¹ Eni kpe ugyo ni ti vo'a na ambi kikye ikiswen mbe eyenhwe eke e de ene'a ama hwe ino eni'a dzu abgu hwan isi azwi atta mene na hwe akpo ma. ² A hwe ino wen ke eni ma ra ke eyen ambi eni ti mbe be na evun mu ke nna eyenhwe, tan eba chon efo eningyi eten,a be ra bevun mbe ambi kekke nken ikpi mbe Emo, re etki ufu'u eke eyenhwe e de. Nna she ene uzwen e kpe nto re ambi na eki dzu azwi Emo. ³ Nke na e ni ke eyen ambi ti ke abgu swe a gyi ambi na abguji mbu ra vo ma, ke ambi na ura ke wen ahwe nken uton. ⁴ A hwe ino wen atta mbu na hwe atan ara de ambi na hwe uton ma ra ku abgu hwan isi. ⁵ Ke na eni foufo, eniti vona zina a mbe eba chon efo eningi ra vo ma, ebe chon na eki sente nke ikpi mbe Emo re bungho ufu'uke eyenhwe e de. Nna she ene Uzwen e dzu to re ambi abgyu aten mbe wuna, ⁶ A bene ke nima ra foufo, ni ka nken ikpi. Ke eni tsu ikpi eni ken foufo mene ke atta mene nken uton. ibu atta na ra de ambi na hwe uton ma ra ku abgu idzun isi. ⁷ ke eni ra foufo eni ti bganna aken ze'ana a mbe ba ta gyi Ukachan ra voma, era de ze'ana, aken Megan mbe hwen ba ke era fkan'e. ⁸ A hwe ino ma, eni ti banna ena mbe, ken atta mene gyi tore ambi eni ra don ma fkanzi enira ka, ⁹ ke eni ma ra foufo, ni yon ine: ' Atta mi na hwe attan ma, eben mbu adzu na kikye. ¹⁰ Azwi hwe idi mbu a bo. Ambi ura chon e vo'a igingyi atan era vo akpo ma. ¹¹ Ki ambi jiji na naten. ¹² Eku mbe edan mi to ki, azwi Itora ke eba ra dan ire edan ma. ¹³ ti kpu so wa nken egha mbe,shetan u kpuzi azwi ambi sigyo.' ¹⁴ Nke na eni ma to edan ra ke eyenhwe, atta mene na hwe attan ma to edan mene a ke ene, ¹⁵ nke eni ma to edan mbe eyen ke mba, nino atta mene na hwe attan ma ra to edan mene akene'a ¹⁶ Ena eni a che unu, ti vozwi wa ibwatki'a zena eba chon efo enigi ten ma, e vosi ra kpu ebwatki e ke eyenhwe e de ke ebe era che unu. nshe ene uzwen e kpe mbe re abgu idzun. ¹⁷ A hwe ino wen nke eni ma a che unu, ene ubiu swin etki eke ni wo mbe ibwatki, ¹⁸ ke eyenhwe iti tku aken eni ra che unuswen'a, eni ma a che unu ni che ke atta mbene mba na ra de ambi na hwe uton; ibu na ra de ambi na hwe uton ma ra ke ene abgu idzun, ¹⁹ Ene ti mbe udgen te nna tkinigye ene re igigyi ate, azwi imore iswiswe ambi ra ka nken era voazwi, azwina ba uswi ra be a bgan era zwi-uzwi mun, ²⁰ A hwe ino wen eni kpu udgen mene dgen nken akpo, azwi uzwi bgan ra ka ma, imo re iswiswe ambi ra ka mun. ²¹ ken azwi udgen mbu hwe mun, azwi ikube mbu se hwe mun. ²² Eningyi hwe asi ungha mbe igyi. a hwe ino wen, ke eningyi mbu hwe isi, igyi mbu kata ra dzu ungha, ²³ in ke na eningyi mbu ma sigyo igyi mbu kata ra to ichefu, nke ungha na u hwere do ma hwe ichfu, ichfu mun ra hwe hwe ine? ²⁴ Eyen ugyen ba'a ka barmi-idi ifan, a'u ara chon ugyen ara se ugyen, a'u ara ken etki a ke na ugyen, ara de-agha na ugyen. uba ka wa Ukachan re ambi ndon igingyi. ²⁵ A hwe ino wen, nna she ene, ni ti wanna ewa mbe ambi tke re etki mene, ambi ene aji rena ene vo'a, a'u ambi a'u etki igyi, ambi ara se ekon. ugyon tkan ambijiji, igyi tkan ambi voigyi? ²⁶ De imba itso ba ra vun ugyo ten. era tko ambi era bwen ina ambi ra se udzun'a, ni desi atta mene ra ke ra ji era vo. abene eni tkan emba re efo? ²⁷ Aban nken mene etki mbe ewawuwa mbo ra tke ukin ugyen azwi ihu ukin mbo, ambi ke enkpu ikube mene ra senna iki etki mbe ambi ene vo'igyi? ²⁸ Tku si ene de ambin ba ra to akpen nken abin ten, era kikye ine. era vo'a aten, ekpu ra tso ambi vo'igye. ²⁹ Nna she ene uhwe Sulemanu re efo mbo a hwe re do ma ta vo fkan ambi iki tan abim ten. ³⁰ Nke na Ukachan vo abin ten ambi voigyi ine, ba ra zi ena ten ukin kpikpi kpu to atken, ni de ma abine ambi vo'igyi ra hwe ucho api'a, abine eba uzwen so-so mene hwe chika pipi? ³¹ A hwe ino, ene ti wanna ewa mbe 'ambi ira ji ekon?' A'u 'ambi ira vo, ekon?' A'u 'ekon ira vo'igyi?' ³² Etki mbe eba gyi Ukachan ma tkan ra don ambi ten, atta mene na hwe attan ma gyi aken ira don Ambi ten. ³³ Ambi kaiswen ene don idi mbo re abgu aten sisi, ambi ten kata ara ke ene. ³⁴ Ama hwe ino, eni ti wanna ewa mbe ikpikpi'a, ukin ikpi ra wa etki egyo. Kata ukin ten rabo reambi izwi mbo.