba hwan aten azwi Yohanna bo azwi mbo e yonna " ekon ke abi re farisawa ira che unu, ide eba hwan ambi azwi mbu ra che'a?" ¹⁵ Yesu she a ken " ara si na eba bo indo ififi ra te nken ikube izwi azwi etawan mbe tare hwe mbo ene? ukin ra bo na embezi etahwan indoifi azwi mbe, ekin che unu." ¹⁶ eyen ugyen nbe udan ambi ififi hwo a ngho'an re atukpu ukpi'a ken a jiko'azi azwi na ukpi, a ba ghazi kagi ne. ¹⁷ Eyenhwe mbe azwen ififi ra se'a nken ikpo se azwen na ukpi'a ken ara dne abgan kpu, azwen re ikpo fum kata ra ji, ka hwe ino, era mbe azwen ififi ra hu'i azwi ikpo hu'i azwen na ififi, kata mbe ifan era dgen isi ene. ¹⁸ Ata hwere azwi aken nyon ra ke, teite bakagyi ugyen bo bwen si iki ikuswen mbo. ¹⁹ A yonna "imba buro me fu'u si ndine wen bo iso uka mbe abgu zenn a igyi ka a shi." azwi kan Yesu bga yun a bwe are nino eba hwen ambi a zwo, ²⁰ Teite a buro na dgo uma bwo eken mbe egyi bwo imba ifan, bo ishina e yinfun a mbe abgu tebun a tkun ambi voigyi mbo. ²¹ ken tku utsumbo yonna "nke na nma tebun atkun mbe ambin voigyi mbo nna kie. ²² "Azwi kan Yesu tobighanzi a de'a a yonna " imbaindo, kiefugyi bangaskiya mbu da mbe ru." ba dghe to fum uma to'are. ²³ azwie yesu bo idikagima ,ade eba ve iho re eyunhwe tku ho ine ra chancha. ²⁴ Yesu yona, ninyu ate, imba indo mu ta fua, ara doedo. Eskan yesu iskan. ²⁵ Azwie ebi zire igigima, akasi nke ikpi a tebumba abgu, imba buro mu yun ettan. ²⁶ Aken mbo hwo azwi uten kata. ²⁷ Azwie yesu yun a kara soma, eba bgan ningi ifan bwe are. Era bwo uhu ra bwere,yesu imba mbe Dauda di re anigi shishi. ²⁸ Azwie Yesu ka bu ikpifum ma, eba bganigi mu bo azwi mbo. Yesu she,ni so uzwena nna vo ambihwe? "Ekpe ino" ²⁹ Yesu mbe abgu cho ere anigi, ³⁰ ashe uzwen mine fkazirene Anigi mbe fkoto.Yesu veh enyetku,enyugye ati fka akenhwea. ³¹ Enye ifan ten ke ka unua ezimbe ashemu gban nken uten kata. ³² azwi eyen ifan ra yun ma, teite, a e mbe eyen na nvun sihyo ka yon ka aken bo azwi Yesu. ³³ Azwi a dgan to re nvun sigyo eyen kira yon aken wen fko unuswen a yon aken. eba te fun ma kpu etkan fun e yonna " ita de fkan iya uswi ambi ino nken Israila!" ³⁴ E farisawa bra yonna " re etki mbe nvun sigyo, ara dganzi nvun sigyo." ³⁵ Yesu so nken uten kagi re nacika. A fkan tkun mbe ambi nhwan nken ikpi mbe era fun era fkan aken mbe Emo ma, era she aken isi mbe idi mbe Ukachan, ada uma ba sigyo re udgo kata. ³⁶ Azwi a de ifki mbe eyenhwe ten ma, a de ishshi mbe ken era wa'ewa ekin ra ge ikube. E te zena ambi usu'u na ta re ba ra dgen. ³⁷ A she eba ara hwan ten yonna " ambi ji ivo zwen re, kagyine eba aten mbe cika-ine. ³⁸ "A hwe ino hwen nmuine eni fo ke Barmi-idi bwen ambi, eka tsu eba aten so azwi bwen ambo."