¹ Azwi Yesu re bachen-mbo era yan re azwi urushalima evonzi Bsthphage, era so Ihwen zetu, ate Yesu tkun bachen ifan, ² A yon she na, "So nken uten na yan azwi, re abgu-fun ura de uyon te mu re imba-mbu. Ufkun-kpe ukpu bo ken. ³ Nke eyen na ma yon aken ugyen re du etki'mbe, u ra she, 'Ebarmbi-idi ra don'asii; eyen mu abgu-fun tkun to'e re du." ⁴ Ena wen bo avo ambi na efu yon hwe unumbe eyen kpe itchem mbe Emo. Ebu ayon, ⁵ "she Imba-edo siona, 'de, uhwe mbu ra bo re azwiu, re efo atko hwe tki uyon --tki Imba uyon atukpo mbe uyon.''' ⁶ V 6 Ate bahwan aten mbo eka so eka vo etan na Yesu she ma. ⁷ Eka bun mbe uyon re Imba'mbo ate embe uhu mbe bwe etki -mbe, ate Yesu hwe etki uhu fun. ⁸ Imba-eyen efki-ne to ucho bwere e kpu udan tukpo mbe tou iki-uhwe etki ufu, eba ugyen ske ayen uti ekpu beyen etki ufu. ⁹ Imba-eyen efkine ba so ka iswen mbe Yesu re eba ra bwere eyenfun era tan uhwu, "Efo so azwi mbe Ufgen Da'ude! Enasisi hwe ze eyen na bo nken eben mbe Ebarmi-idi! Efo na tkan eke!" ¹⁰ Eten na Yesu ka sibo nken Urushelima, kata efu'uten ebun-sen hwe era nyona, "Eyen immi hwen aban?" ¹¹ Imba-eyen kpe idno, "Ahwe Yesu Annabi na zi Nazareti nken Galili." ¹² Ate Yesu ka nken ikpi-toufo. A dgan kpu eba ra kpenambi etsu re eba kpen-raji re ambi-etsu nken ikpi toufo biuzi igyi, afwa to bi hgan to utau fi-asho re azwi-hwe mbe eba kpen ra jire ebou. ¹³ A she nyona, "Efun mbe beuba hwe, idi mi era tan nyona I[kpi-toufo,' ama abine enerambe hgan azwi zwi-uzwi." ¹⁴ Ate eba bwo ahji re hun abgu re afkan bo azwi mbo ada-kekpu'e. ¹⁵ Ama azwi Uhwesi na kagi re eba ba iba de ambi-ucho api na vo, re eten e fkan isho-sho sobiski ra nge uhwu nken ikpi-toufo era, "Efo a mbe Ufgen Da'ude," e won-uwon kagi ne. ¹⁶ E she nyona, "U ra fkan ambi na eyen-uhwe ba ten ra nyo ma?" Yesu she nyona, "Ino! Ama ene ta kpen fkanna iba fun, e nuswen mbe isho biski re aya na ra ke Imba-ame ura hwe re ena nviun-viun uzwen?" ¹⁷ Ate Yesu tore aka biuzi nken uten a-ka so Batalami aka vo uchuchu fun. ¹⁸ Ndin hwen re nsken ne azwi a hganto nken uten, afkan re umgah. ¹⁹ A de uti-nchun hwe shen na ufu, a so fun ate adzu ambi-ugyen etkimbo vonzi ayen mba. A shenyona, "Avwan kya zi igyi mbu ufi'a," re azwikan uti'nchun fu-bunto wo ne. ²⁰ Eten na eba hwan aten-mbo de ma, "E kpuetkan nyona, "vo'ine ke uti-nchun nmuene abunjito?" ²¹ Yesu kpe-idno ashe nyon, "Uzwen igibo nna she ene, nke na e nima hwere uzwen-ikube e nima gye na ikube, e nia vona ambi na vo re uti-nchun hwen mba, ama nke na u ma she ihwen, 'U yun ate usi ka to nken ugi-tkuhwo,' re ino ara hwe. ²² Ambi na u ma ka kata nken ufo-tuto, so uzwen, u ra kpe'a. ²³ Etan na Yesu si zi bo nken ikpi-toufo, Uhwesi' tkuhwo re ebanhwun mbe eyen-uhwe ebo azwi mbo etan na ara hwan ambi a nyo, "Ti re ekie na ni u ra vo ambi ba ten, aban ke'u asi ekie hwen?" ²⁴ Yesu kpe-idno a she nyona, "Ame nhwe re aken-ka ugyen