¹ Yesu she kya aken fun ufyi nken nfin, nyona, ² " de idiakpo hwe ze uhwe na kya mbe ufgen re iji-indo ifi. ³ A tkun to ebe-uswi mbo eka tan eyen ba efu ke idno-tan mbe ambi-ji indo ifi, a ma abe ebo ka'a. ⁴ Ufyi uhwe tkun kya uswi ba ugyen, nyona, "She be eba e tan-idno, "Ede, N kya-zwere ambi iji-ji. uswin-ibwen re indo'u-eswe mbwan, re ambi kata te-zwere. Bo azwi mbe ambi-jiji indo-ifi."' ⁵ A ma etai ikube e ka so ikyun mbe, ugyen ka fen ivo mbo, ena-gyen fen azwi ambi-tsu mbo. ⁶ E ba dantema wunfkan-kpu ebe-uswi'uhwe, e-vo'eshi'e re igyubi, e bwan kpu'e. ⁷ Uhwe yun-uyun a tkun eba te'igyi-kpu'eka-mbo, e bwan-kpu eba bwan eyen ten, etoutken uten mbe. ⁸ Atene a she ebeuswi-mbo, 'Debo indoifi hwere, a ma eyen ba etan-idno e kpe'mbe. ⁹ A hwe ine hwen so ufu'u tkihwo eke-yen efun ke'u utan eyen'uhwe fki-fki ne azwi ambi-jiji Indo ifi etan na uma dzure.' ¹⁰ E be-uswi biu zi etki ufu tku-hwo e befun Imba eyen udidi kata mbe eba edzu'e, ena sigyo re na isi. Ate ikpi indo-ifi mbgan-bibi re e ba kyen bra. ¹¹ A ma eten na uhwe ka si bo nken a de e banghagi-ebidzun hwe fun a se'a ambi-se igyi indo'ifi. ¹² A te uhwe she nyona, 'Idgoh, uve-vo ne ubo nken ate vore itken-indo'ifi?' A ma e banghagi-e bidzun nyo ka aken. ¹³ A te uhwe she ebe-usw, 'Te mbe e banhgagi hwen abgu re afkan, u mbe to nken ehwa iche-fu kyukyu, azwi na ara chen egyen a ra di'e abon.' ¹⁴ E ra tan eyen kagi ne, a ma eba sakpu ma chika ne." ¹⁵ Ate ne e falisiyawa biuzi era don eta na e tka-bun mbe Yesu nken aken nyo mbo. ¹⁶ Ate etkun eba hwan-aten mbe azwi mbo,udidi re eba re Herodiawa. E she Yesu, "Eyen hwan ambi, abi igyi na a bu u hwere uzwen, u ra hwan ufu mbe Ukentchan nken uzwen. U hwa ra gyiwa utsu tku-tku mbe eyen ugyen, u ra tsunwa na kuko uwu mbe eyen-uhwe. ¹⁷ Ahwe ino she abi, ambi ura tku? A hwe itso-siehwa na ekpa asho'uji ke caesar fenn eti kpa?" ¹⁸ A ma Yesu gyi'e utsu sigyo mbe a nyona, "Ekon vo-asi ura mbou ame, a bu eyen vo ambe egi? ¹⁹ Tsunm asho'uji fun. Ate e mbe a denarius ke'a. ²⁰ V 20 Yesu She nyona, "E viun re eben mbe a ban hwen?" ²¹ Abe e she nyona, "caesar. "Ate Yesu she nyona, "Ino ke caesar ambi ba te a mbe caesar e ke Ukentchan ambi ba te ambe Ukentchan." ²² E ten efkan ino ma, e kpu etkan. ate e yun tore eka so ikyun mbe. ²³ Uken mbi Saddusiyawa ba ugyen, eyen ba nyona e na yun-yun hwere, e bo azwi mbo. E ka aken-ka, ²⁴ yona, "Eyen hwan ambi, Musa fu nyo, 'N ke na eyen'uhwe ma fure ahwe re Imba, ufgni mbo a mbefi ugho mbo ke amba-Imba fun etki mbe ufgni mbo. ²⁵ Ebefgni itofan te fun. E na ka iswen ban eblo afu tore. Amba- imba re do, ato ugho ke ufgni. ²⁶ Ufgni-mbo na to-ifan vombo re ino, re ino na toita, kata itofan ufu ugyen e kpu. ²⁷ E yenfun mbe kata, Imba-indo fun afu. ²⁸ Ndin-hwen nken uken na yun-yu, Imba-ro fun ra hwe ugho mbe aban nken mbe ebefgni itofan ten? Kyen na abe kata mbe e mbe fkan ra ugho-mbe." ²⁹ A ma Yesu kpeidno a she, "E ne dan'edan, etki na e ne gyina iba mbe ufka kekke fenn e ke mbe Uhwe'Emo. ³⁰ Nken uken na yun'yun era ban eblo e ra ke indo etki udzun-ban. E nuswen na hwen, e ra hwe zie Nviun-uswi'aten nken akpo. ³¹ A ma aken tkire e na yun-yun mbe ba fu'fure, e ne kpen na ambi na efu nyo ke ne azwi mbe Ukentchan, nyona, ³² 'A me Ukentchan mbe Ibrahim, Ukentcha mbe Ishaku, Ukentchan mbe Yakubu'? Ukentchan hwere Ukentchan mbe effu'e, a ma ambe ba te uwun." ³³ Azwe Imba-eyen fkan ino ma, ebe'eme azwe ambi- nhwan mbo. ³⁴ Ate azwe Falisayawa efkan na Yesu nyo hwenre sadikiyawa, ebefun etke-gye udidi. ³⁵ ugyen nken mbe, eyen-kpen ehwan, ka aken'ka, a mua da'e--- ³⁶ "Eyen hwan-ambi, uvun aken na ni hwan tkan asi nken mbe udon?" ³⁷ Yesu she nyona, '''chon ebarmbi-idi Ukenchan'mbu re kata mbe ikube mbu, re kata mbe ugyonmbu, re kata mbe utsu-mbu.' ³⁸ E na hwen na tkiho na ka-iswen mbe udon. ³⁹ Re na to ifan mbe udon na zimuzie----'chon ena idi-atko'mbu ze tke-kyu. ⁴⁰ Etki udon ifan ten zente kata etki ambi-nhwan re ebeuswi-aten. ⁴¹ N din hwen etan na falisiyawa bra eta funte udidi, Yesu kae aken-ka. ⁴² A nyona, "Ekon nera tku etki mbe Krisiti? Ibu a hwe Ufgen aban?'' E she nyona, "Ufgen Daude.'' ⁴³ Yesu she nyona, "Vo'e ne ke Da'ude nken nvun atan ibu ebarmbi'di,nyona, ⁴⁴ 'Barmbi'di she Ebarmbi'idi-mi, "Hwe abguji-mi, fkanze n na kpu eba Ize-mbu ambi che itapa-afkan'''? ⁴⁵ N kena Da'ude a tan Krisiti "Barmbi'di,' vo'ene a ra hwe Ufgen Daude?" ⁴⁶ Eyen ugyen kya kpe idno she aken'e, ate eyen na zwen ikube ka aken ufie azwe uken fun kya so.