IBWOKO 8

1 Azwi Yesu zi etki ihwen subo ma, eyenhwe wanta bwe are. 2 nken mbe eyen uman uhwe re hwe fun, a bo abi bwen ikiswen mbo a yonna "barmi-idi ke na u chon sakye mbe. 3 "Yesu cho abgu igyi a yonna "nna chon" dzu ena kikye" re a zukan a dzu na kikye azwi uma uhwe we. 4 Yesu sha yonna "ti kpen ke eyen ugyen afkan'a vonzi mbe egyu ka so aze uhwe si eku ke ambi na Musa fu yon ma ake hwa uzwen azwi mbo 5 Azwi Yesu ka nken e kapanaum, e bakagyi a soja bo azwi mbo a bgu'a 6 yonna " barmiidi. uswi mi dgo uma dow hwe iki ayun ra ka attan ara fkan re igyi kpukiri 7 ene." Yesu sha yonna " nna bo nka da'amba." 8 Bakagyi e soja wen yonna" barmiidi, ambe nfki ma eyen ura bo nke idi mbo, yon mbu aken fun uswi mi ara ke uma. 9 ken ambe ben nhwe eyen na hwe re ki'e, nkin tere ebe aten mi usutomi. nna she nawen 'so,' aka ra so, e na ugyen nma yon 'bo,' ara bo. de uswi mi 'vo ambi,' ara vo ambi fum. " azwi Yesu fkan akenwen ma a kpu etkan, a she si ba ra bwe are ma " uzwen nna she ene nta dzu fkan ma eswi eyen hwe re bangaskiya ino e israila. 11 Nna she ene, ifufki ne ra bo azwi ba ufi, e bi hwe etki teburu igigye re Ibrahim,Ishaku de Yakubu, nken idi mbe Ukachan. 12 E imba ba nken idifum epku e ta nken ichefu, azwi na era kpi era dzun abwon abgu. 13 "Yeso she bakagyi e soja wen "so! azwi u so uzwen ma, ka a hweuru ino." e uswi fun fu ketkizi nken mbe ufon wuna. 14 azwi Yesu kabo nken idi mbe Birus ma, a de ugyi Bitrus dow hwe iki a fkan eska. 15 Yesu mbe abgu bun igyi. uma fun tore. a ba yun ettan ake ambi iji, 16 azwi ukin kpu re ma, eyenhwe kpu eba nvun sigyo ra ke ekan ma bo azwi Yesu, a dgan zwe si re aken, a da kpu eba uma. 17 Awen ke ambi annabi Ishaya fu yon ma bo uzwen yonna "ibu re etkigyo a tken uman re udgo mi." 18 Ndine wen azwi Yesu de eyenhwe kantki ma, a she yon eri yenzi ka zi ekinyen na gyen mbe ugyi e galili. 19 Azwikan eyen ba ufka ugyen bo azwi mbo a yon " bakagyi, nna bwe uru azwi ura kyun fum. 20 "Yesu yonna ikpin tere uhwa, itso ba akpo tere afku, imbaeyenhwe hwa re azwi na ambe etki a dow fum" 21 ugyen nken mbe eba ra hwan ambi azwi mbo ten yonna " barmi-idi ken ufu'u nka mbe atta mi a nghin. 22 "Yesu sha "bwe ane. to eba uhwe fu e nghin ehon mbe" 23 azwi Yesu kare nken ugha ma, eba hwan ambi abgu mbo bwere nken. 24 teite, evu kagi tko nken ugyi, dan cika na ugha ki kpu'e bwe. Yesu hwe ra dow edo. 25 Abgu eyen mbo ten bo ebi tanshi to a-re, yonna " fkazi barmiidi dan cika ira fu 26 Yesu she yonna" ekon ke ene ra ken afuken, ebene eba hwe bangaskiya cika?" eba yun attan a dne evu wen aken azwi ba hwe ashi. eyen ba te fum ma kpuetkan e yonna " 27 eswi eyen na wen zi ano ugho re ugyi fkan aken mbo?' 28 Azwi Yesu yen ka bure ekiyen azwi mbe Gadariyawa, eyen ifan ba nvun sigyo ra ke ekan ma dzu'a. E biuzi ra bo azwi umui kuma era ki ika kagyi ene, eba ra zi eken ma, kya zira ka ufu'u fum. 29 Teite e kpi ino kek'ine yonna "ambi na ira vore do ekon imba mbe Ukachan? u bo ate na u vo'ashi fkan zi ufon ra bo?" 30 Ndin wen efkika te ra ji yan azwi re de 31 nvun sigyo ten te ra bgu Yesu yonna " nke na uma dghan kpu bu'azi ki ika ka igyi mbe efkika nna. 32 Yesu she "yun!" nvun sigyo ten biuzi eka ka nken efkika ten; kata mbe e che ka dgu nken ugyi enuben bwan kpu'e. 33 eyen ba ra su'e efkika ten che yun aka she eba nken uten ambi na vo ma, re ambi vo tsu eba ifan ba nvun sigyo fu ra ke ekan ten. 34 Teite kata mbe ba nken uten zubo dzu Yesu. azwi e da ma. ebgu'a ka iri yun azwi uten mbe.