¹ Ufon na ambi ten ra vo ma Hiridus natetrach fkan a she etki mbeYesu ma. ² A yonna " a wen von azyi'a Yohanna na vo baptisma; a nghan uchi shire azwi eba fure ma. ambi ke a hwere ekie ten ma." ³ Hiridus ke bun mbe Yohanna chu ikpi etkimbe Herdias, ugho ufginino e Filibus. ⁴ ken Yohanna ra dne aken " uvo giwa, asigyo na ura kpe mbe ngha ughu'a" ⁵ Hiridus ki ke mba abwan. akensi ena eyenhwe mbe Yohonna annabe. ⁶ Azwi Hiridus ra ten utsu, mbe ukin na efu mba fum ma imba buro mbe Herodias hwo ikyan ikiswen mbe baken ba kagyi na funte fun ma, ⁷ Hridus ten ikube ayuntkuzi attan adan-efu yonna ambi na imba wen ma chon re ara ka. ⁸ Azwi ka uvun mbe Unima, anghan to bo a yonna "Ke etki mbe Yohanna na Batisima nken udhahu mbe konwen." ⁹ Afkan eska mbe ubgu mbo wen, aki dan tore efu rena a de eyenhwe ra te ma, a ke uvun yon aka vo ambi imba wen ra chon ma. ¹⁰ A tkun e ka gye mbe etki mbe Yonna nken azwi emba chu hwe fun ma. ¹¹ Embe etki fun nken udhahu bi ka a tken mbe ka ke Uni. ¹² Eba fu ra hwan ambi azwi mbo ma bo etken mbe ehon mbo ka nghin, azwi ezwe ma e ka she Yesu. ¹³ AzwiYesu fkan ambi tenma a yun nke ugha enuben ka so azwi na eyenhwe hwa fun'a. Eyenhwe kpe gyi azwi a hwe funma e bwe a-re ¹⁴ Yesu bo azwi e fun te funma, a de ifki mbe ambi fun ka ishishi a da kpu eba tere uma nken mbe ma. ¹⁵ ukin udgo vo, eba hwan abgu aten mbo bo azwi mbo e yonna " azwi wen azwi ubun, ikin kpu re. Tore eka so, debun era ka nken uten ba te yan azwi ten ke kpen ambi iji ke etki egye" ¹⁶ Yesu she yonna era so azwi ugyen, abine eni ke ambi iji ke eji." ¹⁷ E sha yonna, " ambi te re do ate ma a mghan itkun re igyu ifan buba." ¹⁸ Yesu yon "eni kpu buken" ¹⁹ Yesu ke eyenhwe tkoho ineten teikihwe etki abin. a mbe amghan re igyu ten abgu mbo. a mbe etki attan, a yonaken isi etki mbe aken cha bwo ke eba hwan ambi abgumbo, abe echake eyen ten. ²⁰ kata e ji e ben. E befum kpu eba dan mae mghan itishe bwo imba ifan. ²¹ eba ji danambi iji wen ma eyen uhu uji itkun. ²² Re azwikan ake eba hwan ambi abgu ka ugha nuben ekaiswen yen kazi kiyen na gyen, ibu a she eyenhwe ten yon aka so mbe ²³ azwi to re iso re eyen ten ma, a tko etki ka foufo. azwi dnow a hwefun ibwareugyon re, ²⁴ ufon wen ugha kyun tswan re azwi agon, evu kagyi ra pon ugha. ²⁵ Ukuko utchu Yesu kyun etki e nuben ra bo azwi mbe. ²⁶ azwi e da kyun re bo etki enu ben ma ekenfu ken e bevun kagyine "ugyo," ²⁷ nmuine Yesu yon aken" eni zwen ikube nnabo ame! ti kenna afuken." ²⁸ Bitrus fkounu yonna " barmi-idi ke a hwe abu,ke ame ben nkyun etki enuben." ²⁹ Yesu sha yonna "bo." Bitrus yun etki enuben a kyunso azwi Yesu. ³⁰ Azwi Bitrus de evu enuben ma, a ken afuken. Ara de ma shiraka nken enuben, a be evun " barmi-idi fkazin!" ³¹ Nmuine Yesu mbe abgu, atebun mbe Bitrus a sha " uhwere, bangakiya cika ine, ambi ke gye ikube ma ekon?" ³² azwi Yesu re Bitrus ka nken ugha ma evuenuben wen swenkpu. ³³ Eba ten nken ugha ma ken etki ke Yesu e yonna "uzwen uhwe imba be Ukachan." ³⁴ Azwi sizire ken yen fun ma, e so azwi era tan yonna Gennesaret. ³⁵ Ebazwi kan de ghyi Yesu, e tkun itsun azwi ba te yan azwi ma, e kpu eba uma mbebra bo azwi mbo. ³⁶ E bgu'ayan eba ten e cho mbe abgu azwi atkun atukpu mbo, kata mbe eba cho abgu atukpo fun ke uma.