¹ kin ugyen Yesu biuzi nken idi aka hwe a tkun ugyi. ² A eyenhwe ifki'ine be fun ikiswen mbo, aka ka nke ugha ame ichi huhwefun, kata mbe eba bo ma sente agon. ³ Yesu yon aken tkoho ine nken nunfin. ⁴ Yonna, eyen ugyen kara to itsu ivo mbo. itsu bagyen si etki uf'u, itso bu ton kpu. ⁵ ebgyen si azwi isho inchen te fun, ikihwe fki'e mba. teite zi tkubo ⁶ azwi ukin ta'e ma e bun kpu ayin ken ikihwe fki eba. ⁷ Itsu bagyen si nken mbe uti'izwi. Uti'izwi ten kye tko eben tekpu'e. ⁸ itsu bagyen si se azwi ikihwe isi e mba ese inin, kagyi ne, azwi bagyen uhkan uji'itkun, azwi bagyen uji'ita, azwiugyen a bwota. ⁹ Eyen na ra kpe askun a fkan zimbo. ¹⁰ Eba hwan aten azwi Yesu e yonna, "ekon ke u yon aken nken uvon nufin?" ¹¹ Yesu she yonna, " abene ekie ene ufu'u na eni fkan ekpan nfin, re ambi ba te ambi uton mbe idi mbe Ukachan, ebe e ike eba. ¹² etki ena eyen ma hwe re ambi, ifki'ine e tkere ka. Eyen na dzute'a ambi, cika a dzu te ma, ekpe kyambezi. ¹³ Awen ambi kie nyon aken re de nken ekpan infin ma; e hwe re eningyi,hwe zana era de ma; e hwere yentkun zena ara fkan 'a ma, ¹⁴ etki mbe aken mbe annabi Ishaya bore uzwen, na yonna 'na nfkan era fkan zena efkan'ama, era de mbe nne wen zena era de'a ma. ¹⁵ Etki ino ikube eban ten yenre nyen, efkan dgore aken, eningyi mbe chikenken hwe, ke eti de'a re eningyi mbe, a'u e fkan re yentkun mbe, a'u egyi re ikube, ke tobighan a bo ke nda kpu'e. ¹⁶ A sisi ke eningyi mene ken era de; re yantkun mene ra fkyan. ¹⁷ uzwen nna she ene annabawa ifki'ine re eba kikye fu don na era de ambi ba eni ra de ten edzu de'a, don na eki a fkan ambi eni fkan ten, efu dzu fkyan'a. ¹⁸ Eni fkan sisi ekpan infin mbe eyen ivo wen, ¹⁹ ke eyen ma fkan aken mbe idi mbe Ukachan a fkangyi, e shetan ra bo azwi ra mbezi ambi na e mbe tko ikube mbo wuna. awen itsu na ki si se etki ufu'u wuna. ²⁰ Ambi na e mbe tko nken isho uchenna, eyen na fkan aken mbe Emo a kpe ra kiefigyi re utsu tenten, ²¹ azwi a hwe fum wen a hwa re akpo ken ikihwe fki mba'a, ikube nzwen mbo ra mbe ufon, ka ma dzu si ekan etki aken mbe Ukachan, ara kpu re nmu-ine. ²² Ambi na si ta nken uti izwi ma eyen na fkan aken mbe Ukachan ake echon mbe ambi azwi igigyi re eghangha na dzu ambi igigyi benne to'e a kya van ka avan. ²³ itsu na etko azwi isi wuna, eyen na fkan mbe aken fkan aken mbe ukachan a fkangyi ambi era yon ma, a van avan a mba kagyine a se ini uji itkun, ujita, re ebota, mbe na efu tko ma. ²⁴ su she kya aken na gyen," idi mbe Ukachan hwe zena eyen ugyen mbe itsu isi ka tko ivo mbo. ²⁵ Azwi kata mbi kare edo ma, eyen ize mbo mbe itsu abin be tko nghon fum a zi yun, ²⁶ azwi itsu zi era mba imba mbe ma abin se re hwe nken. ²⁷ Uswi mbe etawan ivo wen bo azwi mbo e yonna 'barmiidi, vo'a itsu isi u tko ivo wuna? ekon vo'asi abin nghon hwe fun?' ²⁸ A she yonna 'aten mbe eyen ize' uswi mbo ka yonna ura chon ika hwokpu'a ezi? ²⁹ Barmi-idi mbe yonna 'ndna. azwi ni ka ve hwo abin eni hwore innambi bo. ³⁰ Eni tore eke kietko igigyi fkan eten era bwen. Kaiswen Nna she eba ra bwen ma ekaiswen kan kpu abin ten e to tkenkpu, inna-ambi