¹ Azwi Yesu de efki mbe eyenhwe ma, a tko etki ihwen. a mbe ichi hwe ikihwe, eba ra hwan ambi azwi mbo ma bo azwi mbo. ² A fko unuswen a hwan ambi, yonna " ³ ambisi hwe eba gyi ekan mbe nken Nvun, idi na akpohwe na mbe. ⁴ ambisi eba ra zwi ikube eta kpu ikube a te iki. ⁵ Ambisi e ba ra do etki ikihwe, era ji uten. ⁶ Ambisi eba ra bwan ubgha de uhwanu mbe azwihwe kikye, era dzu aben. ⁷ Ambisi eba de nigyi itoshi, eta de itoshi mbe. ⁸ Ambisi eba hwe re ikube kikye, eta dzu ukachan idi. ⁹ Ambisi ke eba don azwihwe udi era tan yonna biski mbe Ukachan. ¹⁰ Ambisike eba fkan re igyi etki mbe na e vo ambi isi, idi mbe Emo hwe na mbe. ¹¹ Ambisi aku nke eyenhwe ra yon ra sha'u e raku ekan e yege aken sgyo ra ku na ugyi ambi ugyen tke mun'a etki eben mi. ¹² Ten ikube e ku caukpin ken abgu e hwan isi hwe ra ba u'ru idi akpo. Ninu uswi mbe Ukachan ba fu kaiswen mene ma vo-ekan abgu mbe eyenhwe. ¹³ Eni hwe eban mbe azwi igigi. Ke eska mbe eban ma zi bwo re abin akya ska re ufi'a, akya kpu a si'a ena vo ambi ugyen, ba na mbe bwo abin eyenhwe che afkan mun. ¹⁴ Eni hwe ungha mbe azwi igyi. Uten na edo hwe etki etken ra toantunton. ¹⁵ Nino eyenhwe mamre ufi ebwe chiken'a mba re itishe'a e bun mbra zen atan etki uto era ngha nken idi abanban ra de azwi. ¹⁶ Uke ungha mbu A ngha ikiswen mbe eyenhwe eke de abgu aten isi azwi mbu eke vun atta mbu na hwe attan ma. ¹⁷ Ni ti tkuna yon mbo na nvo zwi a kpu udon a'u aken mbe uswi mbe Emo fu yon te ma, nbo ma na nfunke kpuzi, a'u mbo na ke era vo uzwen. ¹⁸ Nshe ene uzwen azwiakpo re azwi igigyi ra von'azyi, etki aken ugyen von ra zyi nken'a fkanzi eten na kata mbe ambi a yon ten ma vo bwan re. ¹⁹ ugyen nken udon a'u na cika pipi a hwan ba cito ben, era hwe ena cika nken idi mbe Ukachan, eyen na ma dgan udon ten aken hwan ba cito era hwe eyen kagi idi mbe Ukachan. ²⁰ Nna she ene nke ambi kikye mene ma ntkan ena mbe farisawa re eba ba ufka'a eni aka nna idi mbe Ukachan'a ²¹ Eni fkan ukpi efu yonna ' ti bwan wa eyen de eyen ma bwan eyenhwe kotsu uwon mbe ehwan.' ²² Nna she ene eyen na ma won-uwon re udi mbo ra dzu ebwa re uwon mbe ehwan; de eyen she uvginino yonna 'u hwe eyen ci abin! ra dzu ebwa re uwon mbe azwi kpen ehwan;de eyen yonre udi mbo ' u hwe swentsu' ara hwe nken azwi tata ine mbe idi ufi. ²³ Nke na uma ra to ito ra ke Emo, ke kobun aken u vozwi hwe re udi mbu, ²⁴ to ito wuna azwikan eku yun, kaiswen kyakya re udi mbu ningyi u kin feto bo toito mbu. ²⁵ Kyakya re eyen na eni gyu eken te ma azwi eni ta te ufu'u ma, ken a mbu ka so re azwi kpen ehwan, ehwan te'a mbu, e mbu chu ikpi. ²⁶ Nna she ene uzwen u biuziwa nke na uta kpa zwewa ekpu na ra ba'u ma. ²⁷ Eni fu fkan yonna ' uti vo'a ntan.' ²⁸ ambe nna she ene yonna eyen na ma de buro eningi a tku utsu ntan re do, ara do tore nken ikube mbo. ²⁹ Nke na eningi na abgu ji mbu ra ku ura kpuikpu kan mbe ta'abin asi tkan na uka idi mbe Ukachan re eningyi ugyen re na ura hwe de eningi ifan uka ka uffi. ³⁰ Nke na abguji mbu ku uka ka uffi, ske mba banzi igyi mbu, a sitkan na uka ka idi mbe Ukachan re na uhwe wa re abgu ugyen re na igyi mbu kata ka ka uffi. ³¹ Efu she kya ene yonna ' eyen na ma dgan re ugho a ba mbe ufka ka na eben mbe kya hwa reufi'a, ³² 'Ambe nna she ene eyen na ma dgan ugho, vo'a ena U-bun'a re ntan, ka ara nghan eyen vo ntan, eyen na ka mbe'a eyinfu ben ra vo ntan. ³³ Re-ufi nifu fkan yonna ' ti dan wa efu mbe ambi na u vo'a kawa ikiswen mbe Ukachan. ³⁴ 'Ambe nna she ene, tche dgodgoine ti danwa effu'a re amu ugyen, re azwi akpo, ken azwi hwe uhwe mbe Emo; ti dan wa ³⁵ re azwi igigyi'a ken azwi akpu afkan zeznte mun, tidanwa re Urushelima'a ken uten kagyi mbe uhwe. ³⁶ ti kpen wa yonna ura dan re etki mbu'a, ken tobinghan ka ambua itin a'u iswin'a, ³⁷ uke aken mbu a hwe ino re hwa ino'a, ambi na ma tkan na wen zi aze shetan. ³⁸ Eni fu fkan ukpi yonna 'eningyi hofi eningyi, de abwon hofi abwon re ³⁹ 'Ambe nna she ene, ti se wa eyen na hwe re ikube sigyo'a. ambi eni vo ma ke eyen ugyen ta'u afe etkpan na abguji, tobingha mbe na gyen ka ⁴⁰ Ke eyen ugyen chon na aka tan e kara mbu yon kinne u-mbe ambi vo igyi mbu ka, uka mbe re na fifken kata. ⁴¹ ke eyen yon dne to ura kyun abgu uji ugyen ra kyum abgu uji ifan. ⁴² Eyen ma ra bgu uru ambiuka, eke uti che eyen ra don ara bgu ubgu azwi mbu'a. ⁴³ Eni fu fkan yonna, kin ine U chon eyen idi atko eke uze eyen ize mbu. ⁴⁴ Ambe nna she ene, chon eyen ize mbu ku u foufo etki mbe eyen na ra ku ekan, ⁴⁵ eke ene te ibiu-mba mbe atta mene na hwe atan ma. A ke ukin ra ta azwi eba vo ambi sigyo re eba vo ambi isi, a ke e-tki ra fka azwi ba ambi zwi-zwi re eba ambi isi. ⁴⁶ Ke na uma chon eba echon mbu mba, ambi isi na utsumu ma ekon?vo'a eba vo,ambi izwi ten ra vo nino? ⁴⁷ kena ube ino ra dge- re abaidi mbu nba, ambi u vo na tkan eba cito ma ekon? vo'a eswi ba te'a Israila ma ra vo nino? ⁴⁸ A hwe ino wen enehwe kikye azwi atta mbe ne na akpo hwe kikye ma.