¹ Ufon ugyen Yesu rakyun nken ini ambi ukin asabar, Eba hwan ambi abgu mbo ten ubgha bawn'e e feke etki ini ambi ten se unu era huhwo. ² Azwi farisawa bra de ma, e she Yesu " de eba ra hwan ambi abgu mbu ra karayen udon mbe ukin asabar" ³ Yesu she yonna " eni ta kpenfkana'a azi iba ambi Dawuda fu vo ibu re abgu eyen mbo bra? ⁴ A fu ka ka ikpi mbe Emo aji ambi iji mbe ebwaswen, na udon yon ati ji'a, re bara te ma ben, Uhwe si mba ki aji. ⁵ eni ta kpen fkanna iba nken udon yon ukin asbar Uhwesi bra vo ra zwi ipki mbe Ukachan e hware edan? ⁶ Nshe ene eyen tkan ikpi mbe Ukachan hwe ate. ⁷ Ke eni ki gyi ambi era kpen " nnadon itoshi vo'a hadaya; eni ki ambe eyen hwa re edan a bwan nna. ⁸ ken imba yenhwe hwe barmi idi azwi e sabath." ⁹ Yesu ba yun akasi nken ikpi fun etki mbe. ¹⁰ Teite, eyenugyen na hwe re abgu mbove bumme hwe. E farisawa ba tefun ma ka Yesu yonna "udon kpe ino e da uma kin tke ugyo?" era don na ke tsu ufu'u na era ka edan. ¹¹ Yesu she yonna" Aban nken mene na ambi usu ugyen mba, ka si ta nken ehwandgun, ukin asabar ka a ve mbe mba? ¹² Iton re eyenhwe ena ni fo tkan. A hwe ino wen udon dgan'a ambi si ukin asabar." ¹³ Yesu sheeyen wen " dno to abgu mbu." a dnoto abgu mbo e kie mbo kya zena abgu na gyen. ¹⁴ E farisawa bra biuzi igyi e ka fun unuswen na bwan mba. ¹⁵ Azwi Yesu de gire ino ma a ban fen ishun ugyen. Eba uma ifkine bwe are a da kpu'e, ¹⁶ a to'e udon iti she eyen ugyen'a, ¹⁷ ke uzwen mbe ambi annabi Ishaya fu yon hwe pku ma more fum. ¹⁸ " De, uswi mi na nhwo mba ma, eyen echon mi nanna ten ikube re do. ara tan ehwan etki aswi ba te Israila. ¹⁹ A ra dzuaidzu ara kpi'a ino'a eyenra fkan-aba aken unu'a, ²⁰ ara fe ake'a ahunkan na tken re, a fe a den'a ekona razi uvu'u, fkan eten na ake Uzwen ra ji etsu, ²¹ nken mbe eben mbo eswi ba ufi ra te utsu nken eben mbo. ²² E mbe eyenugyen na nuvun izwi te mba hwe, ara de azwi aken ra yoan aken'a bo azwi Yesu, a da mba, eba te fum ma de eyen wen ara yon aken , ara de're azwi ma, ²³ kata me e kpu etkan e yonna" eyen hwe imba mbe Dawuda? ²⁴ Azwi farisawa bra fkan ambi uchapi na avo kyama e yonna," eyenwen ra dgan Nvun sigyo re Beelzebul uhwe mbe nvun sigyo," ²⁵ Azwi Yesu kpe gyire ma she yonna," kata mbe idi na koko te ra bgan, re uten na ma kokpu egyo sen hwa. ²⁶ Nke shetan mara dgan shetan. ambi ke idi mbo senhwe ma ekon? ²⁷ Nke nma ra dgan nvun sigyo re Beelzebul, re ekon ibumba mene ra tkan'e ebiurazi? Etki ena ibure wen ete asi ba ra kpen ne ehwan. ²⁸ Nke nanmara dganrazi nvun sigyo re nvun mbe Ukachan, ke idi mbe Ukachan bo re etki