ekpu fun azwi ugyen e tken kpu kase ane udzun." ³¹ Azwikan Yesu she kya'e ekpan ifin nagyen. yonna " idi mbe Ukachan hwezi ana ini e mustad na ema mba tko nken ivo. ³² Ara zi era kie ra tko kagy ine, ini ambi swinswin ine tkan iniambi ba ufi, ama kie re ara nghan utiambi kagyi, ara su asu, ara hwe chata ine itso bira kya afku etki mbo. ³³ Yesu fkantkun mbe nunfin na yon " idi mbe Ukachan hwe zi ena yisti na eburo mbe dghon azi esu bwe mbghan ka ara dne ara tko tkuho ine. ³⁴ aten kata Yesu yon ekpan ke; a yon aken ugyen vo'a rena nken nunfin'a. ³⁵ Ahwe ino ke ambi ba uswi mbe Emo fu yon te ma ebo uzwen, " nna gho unuswen nken nunfin. Nna yon ambi ba fu te uton ukpi eten e fu mo azwi igingyi" ³⁶ Yesu yun toere aka si kya nken idi. Eb hwan ambi abgu mbo bo azwi mbo eyonna "she kya'i ini mbe nunfin mbe ini abin wen" ³⁷ Yesu she "eyen tko itu isi wuna imba eyenhwe. ³⁸ Azwi ivo fun azwi igigyi, itsu sisi ten ibu-mba idi. Abin ten ibu-mba ambi izwi, ³⁹ re eyen ize na kpu'e tko ma e shetan. ambi nbwen wen na nhwen mbe azwi igingyi, eba ra bwen ma e malaika bra. ⁴⁰ A hwe ino ma azwi e fum abin ten ekpu ka to tken uffi, azwi ara hwe ino ukin hwen hwen ⁴¹ imba eyenhwe ra tkun malaika mbo ezi ka tan fun akpu'izi nkan idi mbo ambi ba fu mbe ambi zwi-zwi bo ma, re ba vo ambi izwi te ma. ⁴² ekpu'e to nken uffi azwi era kpi era dson abbon. ⁴³ Ino-nigy eyen ba te eba kikye ma ra gha -ugha nken idi atta mbe zena ukin ma. Eyen na ma hwere e yentkun afkan a fkan gyi. ⁴⁴ Idi mbe Ukachan hwe zena ambi efho nken azwi. Eyen ugyen ka dzu mbe a mbe ton sikyasi. A ten utsu aka so ka kpu ambi ba ate re do ma kata kpen ji aka kpen mbe azwi fun. ⁴⁵ Re-ufi idi mbe Ukachan hwe zena eyen na tobighan abgu ra kyun, ara don azswi ⁴⁶ Azwi a tsu re ma aka kpu itken mbo kata kpenji abi kpen mbe. ⁴⁷ Re ufi idi mbe Ukachan hwe ake eti kpu se enuben ma. ara bun ambi re iteite ne. ⁴⁸ ka ama mbgha re, eba bun igyu ve mbe ra tko a gon. Eken mbe itishe ra te era von ambi ba isi na ake bun ten ugyen- ugyen ra se itishe, eba sigyo akpu ra bow abin. ⁴⁹ Eni de zwi nhwen mbe azwi igingyi ra hwe ma. E malaika ra kaiswen a bo ekoto eba vo ambi izwi re eba kikye. ⁵⁰ Ekpu eba vo ambi zwi-zwi ten to nken uffi azwi era za unu re uhuto, re dzon abbon. ⁵¹ Eni fkangyi re ambin ten? E "kpeino," ⁵² Yesu she yonna eyen ba ufka na ma nghan re eyen kpe ambi nhwan tkere re idi mbe Ukachan a hwe zena barmi-idi na kpuzi itken ififi re na ukpi nken azwi udgen mbo. ⁵³ Azwi Yesu yon zwe ambi nunfi ten ma , yun azwikan. ⁵⁴ Yesu ka nken uten mbo a hwan ambi nken ikpi mbe Ukachan. eba uten fun kpu etkan mbo yonna " azwi eyen wen tsu egha re ucho-api ara vo ten ma athon? ⁵⁵ eyen hwen vo imba mbe eyen ken-aban ikpi hwen? aya na mba ma vo'a e Maryamu? Vo'a be vignino Yakubu,re Yusufu, re Siman re Yahuza? ⁵⁶ E be nanino ni tere a tehwen? Azwi mbi aka dzu ambi kata ma athon?" ⁵⁷ E vozwi ikumbe re do. E Yesu she yonna " eyen yon aken mbe Ukachan hwere efo nken uten mbo re azwi ba nken idi mbo." ⁵⁸ A vo'a ambi ucho api ifki'ine uten mbo etki mbe ena so'a uzwen ma.