¹ Nken eten eyinfum, Yohanna na vo baptisma biuzi nken abin mbe yahudiya ara to udon yonna ² "ni to ambi zwi-zwi re ken idi mbe Emo yanre azwi" awen tsun uvun aken na anabi Ishaya fu yon hwe "uvun mbe eyen ugyen ra tan ino nken abin, 'kyakya azwi mbe imi'idi ve dno to ufu'u mbo." ⁴ Ufon wen e Yohanna ambi vo igi mbo ikyan u-yon gon utsu, akin mbe Uji fkya poro te gye rato ushin. Ambi iji mbo fu hwe ikpita re igyiu. ⁵ Eba urushelima re kata mbe yahudiya, re uten ba do ho ugi yodan te ma yun so azwi mbo. ⁶ Ibu'a a vo ke baptisma nken ugi yodan. ⁷ azwi a de farisawa de sadukiwa wanta ra bo azwi mbo era don na era vo baptisma ma, a she yonna "ebene eswi ufgin sigyo, eyen ke ene egha yonna eni ce ezi uwon mbe Emo ma aban ⁸ eni van a van mbe na ra tsun eken na eni tore ambi zwi-zwi re. ⁹ eni ti tku na utsu yonna ' eni hwe re atta mene Ibrahim.' Nna she ene Ukachan vogi ana tan yun e biski ra ke Ibrahim nkenmbe uchen ten. ¹⁰ "E mbe ika tore itci uti'ambi.ahwe ino ma uti na ma van avan isi ebo mba ata iki e mbe to uffi. ¹¹ Nna vo nere baptisma re nuben, tosi afkan eyen na tkan ame ra bo eyen na nfki ma na nna ten ikpoka afkan mbo. ara vo nere baptisma re ivun na kikye re uffi. ¹² udnahu mbo hwe agbu mbo ara ta'zi aji eka tsu udzun na abwen kpu ina'ambi ra te nken, awen na ta'a kpuzi wen a to ndgen kpu re uffi na ra den-nden." ¹³ ukin ugyen Yesu zi Galili a bo e ugyi mbe Yodan eke ibu ben Yohanna a vo'are baptisma, ¹⁴ e Yohanna chon na aki to'a iswen yonna " ame nki bo azwi mbu ura vo'a ne abu uka ra bo azwi mi" ¹⁵ Yesu sha yon kpi ino idine wen eke i vo ambi e chon yonna iri vo ma" Yohanna ba kpi ino. ¹⁶ azwi e vo to'are babtisma, Yesu biuzibo nken nuben ede azwi akpo fkoto ade nvun mbe Emo sibo ze ana ebo abi pe'are, ¹⁷ re azwi kan e fkan uvun biuzi akpo yonna "awen imba echon mi. Nna ten utsu re do tkuho ine."