na mnaka'ane. N ke na enima she ne, A me nna she ne re ekie na n na vo ambi bra ten. ²⁵ E Yohana eyen se enuben'etki a zi aton bo? azi akpo fenn ze eyen'uhwe?" E kpen re egye, nyona, "Ibun i nyo, 'Azi akpo,' ara she, 'E kon vo asi i so ya uzwen re do?' ²⁶ Ke na i nyo, 'Azi ze eyen'uhwe,' ira kyen Imba-eyenbra, etkina abe kata edegi Yohana hwe ze eyen kpe-ichun'emo." ²⁷ Atene eshe Yuesu nyona , abi igyiya." Ibu sai ashe, "A me sai nkpu nyoma re ekie na n na vo-ambi bra ten. ²⁸ Ama ambi na u ra tku ma ekon? Ebidzun bakagi tere Imba ifan. A ka so ze ena kaiswen a she, 'Ufgen, so aten naten hwen nken ivo -uti.' ²⁹ Ufgen kpe-idno a nyona, 'A ri vo'a ka,' a besi atobi hgan ikube mbo a so. ³⁰ Ebakagi hwen so ze ufgen na to ifan a she-mbe re ambi ugyen. A kpe-idno ashe nyona, 'A ra so, etki-hon,' a se mbo a fen fun. ³¹ Ena ne nken mbe ebe fgene ifan ten atau mbe ra chon'e?" E nyona, "E na ka iswen." Yesu she nyona, "Re gyi-bo N na nyo ra she ne, eba kpe-asho'uji re eba ban'usho era ka nken idi-akpo kaiswen ke'u. ³² De Yohana fun bo azwu nken ufu na sisi, ama u se sowa uzwen azwi-mbo. A ma eba kpe asho-uji re eba ban uni-usho e so uzwen azwi mbo. Ama A bu, u hgan de-kya ena hwen, u kpu kyen-hwen wa ukpu so wauzwen mbo. ³³ Kpe atkun ze mfin na ugyen. Ebi-dzun bakagi ugyen hwe, etahwan-ivo. A tkon mbe ivo avean-uti, abanhwo mbe, afu'u ehwa fe enuben-uti nken mbo, ata mbe uto bwe-ufgen, ambe jikpo ke eba tko avan uti. A ka so nken uten ugyen. ³⁴ Azwi eten ton avan-uti bo ra biure ma, atkun ebeuswi mbo so azwe tko avan-uti eka kpe avan-uti'mbo. ³⁵ A ma eba tko-avan'uti bun kpe ebeuswi mbo, be ugyen ambi, e bwan mbe na ugyen, e ta na ugyen uchen. ³⁶ Re ufi'i, eta hwan ivo tkun ebauswi ba ugyen, tkan kya na ka iswen, a ma eba tko avan uti ten vo shi'e ucho na e vo re eba ka-iswen. ³⁷ E yen-fun na hwen, etan-hwan ivo tkun ufgen azwi mbe, nyona, 'Abe e ra ke Imba efo.' ³⁸ A ma azwie tko avan-uti de Ufgen ma, e nyo re egye, 'E na hwen aji'e fen bo i bwan mba ke kpe mbe e fen.' ³⁹ A te e bun-mbe, ta beuzi ivo-avan'uti e bwan mbe. ⁴⁰ N din hwen eta-hwan ivo avan'uti bore, ekon ara vo re eba tko avan'uti ten?" ⁴¹ E she nyo, "A ra bwan jia to eba jiabin nken etofin ifki ne, ara mbe ivo ke kya eba tko avan-uti ba ugyen, eyen-uhwe na ra ke ambi ji ivo eten mbe na bwun-bwen." ⁴² Yesu she nyona, "U ta kpen fkan wa iba nken ufkakekke, 'Uchen na eyen ta ikpi se'a e mbe'a hgan uchen na nkyun. Ek hwen azwimbe Ebarmi-idi, a hwe ambi kya enegyi azwi mbe enegyi mbi'? ⁴³ Ahwe re ino n nyo ke ne, idiakpo era mbezi azwi meune era mbe'a ke efu'uten ba ra van avan mbo. ⁴⁴ Eyen na ma kpu etki uchen hwen ara bkan sho-sho. a ma etke eyen-ugyen akpu ara bkanmbe. ⁴⁵ Azwi uhwesi tkihwo re Falisiya wabra efkan nfin mbo, e fkangi ken a ra nyo aken etki mbe. ⁴⁶ E don na ebun mbe'a, era kyen afukyen mbe Imba-eyen, etki na eyen ke efo na hwe eyen ichun.