¹ Azwi e mba tore Yesu nken Betalamin mbe yodiya eten mbe uhwe Hiridus, eba umeun zi azwi udgo ebo Urushelima era ka yonna ² 'azwi e mba uhwe mbe Yahuda hwe mun ma ano? i de itke mbo azwi ukin udgo ibu i yun bo ten eke iken etki a ka" ³ azwi Hridus fkan aken wen ma a mbe re e wa'iwa re eba urushelima kata. ⁴ Hiridus tan fun kata mbe Uhwesi de eba ba ambi mbe uten, a ka'e "azwi e ra mba krisiti muma ano?" ⁵ E sha yonna "nken Betalami mbe Yahudiya, etan efu eba yon uvun Emo fu ba mbe hwe iki ino yon ⁶ 'abu Betalami, nken Yahuda, u vowa azwi cika nken bakagi mbe Yahuda bra, azwi mbu ra bo e ba kagi na ra su abgu eyenmi israila. ⁷ ba yun mun e Hiridus ton tan kpu eba ken ten a ka'e ufon na e de itke muma. ⁸ A tkum kpu'e Betalamin yon " eni so ni don bunme imba kyu wen. Eni ma dzu ra ni tkun icun ken ke ame ben so ka ken etkika. ⁹ Azwi e fkan ambi hwe she ma , e biuzi ebun ufu'u, tetite e ghan uci dekya itke na eki ra de ma ra kyun ikiswen mbe a kpu'e ka bwan azwi imba kyu wen hwe funma, ¹⁰ azwi e ghanto e de itke wen ma e caukpin vo na eti mbo dide. ¹¹ E ka fen nken idi wen e de imba de uni. e kpu ekendzun se'iki a ken etki ka. Efko uhu mbe ekpu zibo ambi efo ba ekpu re bo ma e vo'a ivosi re uchin zunigi, ubiu seigi na yun,uwa fge-fge, re myrrh. ¹² Ukachan to ebaten udon nken udda yon eti ghan uci so azwi Hiridus ufi, itki ino e mbe ufu'u na gyen ri ikyu ekaso kya uten azwi e zi mun bo ma. ¹³ Azwi e yun kpure ma e mala'ika mbe ukachan bo Yusufu re nken udda a sha yon "yun etan, umbe imba kyu wen re uni, e ke ni je ka so nken Masar. Hwe azwikan fkan eten na nna shu, de Hiridus ra don ugyon mbe imba wen. ¹⁴ utsu,utsu mun Yusufu bga yun a mbe imbakyu re uni e kpu mbe buzi ka so e Masar. ¹⁵ Azwi a hwe fkan eten uhwefu mbe Hiridus. Ambi na vo e ke aken mbe Emo na afu unu mbe eba yon aken Emo ma bo uzwen " nken uten Masar ntan mbe imba mi." ¹⁶ Azwi e Hiridus de yon eba eken ten ghara egha ma, a zwi ikube kagi'ne. A tkun kpu'e soza bra so aka bwan kpu a biski idzun nken Betalami re uten ba kauce te ma, imba e gyi ifan bi zi e yinfun akpen dke ufon na fkan azwi ebaken ba fu bo tina. ¹⁷ Ambi ke aken mbe Irimiya uswi mbe ukachan fu yon hwe ma bo uzwen " ¹⁸ E fkan dgen-efu nken Ramah, inokpi ikube zwizwi, Rebeka ra kpi ibu-mba ase na ara se ikube iki ken e kya te'a. ¹⁹ Azwi Hiridus fure ma, e malaika bo kya aze Yusuf nke udda e Masar a sha yonna," ²⁰ yun etan u-mbe imba wen re uni eke eni ghan uci so uten mbe israila, eba fu ra don ugyon mbe imba wen fukpure." ²¹ Yusufu yunzi, a mbe imba re uni,e feto so uten Israila. ²² azwi e na afkan yona Arkiliyus hwe asi eyen ri fi uci etki uchen ma azwi imi Ukachan tsun udda ma aken ena aka hwe Galili ²³ a bun ufu'u na Nazarati aka hwe fum. Ambi annabawa fu ma bo uzwen yonna era tan imba Nazaret.