IBWOKO 4

1 E voto are ma Nvun fu mbe Yesu ka ka nken abin ke shetan aka mode'a. 2 Azwi che unu unkin re utchu uji ifan ma ubga bwan awe. 3 Eyen egha wen kabi dzu'a a yonna" ke na u hwe imba mbe Ukachan, yon aken re uchen ten ake enghan ru ambi iji." 4 Yesu fko unu a sha yonna " a ba hwe nken ufka na kikye ' eyenhwe ra hwe etki mbe ambi jiji mba, a hwe a tkan nken aken na zi unuswen mbe Emo" 5 shetan mbe kya ka nken uten kagi na kikye a mba ka tko azwi na gon tkan atan ikpi mbe Ukachan, a 6 sha yonna "ke na u hwe imba mbe Ukachan tato igyi mure si ikiwe, nino a ba hwe nken ufka na kikye ' ake malaika mbo bra tebun a mbu , nken abgu mbe eke uti tewa utite'a.''' 7 Yesu sha yonna ufi a biuba hwe 'iti muode wa ukachan'a."' 8 E Shetan mbe kya ufi ka tko azwi na gon atan tkan kata ma, a tsun'aazwi gigi re ambi isi ba te nken ma kata a 9 ken sha yonna " ambi ten kata nna a mbe a ku, nke na ura bwen iki u ken etki aken." 10 azwikan Yesu sha yonna, " ban kya ate shetan! a biuba hwe u ken etki a vun imiidi mbu Ukachan buiba, eyen ugyen toben hwa mba igyi'a." 11 shetan ba ce to are, malaika bra sibo e be fen'efen ka. 12 ndin ne wen azwi Yesu fkan e bun mbere Yohanna ma a biuzi ka so nken uten Galili. 13 Ato azwi nazarat re aka so fi e kafarnaum, na hwe nyan re teku mbe Galili, nkenazwi mbe Zebulun de Naftali ma. 14 ambi ten vo ino ake aken Ishaya uswi yon aken mbe Emo fu yon ma a vore uzwen, 15 'azwi Zebulun re Naftali, ishina so e teku , vonzi e yodan, Galili mbe eswi ba vo'a israila! 16 Eyen ba te nken ichefu ba de ugha kagi, re eba azwi usuto-nvun mbe uhwe-effu, etki mbe ugha biuzi re." 17 ndge ufon mun Yesu tsu aken mbe Ukachan na nyon " to ambi zwi-zwi re ken idi mbe Emo yan re azwi." 18 A kyun ra ba atkun teku mbe Galili, a ko tsu bevgini ifan, Siman na era tan Kefas, 19 re Andrew uvginino, ra to ake nken teku, ken ete eba bwan igyu. Yesu she yonna " ni bo bwe ane, nna ke ene ra bun eyenhwe" 20 re nmuine e tosi ake mbe e bwe a-re. 21 azwi Yesu shenfen ikuswen ma a de bevgini bagen ufi a be ifan nino, e Yakubu imba mbe Zabadi de Yohanna uvginino. 22 Ete igigye re Zabadi attu mbe era kya ake a tan ino, re nmuine to ugha me re atta mbe e bwe are. 23 Yesu ka nken azwi Galili kata ara hwan ambi nken ikpi kpen udon mbe Ukachan, ara yon asheisi tkere idi mbe Ukachan, a da eswi uma re teite ine nken mbe eyenhwe bra. 24 ashe mbo zi gban nken uten Siriya, e ba azwikan kpu eba uma me che bo azwi mbo, eba uman sigyo, eba uman ugyo, eba ikpufu, eba uman fu igyi kata. Yesu da ke kpu'e 25 eyenhwe kagyi ine wanta bwe are ambi yun e Galili, Decapolis, urushelima,de yahudiya de azwi ba te e kiyen mbe Yodan.