¹ Eten ugyen Ebachen ebo azwii Yesu e ka na "Aban hwe-asi nken idi akpo?" ² Yesu atan mbe Imba kyu, ambe te uwu mbe, ³ Anyo na, uzwen'gibo mna she ne, nkena uma to bighan uhwewa ze Ishobiski'share, ufu hwe na ene ka nken idi na akpo. ⁴ Ahwe re ino, eyen na mbe gyo hwe ze Imbe'kyu wen ara hwesi eyen itki'ho nken idi akpo. ⁵ Eyen na kpe Imbakyu itsu na wen nken eben mi akpe ame. ⁶ Ahwe ino eyen na ke ugyen nken mbe eba share ten ebe souzwen nken mi voambi sigyo, asi tkan re na mbe ehwukpoambi tore utsu ke mbe gdwu nken azwi gdwungdwun mbe ugi kagi. ⁷ Itoshi mbe efu'uten etki mbe ufon mbe utinte! de ahwe-kinkin na eten ten ebo, ahwe'ino toshi mbe eyen na eten ten ra bo azwi'mbo! ⁸ ke ena agbu fenn afkan'mu ve'u mu akpu, uske me tazi. A si ena uka idi me emo agbu ugyen fenn afkanmu ugyen re na egyimu kata ra so uffi. ⁹ Nke na enegyi ve'u akpu, ufke me tazi asi tkan na uka idi me Emo re enegyi ugyen re na ura ka nken uffi na tsu-tsu uhwe re do kata me enegyi. ¹⁰ De utu de yan'na eba sharere ten. nna she ne etan nken akpo nvun mbe ra de ebwa'tki me attami na hwe nken akpo. ¹¹ Ahweino Imba eyen'uhwe abo ena afka'ze ambi ba ta mbwe te. ¹² Ekon ura tku? Ke eyen na hwe re imba iton ujie'itkun, ugyen ma tan zere, ara dan uji-ita imbabo'u, ura towa uji ini'imbaboua etki teni wen -ihwen uka so don wa ugyen na ta bmue ma? ¹³ Nke na u du re, uzwen nna she na, a ra ten utsu sisi ne tkan uji-ini'imbabou etki teni ba bmue . ¹⁴ Re ino, vo'a echon me Atta mu na hwe etan akpo nyo na eba sharere ten eji etki'e. ¹⁵ Nke na ke ufgini'mbu ma dan ure edan, so uka she edan'mbu, uwu'mbu re do mba. Nke na afkkan'u ke ubin re udi'mbu. ¹⁶ Ke na a se'mbo afkkan'mba , udon me eyen-ugyen fenn iffan ba'ugyen re du , ke ahwe eyen-iffan fenn ita ke uvun'aken eni nyo ma aka eyen- tkun me ke gvi ede. ¹⁷ Ke na a se re na affan'mba, bun me aken mu ka so azwi me eba uken'chan. ke na ama se mbo na a ra fkkan eba ba uken-chan, e mba hwe ze eba vo ambi zwi'zwi re ba kpe asho'uji. ¹⁸ Uzen mna she ne kata ambi na nima tere ate efu'uten a ra te nken akpo; nke kata ambi na nima fgunre efu'uten era fgun'u nken akpo. ¹⁹ Ufi'e mna she ne, ke na eyen iffan nken mine kpere indo ate efu'uten etki me ambi kata na egbu, era du azwi mbe Atta mi na hwe nken akpo. ²⁰ Azwi na eyen iffan fenn ita ema fun'si udi'di nken eben mi, ate ame nken'mbe mre hwe. ^{21 21} Ate Bitilisu bo nyo na Yesu, "ebarmbi'idi, affan ifin udi mi ra dan ame-edan mbun me cito ke? Ama ka bure idi itofan?" ²² Yesu she yon na, "mshe mba yon itofan idi itofan, nke ama ka bu're uji ita imba itkun idi itofan. ²³ A hwere ino Idi akpo ahwe ze uhwe ugyen na ra chon na akpa swe ekpo re ebe'uswi-mbo. ²⁴ Azwi agyu ra kpa,embe uswi ugyen bo azwo'u eyen ara ba re asho uhu uji-iffan'imba itkun. ²⁵ Azwi ahwere ufu na kpa ke ma, ebarmbi-idi'mu ke uve'un nyo na emba kpe ji, ibu re ugho, re ishoboski'mbo re ambi na te re do kata, ke mbe kpa ekpo na aji. ²⁶ Se uswi wen zi fwe iki,abwen eku swenmbo, nyo na,'Imbi'idi, uzwen ikuube ,re den, mna kpa ke'u ambi na ura banma kata. ²⁷ Re'ino etan hwan uzwi'mu, eten wen ade re enegyi'itoshi, achitore amuji to re ekpo na a ra ba ma. ²⁸ De azwi uswi wen biu zi adzu ebwa eyen ugyen uswi ji re do, na ara ba re ekpo asho uhu ugyen. aben dne to'u, afen dne mba utsu, a she na 'akpa ke asho mbo na ara ba ma.' ²⁹ Ate idgo uswi mbo wen kpu iki'hwe ara gbu nyo na uswen ikube ken, mna kpa ke'u.' ³⁰ ]v 30 Tou uswi na ghagha wen a se. Enuswen na wen, abumba ka to ikpi'e chu-eyen fkan azwi na akpake ambi na ara ba. ³¹ Ate ne idgo uswi'mbo bara ede ambi na vo ma, eka so kpen aken'mu ke ebarmbi'idi mbe kata me ambi na vo ma. ³² Ate etan hwan mbe uswi wen tan'mba, ashe, nyo na Abu hwe uswi ukyi,, nchuto ke'u ekpo etki na ugbu'm. ³³ Abu uto ke wa uswi'udi mu, ukpu de ka wa itoshi'mbo?'. ³⁴ Ebarmbi'idi vozwi ikube atku mba ke ba voshi eyen' fkan azwi na akpa swe ambi era ba ma. ³⁵ Ara hwere ino azwi mbe atta mi akpo ara vo ino re du, nke na uma chuto ke wa udi mu nken ikube mu."