¹ Yesu tan eba ara hwan ten bwo mba ifan funn ake ekie etki mbe nvun zwi-zwi,eke dganzi'e igyi ke eda uma re iteite ne. ² De eben mbe bwo imba ifan ten, eba eken tan re eben yonno eba mbe itsun so. na kaiswen Siman( na era tan yonna Bitrus), re Andrew; Yakubu imba mbe Zabadi, re Yohanna ufginino; ³ Filibus re Batalomi; Toma, re Matiyo eyen bun a gandu; Yakubu imba mbe Alfeyus, re Tedis; ⁴ Siman nasween ikube, re Yahuda iskariyo, na mba kpen aji ma. ⁵ Ebe bwo imba ifan ten Yesu tkun e biuzi igyi. ⁶ A to'e udon a yonna "eni ti so ena azwi mbe ba voa eswi Israila, eni ti ka' a nna uten Samariyawa. ⁷ Ni so azwi ambi usu ba mue te Israila ma; azwi ne kyun ma eni she 'idi mbe Ukachan yan re azwi' ⁸ ni da eba uma, tashi eba fure, sakye eba uma uhwe ke eni dganzi nvun sigyo. Ene dzu re iswen eni kere iswen. ⁹ Ene ti konna, azurfa re zinariya aze uhu kon abgu mbene'a. ¹⁰ Ti mbena uhu kagi na zi eken azwi ikyun mene'a, ene ti konna ambi fken igyi, re ambi tku afkan, re utsun kyunikyu, ken eyen aten do'ani'a ambiji. ¹¹ Uten na eni ma kare fum ene don eyen isi nken, ke eni hwe fun fkan aten eni yun. ¹² Azwi eni a ka nken idi, eni be ino. ¹³ Nke idi ma si, eni ke gyenshun mbene ra hwe. nke na ama sigyo, gyenshu mene a ghan to bo azwi mene. ¹⁴ Ena mbe ba se mbe ekpe ene'a, ekpu fkan aken mene, nke eni ma ra yun idi fun, ene be kpu ichi afkan mene sere fun. ¹⁵ Nna she ene uzwen, a si'a ke uten Sodom re Gomorrah ukin kpen ehwan etki mbe uswi uten fum. ¹⁶ Ene gyi aken nna tkun zena iton nken mbe dzonjon bra, ene hwere egha mbe uvgin, ke eni ti tenna ufo'a ze a na ebbo. ¹⁷ Eni kpe ugyo mbe eyenhwe! Era bun kpu ene ake eba kpen ehwan, era fkon ene nsama nken ikpi mbe Ukachan. ¹⁸ Nino ekpu ene so ikiswen mbe bagagyi gwanati re be hwe bra etki mi ahwere e shiada re eswi ba vo'a Isreaila ma. ¹⁹ Ke kpu ene so re azwi ten, eni ti wanna ewa mbe ambi na eni yo'an, era kie ne ambi eni yon ufon fun, ²⁰ ken vo'a abine ra yon aken asi'a nvun mbe atta mene ra yon aken afufi mene. ²¹ Ufgini ra mbe ufvinino akie eba ize ra bwan, atta ra mbe imba mbo a vo nino. imba bra mbe atta re aya mbe ake abwan, eyenhwe ra ze ene etki eben mi. ²² eyen na ma zwen ikube ka biu nhwen ra dzu ena fkazizi. ²³ Ke ema vo shi ene uten wen ene che sku fen uten nagyen, nna she ene uzwen eni ta kyun a hwona uten ba te Israila ma imba-eyenhwe bi biure. ²⁴ Eyen ra hwan aten ra tkan na ra hwan ama'a. vo gyi ana eyen hwan aten ra hwe ze'ana eyen na hwan ambi ma. ²⁵ Nino uswi ra hwe zana barmi-idi mbo ma. ke na ema tan barmi-idi re eben beelzebul, eben sigyo na ene ra de era tan ba nken idi nma ra hwe hwe eni! ²⁶ A hwe ino wen eni ti kyen eba, ken kata mbe ambi na e ciken mba hwe, e fkoto are, re ambi na hwe uton ema si itanmban. ²⁷ Ambi na Nshe ene nken ichefu, ene yon ukin, ambi na eme to nanusko ku, ka mbe tko yon uto, ²⁸ i ti ken afuken mbe eba bwan mbe igyi ebwan ka'a Nvun. Ahwe ino, ene kenafuken mbe eyen na vogyi ana ara voji'a to igyi re nvun nken idi ufi. ²⁹ Aku'u ifan voa ekpen ra ji ra asho cika'ine? nino e kpu'a iki nke atta mene ma gyi. ³⁰ Ihiu iche-etki mene ekpen-kpure. ³¹ Ti kanwa afuken. efo mene tkan ambe itso aku. ³² A hwe ino eyen ne ma yon aken mi azwi eyenhwe, ambe nna yon aken mbo ikiswen mbe atta mi na hwe Akpo ma. ³³ Ke eyena ma yon ka aken mi azwi eyenhwe'a ame ben nna yon ma aken mbo ikiswen mbe atta mi na hwe Akpo ma. ³⁴ Ti tku nna mbe azuwe udi bo azwi igigyi ate. Mbe ma azuwe yanshun bo, mbe a ehwan. ³⁵ Nbo na nna ke eyenhwe ra dzu ebwa re atta mbo'a, re imba buro ati dzua ebwa mbe uni'a, indo ban re ughi no na edo eti dzu ebwa re egye, ³⁶ eyen ize mbe eyenhwe ra zi mbo re nken idi mbo. ³⁷ Eyen na ma chon atta a'u ayyumba tkan a me fkiana na ara hwe na mi'a; ke eyena chon imba idzu a'u na do tkan a me afki na hwe ena mi'a. ³⁸ Eyen na ma tken mbe uti ikanmbo ke a bwen mbra ata fki'ana ara ba ame'a. ³⁹ Eyen na mara dgen ugyon mbo ara do ani'a. nke eyen na ma doni ugyon mbo etki mi ara dzua. ⁴⁰ Eyen ma kpe ene akpe ame, eyen na ma kpe ame ara kpe re eyen tkun bo ma. ⁴¹ Eyen na ma kpe annabi etki na a hwe annabi ra dzu ambisisi mbe annabi, eyen ekpe eyen kikye etki ena a hwe eyen kikye ra dzu ambisisi mbe eyen kikye. ⁴² Eyen ma mbe enuben ke ba cika ten etki na e hwe ba ra hwan aten azwi me, Nna she ene uzwen ara don ani'a ambisisi'a.