mene. ²⁹ Nvene eyen ra ka idi mbe eyen na hwe re ekefugyi ara swiuswi a kaiswen te aba ba nigyi? aken swi itken ba te nken idi ma. ³⁰ Eyen na ma hwa re den'a a hwe eyen ize mi, eyen na ma fun re den a bera nshen. ³¹ ahwe ino Nna she ene, ambi izwi re aken zigyo e vogyi na e toa ke eyen, ke eyen na ma yon aken idegha etki mbenvun mbe Ukachan, mbe toaka mba'a. ³² ke eyen ma yon aken idegha etki mbe imbaeyenhwe, e mbe toaka, kata mbe eyen nama yon aken ide-gha etki mbe Nvun kikye eto ra ka ma, igingyi ete'e re na ra bo wen. ³³ Kya ke uti-ambi asi avan mbo ra si, a'u vo mbe uti-ambi nghanna sigyu avan mbo ben ra hwe e na sigyo. Ede ra gyi uti-ambi azwi avan mbo. ³⁴ A bine eswi ikeban, ene hwe tore eba sigyo,vene ke unu mene ra yon aken isi? nken ambi na hwe ikube ibure unuswen ra yon. ³⁵ Eyen isi ra yon ken isi ze utsu isi a tku hwe ikube mbo ma, eyen sigyo ra yon aken sigyo azeutsu sigyo a tku hwe ikube mbo ma. ³⁶ " Nna she ene ukin kpen ehwan eyenhwe ra ke ihu mbe aken sigyo mbo a yon te ma, ³⁷ etki aken mbu ura fka-azi etki aken unu mbo ku ura ka uffi." ³⁸ Ebabaufka re farisawa bra takpembe aken fune she Yesu " ira don na iki a de eken ugyen azwi mbu." ³⁹ Yesu she yonna, "eba eten sigyo re uni ntan ra don eken. ehwa re eken naera de nma vonzire eken mbe annabi Yunana. ⁴⁰ Azwi Yunana dow nken efu mbe igyu utchu ita ma, azwi imba eyenhwe ra hwe nke umui uchu ita re ukin ita. ⁴¹ Eba Nineve ra sente re eyenhwe ba eten wen ukin kpen ehwan ta'e azwi ehwan,etki na ebe efkan akenmbe Yunana afkanugyen e che to ambi izwi re, eyen na tkan Yunana re ne hwe ate wen. ⁴² uhwe-eburu na na ukindgo ra sen hwere eyen mbe eten wen ukinkpen ehwan a mbe ra ta, ken a yun azwi tswan-tswan ine abo fkan aken utsugha mbe Solomon, eni de eyentkan Solomon hwe ete re de ene. ⁴³ ke nvu izwi ma biuzi igyimbe eyenhwe aka re tko ra kyunra don azwi na arakafun, ka ma dzu, ⁴⁴ ara kpen yonna nghanuchi 'ka so azwi nki biuzi wuna' ka ma bo, ade egyo ta mbe hwe eyen ugyen hwa nken . ⁴⁵ Aka so aka tan rakpu nvun itufan ba tere e kefugyi tkan ibu akpu bi ka kya nken igyi, Igyi mbe eyenwen zwi tkan na kama, azwi ara hwe ino re eten sigyo wen." ⁴⁶ Azwi Yesu hwe nken ra yon aken re eyen ba fun te ikiswen mbo ma, ayya mb re befginino bo era don na era yon aken. ⁴⁷ Eyen ugyen sha " de, aya mbu re befginmbu bi te era dona eki ru yon aken." ⁴⁸ " aban hwe re eba ni hwe asi befginin mi?" ⁴⁹ A dno to abgu mbo a yonna de, eten te asi ayami re befginimi! ⁵⁰ kata mbe eyen na ma ra vo ambi atta mi akpo ra chon hwe asi ufgini, nani, re ufgini mi bra."