¹ Teite azwi Yesu ke zwe eba ra hwan ambi abgu ten ma, a mbe ambo yun ka zu udon ituto mbeUkachan nken uten bagyen. ² Azwi Yohnna na vo batisima fkyan ambi ba ara vo ten ma, atkun ebahwan ambi abgu mbo so azwi mbo ³ yonna , "a bu u hwe eyen na ra bo ma,? Fen ikpe ugyo ikiswen." ⁴ Yesu she yonna " ni ka she Yohanna ambi eni de ma. ⁵ Eba bgan ashi ra de azwi, eba fwe afkan ra kyunikyun, eba uma uhwe ra dzu na kikye, aken eskun ghanto ra fkan re aken, eba fufu e tanshi kya ra kpu'e,ashe isi mbe idi mbe ukachan e ra ke eba dzudzu. ⁶ Ambi sike eyen na ra teauti te etkimi'a. ⁷ Azwi eba hwan ambi abgu mbe Yohanna ten nghatore ma. Yesu tso aken nyonetki mbe Yohanna aka eba ra te ma " ambi eni biuzi ka ra de nken abinma ekon ahunkan na ugyo ra poan ma? Ambieni ka ra de ma ekon eba ambi vo-igyi kagyi?. ⁸ Nna she ene uzwen eba ambi vo-igyi kagi ra te usunkpe mbe behwe. ⁹ ino wen nkara kya ene ambi eni ka ra de ma ekon e annabi? Nna she ene re'ufi a tkan annabi. ¹⁰ Awen eyen efu ba ufka etki mbo ma ' De, Nna tkun eyen kpe ichun me, kaiswenmbu, ka aka kya azwi mbu teba uru.' ¹¹ Nna she ene uzwen, nken mbe eba buro mba asi eyen tkanYohannana vo batasima hwa. A hwe ino wen eyen na hwere efo cika,ine idimbe Ukachan tkan. ¹² Ndge eten mbe Yohanna na vo batisima bo ukin na ten idi mbe Ukachan vo ekan aken'ikyu Era don ba ra zwen ikube ekanmbe aken'ikyu eke kpe mbe. ¹³ Kata mbe annabawa re udon fu yon aken ra tete bibiu eten mbe Yohanna; ¹⁴ nke ni chon eni kpe a hwe Iliya na efu a bo ma, ¹⁵ eyen na ma hwe yentkun afkan. ¹⁶ Ambi na mbe eba uten wen ahwa re de ma ekon? ehwe zena ebiski ba ra zi amendgo etan ra tke'egyi'e, ¹⁷ era yonna iven iho eni wonna ikya'an, i to adgenfu ene kpina ino'a.' ¹⁸ E Yohanna bo ara ji'a ara vo'a eni yon ari hwere ugyo izwi, ¹⁹ imba eyenhwe bo ara ji ara vo eni yon 'eni de imba ska iji re eyen vo swen ezwen, idgho mbe ebe kpe gandu re ba ambi zwi-zwi,' utsugha fkarazi azwi abgo atenmbo. ²⁰ Yesu fkanetkun aken ndne re utenba avo ambi uchoapi nken mbema, etki na e se'ena era to ambi zwizwi re. ²¹ " ishishi mene. Chorazin! Ishshimene, Bethesaida!ke ambiba Nton vo nken mene ma, eki vo nken Tyre re Sidon, nmuine aki'a to ambi izwi mbe re inokpi re itken zwi ikube, re uken ethki. ²² A si a ke Tyre re Sidon etki mene ukin kpen ehwan. ²³ A bu e kaparnaum, ti tku na e vunmbu a tko akpo'a? Nda, embu a kpu ka si ehwa uffi. keambi kagyi ba evo nkenmbu ma, ka a ki nken Sodom eki ta hwe mbene a bo ukin na ten. ²⁴ A hwe inno wen nna she ene ara si ake eba Sodom ukin kpen ehwan etki mene." ²⁵ Ufon wuna Yesu yonna, " nvun eben mbu atta, Barmi-idi mbe akpo re ikihwe, etkiena umbe ambi te ton eba egha re eba gyi ambi, ubun mbe tsunke a biski . ²⁶ Ino atta, kenna a hwe ambi ten utsu azwi nbu. ²⁷ Ambi kata atta mbe kene abgu; eyen na gyi imba hwa atta mba gyi asi, eyen gyi atta hwa imba mba gyi asi. eyen na imba ma samere ara tsun'a. ²⁸ Eni bo azwi, mekata mene ba itken ra dzu'a era vo ekanma , ame nna ke ene tke uhgyon. ²⁹ Eni tken itken mi , ene hwan azwi mi, nhwe eyen dow etki iki,nhwe re ikube yanshun. Eni dzu ugyon itke mbe etki mene. ³⁰ uti ho mi yen igyi itken mi dzo-dzo"