¹ Ti bun hwa, abu ben eyen ra bun umba ehwan. ² Abgu ehwan na u bun udi mbu re doma abu imbi eghanuji a bun'n re do, ufkuta ambi na umbe mho ambi ke udi mbu mun ma, e mho mbe nken aku. ³ Ambi vo ekon u mbe eningyi te azwi nkyan ambi nata hwe udi mbu e ningyi, u de wa uhon uti'ambi na hwe ningyi na mbu'a ma? ⁴ Nvene ke ura she udi mbu yon, 'kide nton mbu re nkyan ambi e ningyi, e hunti'aambi hwe'u eningyi? ⁵ Abu eyn chon efo eningyi! kaiswen tkan von mbe uhun uti'ambi na eningyi mbu wen eku ede gha ashi na u ton mbe udi mbu re nkyan ambi eningyi. ⁶ Ambi na whe ambi efo ti mbe tawa ibgu re, ke uti avan uti isi ta wa ikiswen mbe ibgu'a avo'a isi ekpu afkan ra che zun kpu, e ken mbe'u re uhwon era dzon abon. ⁷ Enen bgu'ubgu era ke'ene. Ene don'ambi, ene ra dzu. ho abgu, e fko to uru, ⁸ eyen na ma bgu, ara ka, eyen ma don'ambi ara dzu, eyen na ho abgu era fko-are. ⁹ Aban nke mene, nke imba mbo bgu ambiji a mbe utsen ra ka'si ¹⁰ a'u abgu igyu ara mbe ufgin ra ka'si? ¹¹ nke abi ne eba te re utsu zwi-zwi gyi azwi eni ke imba mene ambi sisi, afkan ifin atta mene na attan re ke eba ra bgu'ama ambisisi? ¹² A hwe ino wen, ambi na uchon eyenhwe e vo ku abu ben u vo ino ke, awen hwesi udon re aken ba are yon re uvun mbe uswi mbo bra. ¹³ Ene ka ishina enikingyi na cika pipi. ken enikingyi kagyi de ufu'u nasisi wen enwhen mbo so hwe ena jiji, eyenhwe ifki'ine ra ba ibure. ¹⁴ De enikingyi cika wen ufu'u mba hwere ekan na so hwe etki tsutsu, eba ra dzu ma cika ene mba. ¹⁵ Kpe uhgyo mbe eba yon aken mbe Emo ba eden, ba ra bo re ikpo iton nken uzwen e hwe dzonjon. ¹⁶ Azwi avan mbe ene de'agyi. eyenhwe ra ton avan uti isi azwi na sigyo? ¹⁷ A hwe ino uti'ambi isi ra van avan isi, e na sigyo ra van ena sigyo. ¹⁸ Uti'ambi na isi ra van avan sigyo, nino ena sigyo ra van avan isi'a. ¹⁹ uti'ambi na ma van avan isi eske a mbe ata iki e ken mba a to uffi. ²⁰ Ene de agyi azwi a van mbe. ²¹ barmi'di, barmi'di ra ka idi mbe Emo, eba ra ba aken mbe atta mi na hwe attan ma. ²² ifki ine ukin imi ra shen yon Barmi'idi, Barmi'idi, vo'a ifu dgan nvun sigyo nken eben mbu, re eben mbu ivo ambi kagi ifki'ine? ²³ azwi kan nshe ngha a to'e ' nta gyi fkan ene! ene ko' egyi re den, abine ba vo ambi sigyo!' ²⁴ A hwe ino wen, eyen na fkan aken mi are dgen ara hwe zena eyen egha na mbe ikpi mbo etki utku. ²⁵ E tki si'iki, enuben mghan, ugyo evu be idl wen, a kpu'a ikihwe ken mbe ta hwe etki utku. ²⁶ ke eyen na ma fkan aken a sena ara dgen ara hwe ze e swentsu na mbe idi mbo ka ta etki ibiun. ²⁷ etki si iki, enuben mghan, evu ugyo pon etki idi wen, idi mu bgekpu, ena mbge- mbge mbe idi wen vo'a ambi cika. ²⁸ Azwi Yesu hwan zwe ambi ten ma eyen kagyine ten eningyi kya re etki re ambi hwan wen, ²⁹ ken a hwan re eke, vo'a zena eba ba ufka mbe ten.