¹ Yesu nyon aken re ifki-mbe enyenuhwe te muma re ebahwan-abgu aten mbo bra. ² Anyona " Eba ba-ufka re Farisawa bra te azwi-hwe mbe Musa. ³ Ahwe ino, ambi na ema she rene nyon eni vo kata, eni vo ino. Eni ti binna abgu ikyun mbea, kyen era nyon ambi na abe era voa. ⁴ Ino, etekpuitken dzudzo ra tken enyenuhwe re utsu. Abe re etki-egye mbe itka abgu ra cho mua. ⁵ Era vo abgu aten mbe ke enyenuhwe ede. Ekyakpu iche te ngon-ine,re ambi vo igyi kagyi. ⁶ Era chon azwihwe kagi azwi ukinho re ikpi fun etki mbe Yahudawa, ⁷ re inobube nken eswen, re na enyenuhwe etan'e nyona 'eba hwan-ambi'. ⁸ Tike eti tan'u mba nyon enyen hwam mabi'a, kyen enyen hwan ambi ugyen, abine kata eni te befgini. ⁹ Eniti tanna enyen ugyen nyon Attah, kyen Attah ugyen mba ena hwe akpo ma. ¹⁰ Re nna uke era tan'u nyon enyenhwan ambi , kyen uhwe re enyen hwan-ambi ugyen, ibu Krisiti. ¹¹ Nken mene enyen kagi ra hwe uswi mene. ¹² Enyen na mbe etki-egyo attan e mba bi asi ikihwe, re enyen na mbe etki dow ikihwe era vwe mba yun attan. ¹³ Ishshi mene,eba baufka re farisawa, eba efo eningyi! eni ciken to idi mbe Ukachan azwi enyenuhwe. Eni kpu kanna nken eni hwaden to ebachon na eki ka. Ishishi mene, eba ba ufka re farisawa, eba efo eningyi! Eni tko yen ihwen yen ugyi ke eni dzu ra mbe enyen na so uzwen ugyen,ke ama so re uzwen eni bighan mba ra nghan imba idi uffi afkan ifan ze abene ma. ¹⁶ Ishshi mene, abeneeba bwo ashi, enyona, 'enyen na madan efu re ikpi mbe Ukachan, voa edan. K enyen nama dan efu re uchen zun eningyi mbe ikpi mbe Ukachan ate mbere egyo re ¹⁷ Abene tswentsu ba bga ashi! Enani tkan asi, uchen kya eningi au ikpi mu nambe uchenmu hwe kikye ma? ¹⁸ , Re 'enyenna ma dan-efu re agba-ambi kikye naikpi mbe Ukachan voa ambi ugyen'a. Enyen na ma dan-efu re ambi na hwe, ate mbe re egyo.' ¹⁹ Abene ebabwo ashi! Enani tkan asi, ambi na hwe etki mbo ma fen agba ambi na tken mbe ambi mu hwe ma? ²⁰ Ahwe-ino, enyen na ma dan efu re agba ambi kikye, adan re ambi na hwe etkimbo ma kata. ²¹ Enyen na ma dan-efu re ikpi me Ukachan, dan re eba te nken ma kata, ²³ Ishishi mene eba ba-ufka re farisawa, eba efo eningi! eni ra ba enigyi azwi Ushira na kika, eni to ambi kagi na udon ra nyon aken etki mbe ma- ambi-uzwen, re Itoshi, re uzwen. Aten eni ki a vo kata mbe voa ena eni ra vo bagyen eni ra to bagyen re'a. ²⁴ Abene eba bwo ashi, abene eba ra to esan re enira nme' ibi-mghi! ²⁶ abene farisawa ba gban ashi! eni gha-gha sambe azwi nken mbe nyanso re angye, ke enyifu mbo ben akye. ²⁷ Ishshi mene, ebaba-ufka re farisawa, eba efo eningyi! eni hwe ze umui na efka mbe azwi igigyi hwe isi-ine, azwi nken mbomghan hwere afure ambi ufkan bagyen. ²⁸ Hwe-nino, eni ra tsun enyenuhwe igigyi eni te eba kikye, eka biu re nken mene eni te eba efo eningi re eba vo ambi izwi. ²⁹ Ishshi mene, eba ba-ufka re farisawa, eba efo eningi! Eni mghi kpu umuin mbe annabawa bra re na enikya kpu umui mbe eba kikye. ³⁰ Eni nyona, 'ke iki hwe eten mbe ba-attahmi bra iki re ka iya etki azwi eken bwu-bwo mbe annabawa bra.' ³¹ Ahwe ino eni nyon bwanegyene nyon eni hwe ibumba eba bwan annabawa ma. ³² Eni ra ba abgu aten mbe eba-attah mene. ³³ Abene uvgin bra, eswi mbe ifon bra, ambi ke eni rache azi ehwan mbe idi uffi ma ekon?" ³⁴ Ahwe-ino wen,de, Nna tkun ake ene annabawa re eba ba-ufka. Bagyen mbe eni kpue abwan eni kpue ken ikan; Ebgyen mbeeni ra be ama nke ikpi fun etki mene re na eni dgan ra kyun nken utenre uten. ³⁵ Ambi nabamu abo nyon eken mbe ebaeni bwan ten hwe ene etki, yun azwi eken mbe Habila, bo azwi eken mbe Zakariya imba mbe Barakaya, naeni mba bwan ufon mbe agba ambi re azwi kikye. ³⁶ UzwenNna she'ene, ambi ten kata rabo etki mbe eten hwen. ³⁷ Urushelima, urushelima, abu ena bwan annabawa re na ura taeba etkun'e bo azwi mbu ma re uchen! Afkan ifyin Nchon na nkpu ebiski mbo ra fun azwi ugyen, ze'ana ifun ra kpu ibski mbo ton ahwun mbo ma, ura chonwa! ³⁸ De, idi mbu hwe ukan idi. ³⁹ Nna she'ene, eni kya denmba dge ndinewen ka biuukinna eniranyona" enyen isihwe enyen ne bo nken eben mbe Bami-idi."